أخيراً .. دخلت الحلاق .. وصرت مزيون ( صوره حديثه ) !

مدمن شاهي · 16-09-2006, 11:58 PM

سلام علاكم

الدنيا تبي .. والآخره تبي !

وإلى متى والواحد .. لايتزيّن .. ولايشخّص ... ولا يزبرق عمره !

وش فرقي عن ( دحيّم ) يوم انه يطقّ العقال المايل - مالت عليه بقعا - ولبس ثوب أبو سبعة أزارير فضيّه .. ولبس كنادر كعب عالي .. واعرس على الربشا !

وش فرقي عن ( علي ) ولد المنفهق .. يوم انه " حفّ " الشنب ... وضبّط الشعر .. وفتل حواجبه !

وش فرقي عن ( سمير ) ولد الساحر .. يوم انه يمرّ " البنشري " وياخذ منه شامبو " سيجنل تو " وفرشاة أسنان .. وصار كل ماشافني .. فتح خشّته عشان أشوف أسنانه تلامع !

وش فرقي عن هالناس اللي كل يوم رازّه عمرها .. وتمشي حبّه حبّه في الاسواق وعند مدارس الطالبات << أحلق حواجبي إذا صار لهم خوات في المدرسه !

اليوم .. ببشّركم ببشاره .. زرقت للحلاق .. ونطلت على العامل ( ثلاثه ريال ) متسلّفها من ( زيد المنزوي ) .. وقلت : شوف .. أضبط شعري .. أحلق الشين .. وخلّ الزين ! ... ورّاني ( ثلاث صور ) << أحس أنها لناس مطلوبين !

.. قال [ تخيّر أي شكل تبي ] .. أخترت أملحهم .. ! .. قال ( سكّر عيونك ) .. سكّرت ... شوي عطاني وحده في رقبتي .. وقال ( أفتح ) .. فتحت عيوني .. شوي إلا واطقّها " ابتسامه " .. ماصدّقت اللي شفته !

( هذا أنــــا ) .. أذر المكياج يلعب دور !

وانا اشوف حريمنا مابلا زيون ! .. أذر المكياج نعمه وانا ماندري ! :D

وبِما أنكم ناس غالين علي .. فاليوم بنزّل صورتي في جميع المنتديات .. وأشيل صورتي الأوّله .. لاتفشّلني قدّام المشرفين .. !
خلّني مزهلق .. وافتح النفس .. ! :D

يكفي فشيله بشعري الأوّل .. ويكفي " احتقار " الزيون لي .. هاللي يشوفوني بطرف عيونهم - جعلها تفضخ - !

أنا داري أني " بانتشر " في البلوتوث ... وبتصيرالناس تستغل صورتي في أمور ( دنيئه ) وحركات ( مُش ولابُد ) ! .. لكن تراي ماأحلل أحد إذا صار يستغلني في شي حرام !

من اليوم وطالع أبي كل من شاف صورتي في المنتديات .. يدلّي يستانس وينبسط .. !

أبي كل من دخل مواضيعي ( يجلس يطالع في صورتي ربع ساعه .. وفجأه .. وبِلا إراده يسيح على الطاوله ! )

خلاص .. يكفي .. يكفي يامُدمن .. تراك قطعت قلبي !

عاد آلحين أترككم مع الزين ( مُدمن ! ) :

صورتي سابقاً [ قبل أروح للحلاق ] .. يعني يوم كنت شين

:

صورتي الحاليه [ يوم أني طلعت من الحلاق ] .. يعني يوم صرت زين

:

هاه .. بشّروني . أصلح أصير خوي أمير أو خوي مُستشار في الدوله ؟

أصلح أصير ( خلفية لسطح المكتب ) ؟

أصلح أصير ( صورة غلاف مجلّة فواصل ) ؟ :D

هاه أصلح .. بشّروني تكفون .. تراي قاعد على أعصابي ؟

سلام للحلوين بس .. لأني صرت آلحين واحد منهم

!

16-09-2006, 11:58 PM	#1
مدمن شاهي عـضـو تاريخ التسجيل: Jul 2006 المشاركات: 288	أخيراً .. دخلت الحلاق .. وصرت مزيون ( صوره حديثه ) ! سلام علاكم الدنيا تبي .. والآخره تبي ! وإلى متى والواحد .. لايتزيّن .. ولايشخّص ... ولا يزبرق عمره ! وش فرقي عن ( دحيّم ) يوم انه يطقّ العقال المايل - مالت عليه بقعا - ولبس ثوب أبو سبعة أزارير فضيّه .. ولبس كنادر كعب عالي .. واعرس على الربشا ! وش فرقي عن ( علي ) ولد المنفهق .. يوم انه " حفّ " الشنب ... وضبّط الشعر .. وفتل حواجبه ! وش فرقي عن ( سمير ) ولد الساحر .. يوم انه يمرّ " البنشري " وياخذ منه شامبو " سيجنل تو " وفرشاة أسنان .. وصار كل ماشافني .. فتح خشّته عشان أشوف أسنانه تلامع ! وش فرقي عن هالناس اللي كل يوم رازّه عمرها .. وتمشي حبّه حبّه في الاسواق وعند مدارس الطالبات << أحلق حواجبي إذا صار لهم خوات في المدرسه ! اليوم .. ببشّركم ببشاره .. زرقت للحلاق .. ونطلت على العامل ( ثلاثه ريال ) متسلّفها من ( زيد المنزوي ) .. وقلت : شوف .. أضبط شعري .. أحلق الشين .. وخلّ الزين ! ... ورّاني ( ثلاث صور ) << أحس أنها لناس مطلوبين ! .. قال [ تخيّر أي شكل تبي ] .. أخترت أملحهم .. ! .. قال ( سكّر عيونك ) .. سكّرت ... شوي عطاني وحده في رقبتي .. وقال ( أفتح ) .. فتحت عيوني .. شوي إلا واطقّها " ابتسامه " .. ماصدّقت اللي شفته ! ( هذا أنــــا ) .. أذر المكياج يلعب دور ! وانا اشوف حريمنا مابلا زيون ! .. أذر المكياج نعمه وانا ماندري ! :D وبِما أنكم ناس غالين علي .. فاليوم بنزّل صورتي في جميع المنتديات .. وأشيل صورتي الأوّله .. لاتفشّلني قدّام المشرفين .. ! خلّني مزهلق .. وافتح النفس .. ! :D يكفي فشيله بشعري الأوّل .. ويكفي " احتقار " الزيون لي .. هاللي يشوفوني بطرف عيونهم - جعلها تفضخ - ! أنا داري أني " بانتشر " في البلوتوث ... وبتصيرالناس تستغل صورتي في أمور ( دنيئه ) وحركات ( مُش ولابُد ) ! .. لكن تراي ماأحلل أحد إذا صار يستغلني في شي حرام ! من اليوم وطالع أبي كل من شاف صورتي في المنتديات .. يدلّي يستانس وينبسط .. ! أبي كل من دخل مواضيعي ( يجلس يطالع في صورتي ربع ساعه .. وفجأه .. وبِلا إراده يسيح على الطاوله ! ) خلاص .. يكفي .. يكفي يامُدمن .. تراك قطعت قلبي ! عاد آلحين أترككم مع الزين ( مُدمن ! ) : صورتي سابقاً [ قبل أروح للحلاق ] .. يعني يوم كنت شين : صورتي الحاليه [ يوم أني طلعت من الحلاق ] .. يعني يوم صرت زين : هاه .. بشّروني . أصلح أصير خوي أمير أو خوي مُستشار في الدوله ؟ أصلح أصير ( خلفية لسطح المكتب ) ؟ أصلح أصير ( صورة غلاف مجلّة فواصل ) ؟ :D هاه أصلح .. بشّروني تكفون .. تراي قاعد على أعصابي ؟ سلام للحلوين بس .. لأني صرت آلحين واحد منهم !