( المطبخ الرمضاني ) .. موضوع خاص بالحريم والبنات بس !

مدمن شاهي · 28-09-2006, 03:02 PM

سلام علاكم

حيّالله الغالين كلّهم .. وكل عام وانتم بخير وصحّه وعافيه

أخباركم .. وأخبار رمضان معكم .. ؟

شكلكم عفلتوا أبو النعمه .. ويارب يتقبّل من الجميع !

الثلاثة الأيام الماضيه انقطعت " جبراً " عن النت .. لسفري للخارج .. رحت للإمارات الحبيبه وجلست فيها ثلاثة أيام بلياليها .. وكلمة حق أقولها .. أهلها رجال ويبيّضون الوجه .. !

عدّة نقاط أحب أبينها على غِرارهالموضوع المتفركش ... ! :i128

أولاً : هالموضوع خاص بالحريم والبنات فقط .. يعني أي شنب أو تمساح يدخل .. يحاول يشرفنا آلحين بطلوعه مع الباب .. لأن " الطبخ والنفخ " مهوب له .. التمساح والشنب حدّه موتر يزبرقه ويلمّع كفراته ليل ونهار ... أنا داري أن كلامي هذا آلحين قاعد يقراه " شاب " يبي يشوف وش ورى المُدمن ومطبخه الزهري .. بس أنا أكرر له مره ثانيه وأقول ( يا أخ .. يا أنت ... يابو ... أطلع الله لايهينك .. رح أمسك لك مصحف واقرا لك كم آيه أبرك لك .. مالك ومال " البرياني " و " السمك المحشي بالخلطه " .. شرّفنا برّا ياحلو ) !

سادساً : الموضوع " هاد " يصلح لجميع فئات الحريم .. بنات عزبات .. متزوّجات .. عانسات ... مُطلّقات .. حتى المُعقات .. من باب الفرح بجهودهم في المطبخ !

عاشراً : أنصح أختي اللي تبي تطبخ أنها تستغل وقتها " وتشتري " لها مسجّل أبو سماعات كبار ( كبر أذاني دحيّم ) تشتريه لها وتركزه في المطبخ وتشغّل المسجّل على محاضرة حلوه ومفيدة .. وتجمع مابين الفائدة .. وفي نفس الوقت " تحرق طبختها " !

أخيراً : أعتذر للإخوه والأخوات خاصّة اللي راسلوني على البريد عن تأخر طرح هذا الموضوع لانشغالي .. وآلحين لقيتها فرصه أني أطرحه ... لأننا في رمضان .. ورمضان فرصه أننا نتعلّم عليكم كم طبخه !

= = =

أختي الكريمه .. يالله آلحين شديّ حيلك .. أدخلي المطبخ .. جمّعي أغراضك .. سكاكين .. ملاعق .. قدور .. صياني .. شغّلي الفرن .. شغّلي الهواية عشان ماتنكتمين .. أستعيني بالله ..

اليوم طبختنا بتكون من الأطباق الرئيسيه ..

يعني طبخة دسمه وماتُخرّش " الميّه " ..

اليوم بتكون الطبخه عباره عن ( مكرونه بقشطة الخفق )

المقادير /

علبة مكرونه + علبة ذره + قشطة الخفق + 3 حبّــــــات جزر مبشور+ كيس جبن موزريلا + 3 ملاعق زيت زيتون + دجاج مقطع مكعبات صغيره + بصل مفروم + ملح ( على كيفكم مهوب إجباري ) .

طريق تصيلح الطبخه المتفركشه تفركش أنما إيه /

أوّل شي نسلق المكرونه مضبوط ، ثم نحط عليها زيت الزيتون ، نخليّها شوي .. ثم نحط البصل والدجاج .. وتقعدين تقلبين فيه شوي وتحركين بهدوء ( أركدي يابنت .. شوي شوي عشان تطلع الطبخه مضبوطه ) .. ثم تحطين بعدها الذُره والجزر والملح .. وتتركينها لين تشوفينها بدت تنضج وتزين .. بعدها تحطين خليط الدجاج على المكرونه وتضيفين عليها قشطة الخفق .. وتخلطينها مضبوط مضبوط .. وتحطينها في صينية وترشين فوقها " جبنة الموزريلا " .. ثم تدخّلينها في الفرن لين تذوووووب الجبنه ..

ثم عاد تطلّعين الطبخه .. وتقدمينها للاهل أو الزوج أو العيال أو الزميلات والصديقات .. أو تبيعينها كطبق خيري في دار تحفيظ .. والنص بالنص !

اليوم طبختنا .. كانت رئيسية والحلقه الثانيه بتكون صنف " حلى " .. والحلقه الأخيره بتكون صنف " عصير ومشروب بارد " ..

والايام الجايّه مانيب ناسي أني أنبهكم على بعض الأمور اللي لابد للحرمه أنها تنتبه لها أثناء الطبخ ...

أيضاً .. لابد أن اللي تطبخ أنها تحتسب الأجر عند الله في طبخها .. لأنها تقوم على شؤون الغير وتؤدي خِدمه جليله مُباركه ...

بالنسبة لاخواننا التماسيح والشنبات بشتى أشكالهم وأصنافهم ومؤهلاتهم " الجامعيه " .. تراي مانسيتكم .. بيجي اليوم اللي أعلّمكم وش لون تطبخون في البر .. من أوّل طبخه لآخر طبخه .. بس فكوّني من شرّكم وخلوني أكتب مواضيع هالشبّاصات الزهريه اللي يزدهر سوقهم في رمضان وترتفع نسبة الطلب عليهم !

أسعد الله مسائكم .. وبالهنا والشفا .. وجعلكم ماتغصّون

أخوكم الشيف " مدمن شاهي "

28-09-2006, 03:02 PM	#1
مدمن شاهي عـضـو تاريخ التسجيل: Jul 2006 المشاركات: 288	( المطبخ الرمضاني ) .. موضوع خاص بالحريم والبنات بس ! سلام علاكم حيّالله الغالين كلّهم .. وكل عام وانتم بخير وصحّه وعافيه أخباركم .. وأخبار رمضان معكم .. ؟ شكلكم عفلتوا أبو النعمه .. ويارب يتقبّل من الجميع ! الثلاثة الأيام الماضيه انقطعت " جبراً " عن النت .. لسفري للخارج .. رحت للإمارات الحبيبه وجلست فيها ثلاثة أيام بلياليها .. وكلمة حق أقولها .. أهلها رجال ويبيّضون الوجه .. ! عدّة نقاط أحب أبينها على غِرارهالموضوع المتفركش ... ! :i128 أولاً : هالموضوع خاص بالحريم والبنات فقط .. يعني أي شنب أو تمساح يدخل .. يحاول يشرفنا آلحين بطلوعه مع الباب .. لأن " الطبخ والنفخ " مهوب له .. التمساح والشنب حدّه موتر يزبرقه ويلمّع كفراته ليل ونهار ... أنا داري أن كلامي هذا آلحين قاعد يقراه " شاب " يبي يشوف وش ورى المُدمن ومطبخه الزهري .. بس أنا أكرر له مره ثانيه وأقول ( يا أخ .. يا أنت ... يابو ... أطلع الله لايهينك .. رح أمسك لك مصحف واقرا لك كم آيه أبرك لك .. مالك ومال " البرياني " و " السمك المحشي بالخلطه " .. شرّفنا برّا ياحلو ) ! سادساً : الموضوع " هاد " يصلح لجميع فئات الحريم .. بنات عزبات .. متزوّجات .. عانسات ... مُطلّقات .. حتى المُعقات .. من باب الفرح بجهودهم في المطبخ ! عاشراً : أنصح أختي اللي تبي تطبخ أنها تستغل وقتها " وتشتري " لها مسجّل أبو سماعات كبار ( كبر أذاني دحيّم ) تشتريه لها وتركزه في المطبخ وتشغّل المسجّل على محاضرة حلوه ومفيدة .. وتجمع مابين الفائدة .. وفي نفس الوقت " تحرق طبختها " ! أخيراً : أعتذر للإخوه والأخوات خاصّة اللي راسلوني على البريد عن تأخر طرح هذا الموضوع لانشغالي .. وآلحين لقيتها فرصه أني أطرحه ... لأننا في رمضان .. ورمضان فرصه أننا نتعلّم عليكم كم طبخه ! = = = أختي الكريمه .. يالله آلحين شديّ حيلك .. أدخلي المطبخ .. جمّعي أغراضك .. سكاكين .. ملاعق .. قدور .. صياني .. شغّلي الفرن .. شغّلي الهواية عشان ماتنكتمين .. أستعيني بالله .. اليوم طبختنا بتكون من الأطباق الرئيسيه .. يعني طبخة دسمه وماتُخرّش " الميّه " .. اليوم بتكون الطبخه عباره عن ( مكرونه بقشطة الخفق ) المقادير / علبة مكرونه + علبة ذره + قشطة الخفق + 3 حبّــــــات جزر مبشور+ كيس جبن موزريلا + 3 ملاعق زيت زيتون + دجاج مقطع مكعبات صغيره + بصل مفروم + ملح ( على كيفكم مهوب إجباري ) . طريق تصيلح الطبخه المتفركشه تفركش أنما إيه / أوّل شي نسلق المكرونه مضبوط ، ثم نحط عليها زيت الزيتون ، نخليّها شوي .. ثم نحط البصل والدجاج .. وتقعدين تقلبين فيه شوي وتحركين بهدوء ( أركدي يابنت .. شوي شوي عشان تطلع الطبخه مضبوطه ) .. ثم تحطين بعدها الذُره والجزر والملح .. وتتركينها لين تشوفينها بدت تنضج وتزين .. بعدها تحطين خليط الدجاج على المكرونه وتضيفين عليها قشطة الخفق .. وتخلطينها مضبوط مضبوط .. وتحطينها في صينية وترشين فوقها " جبنة الموزريلا " .. ثم تدخّلينها في الفرن لين تذوووووب الجبنه .. ثم عاد تطلّعين الطبخه .. وتقدمينها للاهل أو الزوج أو العيال أو الزميلات والصديقات .. أو تبيعينها كطبق خيري في دار تحفيظ .. والنص بالنص ! اليوم طبختنا .. كانت رئيسية والحلقه الثانيه بتكون صنف " حلى " .. والحلقه الأخيره بتكون صنف " عصير ومشروب بارد " .. والايام الجايّه مانيب ناسي أني أنبهكم على بعض الأمور اللي لابد للحرمه أنها تنتبه لها أثناء الطبخ ... أيضاً .. لابد أن اللي تطبخ أنها تحتسب الأجر عند الله في طبخها .. لأنها تقوم على شؤون الغير وتؤدي خِدمه جليله مُباركه ... بالنسبة لاخواننا التماسيح والشنبات بشتى أشكالهم وأصنافهم ومؤهلاتهم " الجامعيه " .. تراي مانسيتكم .. بيجي اليوم اللي أعلّمكم وش لون تطبخون في البر .. من أوّل طبخه لآخر طبخه .. بس فكوّني من شرّكم وخلوني أكتب مواضيع هالشبّاصات الزهريه اللي يزدهر سوقهم في رمضان وترتفع نسبة الطلب عليهم ! أسعد الله مسائكم .. وبالهنا والشفا .. وجعلكم ماتغصّون أخوكم الشيف " مدمن شاهي "