( المطبخ الرمضاني ) .. موضوع خاص بالحريم والبنات بس ! ( 2/3 )

مدمن شاهي · 06-10-2006, 02:19 AM

السلام عليكم

هاه بشّروني عسى طبختكم الاولى احترقت .. قصدي مشت معكم " مضبوط " ؟ :D

عاد اليوم بيكون

صنف " حلى " .. وانا أروح هوا مع شي اسمه " حلى " .. أمووووت فيه واتقطّع ارباع واتمدد على السفره ولعاً بِه !

حتى أني بعض المرّات لاشعورياً أسمي عليه .. وأنسى الأطباق الرئيسية والمقبلات بجميع أشكالها وألوانها .. بدءً من الكرّاث والفجل ونهايةً بالمخللات اللي تتفخ البطن ولا منها فايده سوى الملوحه الزايده !

قبل أبدى في حلقتي الثانيه هذي والمُخصصه

لنوع ( الحلى ) .. أحب أنوّه ببعض الأمور .. !

حلقتي الأولى

" تحاشر " فيها بعض التماسيح في أغلب المنتديات اللي كتبت فيها موضوعي .. بل بعض المنتديات مارد علي فيها إلا " تماسيح وشنبات " .. وانا مايفرق معي الرد لأن بعض الأخوات تدخل وتستفيد ( وهذا ما أريد ) .. ولكن السؤال اللي يمصع بنفسه هنا ويجي يركض على وجهه ( أيش دخّلك ياولد في هالموضوع .. داخل لي عرض في الموضوع وتشارك ليه ياشنب .. ياقدع .. يامُرتدلا زياده حبّه سودا ) !

الشرهه ماهو على العضــو الدسيسه .. الشرهه على المشرفين اللي سمحوا له يدخل .... والا الأصـــل أن ذاك العضو يعلّق برجليه على باب المنتدى اسبوع .. عشان يكون عبره لكل التماسيح والشنبات ... ويختم على رقبته

( هذا العضو دخل بين الحريم وسوى زحمه في موضوع المُدمن ) ! :D

الأمر الثاني .. احتمال تكون فيه حلقة رابعة من حلقات الطبخ هذي .. بناءً على طلب بعض الأخوات .. بنتكلّم فيها - إن شاء الله - عن أمرين .. عن بعض النصائح للأخوات داخل المطبخ .. وأيضاً جواباً عن طريقة صنع بعض الطبخات الخفيفة .. وترى هذا احتمال .. يعني مهوب أكيد ... لأن الواحد يمكن يجيه ضرف يحول بينه وبين المشاركة في المنتدى أو يمكن يعتمر ويموت في الزحمه

<< أفهموها ترى يمكن أعتمر بعد كم يوم .. واللي يبيني أتصدّق عنه يحوّل المبلغ لحسابي ( لايهمكم تراه حرامي ويبغى يسرقكم ) !

= = =

عاد خلوا عنّا كثر الحتسي اللي ماله سنع .. وخلوّنا في طبختنا الكريمه

اليوم طبقنا بيكون صنف حلى /

شرائح اللوز مع مربّى التين

المقادير .. وسجّلوها زين .. عشان ماينقص شي ثم تبلشون !

* 200 غرام أو كوبين من اللوز المطحون .

* 140 غرام أو كوب واحد من الدقيق العادي .

* بيضتين ( جعلها تنفضخ على راس دحيّم .. آمين ) :D

* علبة 397 غرام من حليب نستله المكثف المحلّى .

* ملعقة صغير من البيكينق بودر .

* 150 غرام أو ثلاثة أرباع كوب من الزبده المذوّبه ( أذوّب معها ياناس ) !

* 100 غرام أو كوب واحد من السكّر .

* نصف كوب من مربى التين .

هذي المقادير .. وآلحين عاد نجي لطريقة صنع الطبخه .. وانا داري أن بعضكم ماتعرف في الطبخ إلا أسمه .. لكن ترى التعلّم شوي شوي .. والتصليح مهوب يجي على طول .. يعني يمكن تحرقين شغلك اليوم .. وبكره تطلّعين لك كتاب أحسن من كتاب " أم عبدالله " و " ام عمر " !

أسمعيني يامره .. واسمعيني يابنت

آلحين قرّبي الصحون .. واستعيني بالله .. واقري وردك ..

سملّى علي .. بديت انتفض .. لاني أكتب الماضوع وانا صايم !

شوفي وانا اخوتس ..

أوّل شي تحطيّن كل المكونات اللي فوق

(( من دون المربى )) تحطينها في صحن ( وعاء ) وتمزجينها مضبوط .. ثم تسكبين الخليط كلّه في قالب للخبز 28 سم × 20 سم .

ثم عاد تخبزين القالب في الفرن .. وتخليّنه محمّى على حرارة ( 175 ) درجه .. وانتبهي يلعّط يديتس .. وتخلينها في الفرن لمدة ( 45 ) دقيقة ..

ثم تطلّعين القالب من الفرن وتخلينه برّا .. لييين يبرد .. ثم تجيبين " مربى التين " وتمرّغينه على وجه القالب .. وتقطعينها شرايح وتقدمينها لبطون هالعالم اللي قاعده تحتريها في الصاله أو على سفرة الفطور .. !

وبالهنا والشفا .. ولاتنسون أخوكم : مُدمن .. من دعوه صالحه في ظهر الغيب .. أو خلّوا دعوتكم لي قبل الأذان .. !

فقُبيلَ الأذان تخشع القلوب وترقّ الأفئدة وتحيا النفوس .. وماأجمل الدعوه في ذلك الوقت البهيج .. وهي فُرصة الصائم لِمُناجاته مع ربّه والسكون إليه بخشيةٍ وإنابه ..

سلام علاكم ..

:: مدمن شاهي ::

06-10-2006, 02:19 AM	#1
مدمن شاهي عـضـو تاريخ التسجيل: Jul 2006 المشاركات: 288	( المطبخ الرمضاني ) .. موضوع خاص بالحريم والبنات بس ! ( 2/3 ) السلام عليكم هاه بشّروني عسى طبختكم الاولى احترقت .. قصدي مشت معكم " مضبوط " ؟ :D عاد اليوم بيكون صنف " حلى " .. وانا أروح هوا مع شي اسمه " حلى " .. أمووووت فيه واتقطّع ارباع واتمدد على السفره ولعاً بِه ! حتى أني بعض المرّات لاشعورياً أسمي عليه .. وأنسى الأطباق الرئيسية والمقبلات بجميع أشكالها وألوانها .. بدءً من الكرّاث والفجل ونهايةً بالمخللات اللي تتفخ البطن ولا منها فايده سوى الملوحه الزايده ! قبل أبدى في حلقتي الثانيه هذي والمُخصصه لنوع ( الحلى ) .. أحب أنوّه ببعض الأمور .. ! حلقتي الأولى " تحاشر " فيها بعض التماسيح في أغلب المنتديات اللي كتبت فيها موضوعي .. بل بعض المنتديات مارد علي فيها إلا " تماسيح وشنبات " .. وانا مايفرق معي الرد لأن بعض الأخوات تدخل وتستفيد ( وهذا ما أريد ) .. ولكن السؤال اللي يمصع بنفسه هنا ويجي يركض على وجهه ( أيش دخّلك ياولد في هالموضوع .. داخل لي عرض في الموضوع وتشارك ليه ياشنب .. ياقدع .. يامُرتدلا زياده حبّه سودا ) ! الشرهه ماهو على العضــو الدسيسه .. الشرهه على المشرفين اللي سمحوا له يدخل .... والا الأصـــل أن ذاك العضو يعلّق برجليه على باب المنتدى اسبوع .. عشان يكون عبره لكل التماسيح والشنبات ... ويختم على رقبته ( هذا العضو دخل بين الحريم وسوى زحمه في موضوع المُدمن ) ! :D الأمر الثاني .. احتمال تكون فيه حلقة رابعة من حلقات الطبخ هذي .. بناءً على طلب بعض الأخوات .. بنتكلّم فيها - إن شاء الله - عن أمرين .. عن بعض النصائح للأخوات داخل المطبخ .. وأيضاً جواباً عن طريقة صنع بعض الطبخات الخفيفة .. وترى هذا احتمال .. يعني مهوب أكيد ... لأن الواحد يمكن يجيه ضرف يحول بينه وبين المشاركة في المنتدى أو يمكن يعتمر ويموت في الزحمه << أفهموها ترى يمكن أعتمر بعد كم يوم .. واللي يبيني أتصدّق عنه يحوّل المبلغ لحسابي ( لايهمكم تراه حرامي ويبغى يسرقكم ) ! = = = عاد خلوا عنّا كثر الحتسي اللي ماله سنع .. وخلوّنا في طبختنا الكريمه اليوم طبقنا بيكون صنف حلى / شرائح اللوز مع مربّى التين المقادير .. وسجّلوها زين .. عشان ماينقص شي ثم تبلشون ! * 200 غرام أو كوبين من اللوز المطحون . * 140 غرام أو كوب واحد من الدقيق العادي . * بيضتين ( جعلها تنفضخ على راس دحيّم .. آمين ) :D * علبة 397 غرام من حليب نستله المكثف المحلّى . * ملعقة صغير من البيكينق بودر . * 150 غرام أو ثلاثة أرباع كوب من الزبده المذوّبه ( أذوّب معها ياناس ) ! * 100 غرام أو كوب واحد من السكّر . * نصف كوب من مربى التين . هذي المقادير .. وآلحين عاد نجي لطريقة صنع الطبخه .. وانا داري أن بعضكم ماتعرف في الطبخ إلا أسمه .. لكن ترى التعلّم شوي شوي .. والتصليح مهوب يجي على طول .. يعني يمكن تحرقين شغلك اليوم .. وبكره تطلّعين لك كتاب أحسن من كتاب " أم عبدالله " و " ام عمر " ! أسمعيني يامره .. واسمعيني يابنت آلحين قرّبي الصحون .. واستعيني بالله .. واقري وردك .. سملّى علي .. بديت انتفض .. لاني أكتب الماضوع وانا صايم ! شوفي وانا اخوتس .. أوّل شي تحطيّن كل المكونات اللي فوق (( من دون المربى )) تحطينها في صحن ( وعاء ) وتمزجينها مضبوط .. ثم تسكبين الخليط كلّه في قالب للخبز 28 سم × 20 سم . ثم عاد تخبزين القالب في الفرن .. وتخليّنه محمّى على حرارة ( 175 ) درجه .. وانتبهي يلعّط يديتس .. وتخلينها في الفرن لمدة ( 45 ) دقيقة .. ثم تطلّعين القالب من الفرن وتخلينه برّا .. لييين يبرد .. ثم تجيبين " مربى التين " وتمرّغينه على وجه القالب .. وتقطعينها شرايح وتقدمينها لبطون هالعالم اللي قاعده تحتريها في الصاله أو على سفرة الفطور .. ! وبالهنا والشفا .. ولاتنسون أخوكم : مُدمن .. من دعوه صالحه في ظهر الغيب .. أو خلّوا دعوتكم لي قبل الأذان .. ! فقُبيلَ الأذان تخشع القلوب وترقّ الأفئدة وتحيا النفوس .. وماأجمل الدعوه في ذلك الوقت البهيج .. وهي فُرصة الصائم لِمُناجاته مع ربّه والسكون إليه بخشيةٍ وإنابه .. سلام علاكم .. :: مدمن شاهي ::