[بوشيخة]

السلام عليكم ورحمة الله وبركاته

هذه قصيدة الشاعر/

بدر الضبعان يسب فيها البرنامج التافه طاش ماطاش

حفظ باسم

وهذه القصيدة كتابتاً

ماني معيــّـن خير .. ماعاد به خير
لا والله إلا صارت السالفه ماش
.
السالفه ماعاد تحتاج تفسير
شاعر بخربها وانا ثاير الجاش
.
اول نخاف اهل الفتن والتدابير
واليوم جونا بالخزي طاش ماطاش
.
أوّل سكتنا يومها دبرة طوير
لكن إذا وصلت هل الدين ماعاش
.
والله نرجعها عهد سالم الزير
لابوك ياناصر لابو كل خفّاش
.
تدعون للتفسيد .. ويقال تحرير
تحرير طل بعينكم لعنبو اللاش
.
راع الفضيله لو يجي منه تقصير
يبقى علم مايلحقه كل طوّاش
.
دامك بلا غيره .. أجل كيف بتغير
دام انت فاسق والفسق فيك معتاش
.
الدين خلـّه لايجي منك تحقير
اصغر طفل فينا على الدين يهتاش
.
ياليت تنطم مانبي منك تبرير
الدين ماهو للذي باعه بلاش
.
بالله وش خليت لأهل الخنازير
دامك على رغباتهم صرت مطراش
.
الدين ورجاله عن أمثالكم غير
أهل الفضيله غير عنكم يالأدباش
.
أهل الفضيله مسك يانافخ الكير
منهو جلس ويــّـاك تحرق له قماش
.
باكر كتابك ياصلك فيه تقرير
عقبه حسابك لاتظن عنه منحاش
.
ناس ٍ إذا ماتت وجيهه مسافير
مبتسمة ٍ ووجيه ٍ أبيض من الشاش
.
وناس ٍ تموت ولاعليها مخاسير
أعمالها بخياش وذنوبها خياش
.
لو نفترق بين الفقير وهوامير
مافرّق الله بين تاجر وفرّاش
.
وأقول للسدحان وإلاّ نويصير
شاعر غيور وكلمتي دايم ٍ كاش
.
أقصر دروب الشر وخل المعايير
مادامها جتنا بلاهوش وهواش
.
وان كان همــّـك لقمتك ربــّـك كبير
والله لو هي لقمتك بس فشفاش
.
هاذا قصيدي وأفهم الهرج ياصغير
يجيك شعري سرعته ومضة فلاش
.
وشلون أعيــّـن خير .. ماعاد به خير
يالله بدينا مقاطعة طاش ماطاش


منقـــــــــــــــــــــــــــــــــــــــــــول