[مشتاق للرمل]

السلام عليكم ورحمة الله وبركاتة

..يا اهل بريدة كل من ينتمي لبريدة من بعيد او من قريب الحقيقة انكم فعلن شعب الله المختار تدرون لية لاني عشت في بريدة والامارات ولندن وكندا وامريكا واكتشفت انكم افظل من الناس اجمع من ناحية الدين لية لاني شفت ناس كثير وحسيت انا علي المذهب الصحيح مادري لية بس حسيت كذا"مع اني لست ملتزم لكن ملتزم فقط بالصلاة مرة والحمدة لله حتي لو كنت باكبر مطار بمريكا اقيم الصلاة" لكن احس نفسي مقصر مرررررررر ة وبنسبة لبريدة والله علي ماقول شهيد اني ساعدت مااقتدرعلية فيها من ناحية الجمعيات الخيرية حتي ونا بعيد عنها ليس لي فظل ولكن الحمدلله الذي جعلني في منصب يسمح لي بذلك .

صحيح اني لي ثلاث سنين مازرت بريدة لكن لي فيها اهل واصحاب ولي فيها ام غالية من اول ماكلمة ونا في بلد الغربة تثرف الدموع أة أة يامي لكن يامي كنتي دائمن تقولين لي اذا ظاق صدرك قل " الله ام اشكو بثي وحزني الي الله" اة كم تمنيت ان اشوفك يامي الحبية احبكي امي كم وصلت من المراتب لكن ارتاح عندما تدعين لي وتقولين الله يوفقك ويعزك ويسدد خطاك اة يامي عندي اولاد كبار وصلوالي المرحلة المتوسطة ومع ذلك اقول احتاجكي امي " يامن امة بقربة لاتظيع الوقت مع الاصدقاء والاستراحة وانت منشغل عن امك تقول مشغول اتق الله في نفسك وفي امك وفي اولادك "وأبي ذلك الشيخ الكبيرتعب من السنين وهو امام مسجد لكن تمنيت ان اكون مكانة اكون بين المسجد وسوق الخظار ببريدة وكم تمنيت ان اريحك ابي الحبيب من تعب شغل سوق الخظار وقد عرضت علية وقلت لة اعطيك > الي تاخذة بسنة اعطيك ايهة بشهر < لكن رفض وقال لااترك بريدة ابد ابد نهائي وقال لي انا مابي اروح الا للمسجد و السوق والبيت والراحة تكون بقبري الله يوسع قبري والمسليمن امين وحتي مستشفى ماابي . كم انت مؤمن بالله يابي وناس كثير مثلك ليتك تشوف الغرب وشلون يعيشون وحريصون علي الدنيا حتي ان بعض الناس يبيع شرفة من اجل بعض الفلوس .

> الحقيقة من جد كنت اتمني اعيش ببريدة بين سوق الخظار وبين اهلي وبين المسجد وتفكيري مايتعد نفود الخبوب من هموم , وتفكيري مصحور ببريدة الحبيبة كم كنت اتمني اعيش في الزمن الماضي <

احبكم اهل بريدة وفيها امي الغالية وابي الوقور واخوتي .




خواطر مغترب عن بريدة منذ زمن والحقيقة اول امرة اشارك في هذا المنتدى الممتاز معني من المتابعين له منذ اكثر من سنيتين ونصف..


اطلب من اطلع علي موضوعي ان يدعو لي ان ارجع مع اولادي الي امي واهلي والي مدينتي الغالية بريدة بصحة وعافية وان ينفع بي ديني ومدينتي بريدة الحبيبة وجميع المسليمن امين .

ومشكورين مقدمن ..