[ موضوع مشفّر ] سيره ذاتيه لــ : سويّر بنت بن رويسان الأجرب !

مدمن شاهي · 04-11-2006, 09:02 AM

سلخييير جميع

هذا الموضوع كُنت مُتردد أني أمصع به في النت وأطرحه كموضوع مُستقلّ .. لأنه موضوع ( خاثر ) ومايصلح يقراه الواحـــد إلا بعد الساعه " وحده " الليل !

ولأني واجهت سيل عارم من الأسئله اللي تسألني عن هالبنت اللي كل شوي مطريّها في مواضيعي .. أبيت إلا أن أُحدِثُكُم عنها .

أوّل شي .. لازم أشرط عليكم قبل تقرون الموضوع أنكم تلتزمون بالصمت .. وأصصصص .. ولا كلمه !

الشي السابع .. يُمنع دخول أي شخص عمره أقل من ( 18 ) سنه .. وهذا عشان الموضه اللي طايحين فيها قنوات " أفلام الأكشن " .. جعلها تشب فيهم .. ! :i128

.. .. ..

سويّر بنت بن رويسان الأجرب !

ماأقدر صراحه أتكلّم عن كل شي في حياتها .. بقدر ما أذكر لكم بعض المواقف الحياتيه في حارتنا القديمه .. أيام كنّا نلعب مع بعض .. ونرجّم بعض بالحصا وقواطي ( التيم ) وغراش ( الميرندا ) !

أنا متأكد أنكم الآن تعرفون وش صار عليها .. وانها صارت " مره " و " زوجه " لصديق ( خانني ) وأخذها من وراي !

زوجها " دحيّم " الأحول .. خريّج محل خُضار .. وأكبر حرامي في الحاره ! :o

خلوّنا في أختنا " سويّر " !

سويّر هذي .. خريّجة إبتدائي .. وتخرّجت من الدراسه الإبتدائيه بالدفّ .. وبتقدير مقبول !

كنّا في يوم من الأيام نلعب مع بعض يوم كنّا صغار في سن ( الأربع والخمس سنوات ) أنا ودحيّم وراشد وعلي وماهرالسوداني وأخيراً سويّر !

كانت أيام حلوه .. ويازينها زيناه

كنت أنا وراشد وسويّر في فريق واحد .. وكان دحيّم وماهر وعلي في فريق !

كنّا نلعب ( طجمه ) و ( مصاقيل ) و ( حبشه ) ! :D

كنت أقول لسويّر بِكُل براءه .. ( إذا كبرتي بتتزوجين ؟ )

كانت ترد علي بِكُل براءه ( إيه .. بتزوج واحد رجّال ) !

المُشكله أن حلمها .. ماتحقق .. لأن دحيّم أشك في ( مرجلته ! )

كنت دايماً وبِكُل براءه أسألها ( سويّر إذا تزوجتي وين بتروحين ) .. كانت ترد علي ( بروح لمكه ) .. مُباشرةً أضحك معها وأقول ( أنتي روحي لمكّه وانا بروح المدينه ونتقابل هِناك ! )

كان أبوها كريم من حلال غيره .. وكنّا نتعشى عندهم دايماً .. بيض ومرق بالقرع والبيدجان !

أُصيبت سويّر يوم كان عمرها ( 10 ) سنوات .. بِبُهاق في عينيها .. ومع هذا طلع شكلها ( يمشّي الحال ) .. !

ماكنت أقدّرها .. بقدر ماكنت أقدّر ( دراهم ) أبوها التاجر .. اللي عنده ( مخبز ) و ( محل سباكه ) وحوش غنم .. !

هي وحيدة أهلها من البنات .. وكان لها أخت مريضه وتوفيت قبل عشر سنوات .. !

كان بيتهم قدّام بيتنا .. وكنت كل يوم ( أكب زبالتنا ) وأحرص على أني ( أكبّها ) عشان على الأقل أشوف باب بيتهم الأخضر ! :o

كبرت البنت .. وسجّلها أبوها في حلقة تحفيظ .. وماشاء الله عليها .. صارت متميّزه في حفظ كتاب الله .. !

وكل ماصار فيه حفل تخرّج .. صرت أحتريهم يقولون أسمها .. عشان أشخّص فيه قدّام أمي إذا تزوّجتها !

ماكنت أتوقع في يوم من الأيام أن خويي ( دحيّم الأحول ) بيروح يخطبها من أهلها .. لأني كنت حاجزها .. و " مبيّت النيّه " أني بروح أخطبها من أهلها !

سويّر هذي .. تقدر شي إسمه ( عصير خوخ ) .. وكان خبرها منتشر في الحاره أنها تقدر ذاك العصير .. وإلى الآن ماأدري وش حكمتها في ذاك العصير .. حتى أن ( عبله ) راعي البقاله كان ينزّل كرتونين زياده " خصيصاً " لذيك الخبلا " !

في عيد الفطر اللي قبل الماضي .. كنّا حاطين حفل كبير في الحاره كالعاده .. وكان كل أهل بيت يسوون طبخة " غدا " ويطلّعونها في الشارع .. وكل واحد ياكل وينوّع من اللي يبغى !

كنت أنتظر طبختهم ... لأنها معروفه بالطبخ السنع والزين اللي " مايخُرّش الميّه " ... شوي إلا ويجي واحد كنّه " بعير " من كبره .. وشايل على راسه صحن " مقصدر " .. ويقول للحاضرين بصوت عالي .. هذا ( غدى رويسان الأجرب ) .. تفضلوا جعلكم ( تغصّون ) !

أنا أنهبلت .. ومعاد صرت أجمّع .. واروح واركض واقعد على الصحن من العجله .. وافتش الغدا .. وأسمّي .. !

شوي إلا والفلفل قام يلعب في " فمّي " .. حسبي الله عليها .. صارت سويّر مكثّره فلفل !

سويّر هذي .. ياشباب وشبابات << على وزن فتيات !

تزوجت قبل خمسة أشهر من دحيّم ..

وسافرت للشرقيه .. ويقولون والعهده على الراوي أنها بغت تغرق في البحر وان دحيّم أنقذها <<< ياليتهم غرقوا وفكّونا ! :D

الشي اللي يميّز " سويّر " أنها ماتطلع من بيتهم .. يعني ماتعرف أسواق أو ملاهي أو " كفي شوب " إضاءته خفيفه ورومانسي حبتين !

حتى تلفون بيتهم ماكانت تشغله بعد المغرب أو تتصل فيه على زميلتها ( سوسو و جوجو ) !

صراحه .. ذيك البنت راحت علي ... الله يستر عليها .. وربي يعوّضني خير

سلامو

نسيت أقول : قريباً - بإذن الله - المشروع الكبير لمُدمن شاهي .. بتشوفونه في الأسواق وعلى أرفف المكتبات .. المشروع رهيب وفرصة لِكُل ( مُصمم ) و ( مُعلن تسويقي تجاري سواءً لموقع نت أو تجاره خارجيه ) و فرصة أيضاً لِكُل من أراد الربح الوفير من خِلال ( التوزيع الخليجي خارج السعوديه ) .. !

أخوكم : مدمن شاهي

04-11-2006, 09:02 AM	#1
مدمن شاهي عـضـو تاريخ التسجيل: Jul 2006 المشاركات: 288	[ موضوع مشفّر ] سيره ذاتيه لــ : سويّر بنت بن رويسان الأجرب ! سلخييير جميع هذا الموضوع كُنت مُتردد أني أمصع به في النت وأطرحه كموضوع مُستقلّ .. لأنه موضوع ( خاثر ) ومايصلح يقراه الواحـــد إلا بعد الساعه " وحده " الليل ! ولأني واجهت سيل عارم من الأسئله اللي تسألني عن هالبنت اللي كل شوي مطريّها في مواضيعي .. أبيت إلا أن أُحدِثُكُم عنها . أوّل شي .. لازم أشرط عليكم قبل تقرون الموضوع أنكم تلتزمون بالصمت .. وأصصصص .. ولا كلمه ! الشي السابع .. يُمنع دخول أي شخص عمره أقل من ( 18 ) سنه .. وهذا عشان الموضه اللي طايحين فيها قنوات " أفلام الأكشن " .. جعلها تشب فيهم .. ! :i128 .. .. .. سويّر بنت بن رويسان الأجرب ! ماأقدر صراحه أتكلّم عن كل شي في حياتها .. بقدر ما أذكر لكم بعض المواقف الحياتيه في حارتنا القديمه .. أيام كنّا نلعب مع بعض .. ونرجّم بعض بالحصا وقواطي ( التيم ) وغراش ( الميرندا ) ! أنا متأكد أنكم الآن تعرفون وش صار عليها .. وانها صارت " مره " و " زوجه " لصديق ( خانني ) وأخذها من وراي ! زوجها " دحيّم " الأحول .. خريّج محل خُضار .. وأكبر حرامي في الحاره ! :o خلوّنا في أختنا " سويّر " ! سويّر هذي .. خريّجة إبتدائي .. وتخرّجت من الدراسه الإبتدائيه بالدفّ .. وبتقدير مقبول ! كنّا في يوم من الأيام نلعب مع بعض يوم كنّا صغار في سن ( الأربع والخمس سنوات ) أنا ودحيّم وراشد وعلي وماهرالسوداني وأخيراً سويّر ! كانت أيام حلوه .. ويازينها زيناه كنت أنا وراشد وسويّر في فريق واحد .. وكان دحيّم وماهر وعلي في فريق ! كنّا نلعب ( طجمه ) و ( مصاقيل ) و ( حبشه ) ! :D كنت أقول لسويّر بِكُل براءه .. ( إذا كبرتي بتتزوجين ؟ ) كانت ترد علي بِكُل براءه ( إيه .. بتزوج واحد رجّال ) ! المُشكله أن حلمها .. ماتحقق .. لأن دحيّم أشك في ( مرجلته ! ) كنت دايماً وبِكُل براءه أسألها ( سويّر إذا تزوجتي وين بتروحين ) .. كانت ترد علي ( بروح لمكه ) .. مُباشرةً أضحك معها وأقول ( أنتي روحي لمكّه وانا بروح المدينه ونتقابل هِناك ! ) كان أبوها كريم من حلال غيره .. وكنّا نتعشى عندهم دايماً .. بيض ومرق بالقرع والبيدجان ! أُصيبت سويّر يوم كان عمرها ( 10 ) سنوات .. بِبُهاق في عينيها .. ومع هذا طلع شكلها ( يمشّي الحال ) .. ! ماكنت أقدّرها .. بقدر ماكنت أقدّر ( دراهم ) أبوها التاجر .. اللي عنده ( مخبز ) و ( محل سباكه ) وحوش غنم .. ! هي وحيدة أهلها من البنات .. وكان لها أخت مريضه وتوفيت قبل عشر سنوات .. ! كان بيتهم قدّام بيتنا .. وكنت كل يوم ( أكب زبالتنا ) وأحرص على أني ( أكبّها ) عشان على الأقل أشوف باب بيتهم الأخضر ! :o كبرت البنت .. وسجّلها أبوها في حلقة تحفيظ .. وماشاء الله عليها .. صارت متميّزه في حفظ كتاب الله .. ! وكل ماصار فيه حفل تخرّج .. صرت أحتريهم يقولون أسمها .. عشان أشخّص فيه قدّام أمي إذا تزوّجتها ! ماكنت أتوقع في يوم من الأيام أن خويي ( دحيّم الأحول ) بيروح يخطبها من أهلها .. لأني كنت حاجزها .. و " مبيّت النيّه " أني بروح أخطبها من أهلها ! سويّر هذي .. تقدر شي إسمه ( عصير خوخ ) .. وكان خبرها منتشر في الحاره أنها تقدر ذاك العصير .. وإلى الآن ماأدري وش حكمتها في ذاك العصير .. حتى أن ( عبله ) راعي البقاله كان ينزّل كرتونين زياده " خصيصاً " لذيك الخبلا " ! في عيد الفطر اللي قبل الماضي .. كنّا حاطين حفل كبير في الحاره كالعاده .. وكان كل أهل بيت يسوون طبخة " غدا " ويطلّعونها في الشارع .. وكل واحد ياكل وينوّع من اللي يبغى ! كنت أنتظر طبختهم ... لأنها معروفه بالطبخ السنع والزين اللي " مايخُرّش الميّه " ... شوي إلا ويجي واحد كنّه " بعير " من كبره .. وشايل على راسه صحن " مقصدر " .. ويقول للحاضرين بصوت عالي .. هذا ( غدى رويسان الأجرب ) .. تفضلوا جعلكم ( تغصّون ) ! أنا أنهبلت .. ومعاد صرت أجمّع .. واروح واركض واقعد على الصحن من العجله .. وافتش الغدا .. وأسمّي .. ! شوي إلا والفلفل قام يلعب في " فمّي " .. حسبي الله عليها .. صارت سويّر مكثّره فلفل ! سويّر هذي .. ياشباب وشبابات << على وزن فتيات ! تزوجت قبل خمسة أشهر من دحيّم .. وسافرت للشرقيه .. ويقولون والعهده على الراوي أنها بغت تغرق في البحر وان دحيّم أنقذها <<< ياليتهم غرقوا وفكّونا ! :D الشي اللي يميّز " سويّر " أنها ماتطلع من بيتهم .. يعني ماتعرف أسواق أو ملاهي أو " كفي شوب " إضاءته خفيفه ورومانسي حبتين ! حتى تلفون بيتهم ماكانت تشغله بعد المغرب أو تتصل فيه على زميلتها ( سوسو و جوجو ) ! صراحه .. ذيك البنت راحت علي ... الله يستر عليها .. وربي يعوّضني خير سلامو نسيت أقول : قريباً - بإذن الله - المشروع الكبير لمُدمن شاهي .. بتشوفونه في الأسواق وعلى أرفف المكتبات .. المشروع رهيب وفرصة لِكُل ( مُصمم ) و ( مُعلن تسويقي تجاري سواءً لموقع نت أو تجاره خارجيه ) و فرصة أيضاً لِكُل من أراد الربح الوفير من خِلال ( التوزيع الخليجي خارج السعوديه ) .. ! أخوكم : مدمن شاهي آخر من قام بالتعديل مدمن شاهي; بتاريخ 04-11-2006 الساعة 09:13 AM.