بريدة






عـودة للخلف بريدة ستي » بريدة ستي » ســاحـة مــفــتــوحـــة » موقف محرج جداً

ســاحـة مــفــتــوحـــة المواضيع الجادة ، والنقاشات الهادفة -- يمنع المنقول

 
 
أدوات الموضوع طريقة العرض
قديم(ـة) 30-06-2002, 12:56 AM   #1
ترووووووووك
عـضـو
 
تاريخ التسجيل: Jan 2002
البلد: عند بابا و ماما
المشاركات: 222
موقف محرج جداً

حبيت اقول لأي طالب لا لا لا لا لا تستغل طيبة الاستاذ مهما كان

====
يقول لك هذا انا وواحد من اخوياي متاخرين عن الاختبار ساعه وربع وجايين بزعمنا بنكسب خاطر الاستاذ ويعيد لنا الاختبار

وش التصريفه يا ولد _-_-_-_- خلنا نقول له ان الكفر (الاطار) بنشر وهو دلخ بيصدق

صدق الاستاذ وخلاص يا محمد وخلاص يا سعود اختباركم يوم الاربعاء 9-1-2002

================

جاء يوم الأربعاء وجات معاه المصايب ((طبعا الاختبار عادي لغه عربيه ))

جاء الاستاذ وقال جوالك يا محمد وجوالك يا سعود اعطيناه الجوالات
رح يا محمد في قاعه ورح يا سعود في قاعه (( ابشر ))

وزع الأوراق وكانت الصفحه الاولى فيها عشر اسئله وهو قيل لنا ان الاسئله عددها احدعش اناظر الورقه كل سؤال من العشر اسئله عليه درجه وحده بس

ايش الدعوه يعني السؤال الاخير عليه تسعين درجه ومن يكون هالسؤال وش حضرته

خلونا نتعرف على السؤال الاخير اللي حاطه الاستاذ في صفحه كامله لحاله وعليه تسعين درجه

وين كان محل الكفر اللي بنشر !!!!!!

تخيلوا هذا سؤال


والاستاذ يقول ان كتبتوه نفس الاجابه انت وخويك با ألغي السؤال واحط على كل سؤال من العشره عشر درجات بدال درجه وان حليتوه مختلف راح تبقى نفس الدرجه

والله العظيم انه اصعب من الف معادله كيميائيه
مره تكتب اللي قدام على اليمين ومره تكتب اللي ورا على اليسار

وانااقول اخر مره غيرت الكفرات اللي ورا يعني يمكن يفهمها سعود ويحط الكفر اللي قدام بس اي واحد منهم الايمن او الايسر

وسعود يقول في نفسه محمد دايم يفحط يعني اكيد اللي بينفقع اللي ورا بس اي واحد منهم اللي يمين او اليسار

اكتب وامسح واكتب وامسح واخر شيء اسلم الاوراق

محمد / 8 من 100 وكاتب اللي قدام على اليمين

سعود / 6 من 100 وكاتب اللي ورا على اليمين

حليت ثمان اسئله وسعود حل ست اسئله والنهايه رسووووووووووووب ويخب على وجهك انت وخويك

صحيح الاستاذ كان طيب لكن والله انه اذكى من المحقق كونان
:D
__________________
انت الزائر رقم لمواضيعي


ترووووووووك غير متصل  


 

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:42 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)