يامُدمن ياخطير .. سويتها وركبت " التطوّر " عـرض !

مدمن شاهي · 16-11-2006, 01:24 AM

سلخييييييير جميع ...

هلا بحقون المنتدى ..

هلا بالمصافيق المخاقيق .. هلا بنور العين .. وورد الزين وشوق القرب وروح البيَن .. !

هالايام بدى البرد يجي .. وانا عاد مستعد من العام .. يعني " خلاقيني " هي هي .. ماغيّرت فيها شي .. راح أغسلها مرّتن ثانيه .. واكويها والبسها .. ولا من شاف أو درى !

عالعموم ..

أنا أنقطعت عن المنتدى .. الله يقطع " سرّ دحيّم " .. بسبب ضروف بسيطه .. لعلي ذكرتها لكم مُسبقاً

عاد اليوم حبيّت أبشّركم أني ركبت التطوّر " ركوب الآدمي للحمار المنفهق " ..

تطوّرت مثل هالعالم .. وشريت جوّال ..

تركنا البيجر أبو تحويله .. ودخلنا في ( أُسّ التطوّر ) التكنولوجي ... !

صراحه .. كانت نفسي تراودني من زمان ( مافيه مراوده إلا ووراها شرّ .. الله يكفينا شرّها ) ! ..

كانت نفسي تراودني من زمان أني أتطوّر وأشتري جوّال .. تراودني أترك البيجر .. لأن زمانه ولّى وراح .. ! :D

شديت من همّة نفسي .. ودبّرت نفسي بكم ريال .. وزرقت أنا و ( علي ولد السرسري ) لراعي محل جوّالات .. وطقيّت لي أحسن جوّال .. وخذت من عنده بعد ( حبل غسيل ) قصدي ( حبل رقبه ) .. عشان أخلّي الجوّال " يتدودل " على رقبتي قدّام الناس .. ويدرون أني رجّال " مقرش " وأمشّ خشمي بـ " خمسه ريال " !

قال راعي المحل .. مافيه إلا " جهاز مستعمل " .. راعيه بنقالي .. ومستخدمه إستخدام " حشمه " .. وماأستخدمه إلا سنه ونصف بس .. بنعطيكياه بكرتونه ومعاه بعد " شاحن " ودفتر تعليم بثلاث لُغات ! ..

وافقت .. وطمرت به للبيت .. وجمعت إخواني .. وشغّلنا الجوّال ..

من يوم شغّلته أرتعت .. طلعت يد رجّال كبير تسلّم على يد " بزر " صغيّر ! .. قلت في نفسي ( أدام هذي أوّلها .. ينعاف تاليها ! ... يعني بدينا بالخربطه والحركات الوِحشه ! ) ... !

فرفرت فيه شــــوي .. رحت يمين وشمال .. واخواني واقفــين على راسي .. تقولون " مجتمعين على ذبيحه " !

عاد آلحين أكتب لكم هالموضوع .. وانا سادحن الجوّال قدّامي ..

مبسوط للآخر .. وأحسّ أني " أدّ الدُنيا " .. !

كل المواقع اللي تصفّحتها اليوم عن ( الجوّالات ) وكيف تحط جوّالك على الهزّاز .. وكيف تخلّي جوّالك " يشّر بدون صوت " !

قريت عن الجوّال أني أقدر مرّه أخليه يتصل وانا قاعد عنه بعيد .. وأقدر مرّات أخليه يصايح من دون ماجيه !

تطوّر عظيم في حياتي ... وبدايه موفّقه .. ومسيره عظيمه نحو " الدخول في التكلونوجيا عرض "

مطلوب من كل من دخل في موضوعي أنه يسعفني باي شيء .. !

صوره .. مقطع .. رساله .. فيروس .. أي شي .. المهم خلوّني أحس أني صرت مثلكم .. أتكلّم .. أسمع .. أحتسي من ورا السماعه !

سلام !

= = =

صورة جوّالي .. جعله يتربى في عزّي .. وعزّ الحكومه << لزوم نمدح في الحكومه هالأيام !

16-11-2006, 01:24 AM	#1
مدمن شاهي عـضـو تاريخ التسجيل: Jul 2006 المشاركات: 288	يامُدمن ياخطير .. سويتها وركبت " التطوّر " عـرض ! سلخييييييير جميع ... هلا بحقون المنتدى .. هلا بالمصافيق المخاقيق .. هلا بنور العين .. وورد الزين وشوق القرب وروح البيَن .. ! هالايام بدى البرد يجي .. وانا عاد مستعد من العام .. يعني " خلاقيني " هي هي .. ماغيّرت فيها شي .. راح أغسلها مرّتن ثانيه .. واكويها والبسها .. ولا من شاف أو درى ! عالعموم .. أنا أنقطعت عن المنتدى .. الله يقطع " سرّ دحيّم " .. بسبب ضروف بسيطه .. لعلي ذكرتها لكم مُسبقاً عاد اليوم حبيّت أبشّركم أني ركبت التطوّر " ركوب الآدمي للحمار المنفهق " .. تطوّرت مثل هالعالم .. وشريت جوّال .. تركنا البيجر أبو تحويله .. ودخلنا في ( أُسّ التطوّر ) التكنولوجي ... ! صراحه .. كانت نفسي تراودني من زمان ( مافيه مراوده إلا ووراها شرّ .. الله يكفينا شرّها ) ! .. كانت نفسي تراودني من زمان أني أتطوّر وأشتري جوّال .. تراودني أترك البيجر .. لأن زمانه ولّى وراح .. ! :D شديت من همّة نفسي .. ودبّرت نفسي بكم ريال .. وزرقت أنا و ( علي ولد السرسري ) لراعي محل جوّالات .. وطقيّت لي أحسن جوّال .. وخذت من عنده بعد ( حبل غسيل ) قصدي ( حبل رقبه ) .. عشان أخلّي الجوّال " يتدودل " على رقبتي قدّام الناس .. ويدرون أني رجّال " مقرش " وأمشّ خشمي بـ " خمسه ريال " ! قال راعي المحل .. مافيه إلا " جهاز مستعمل " .. راعيه بنقالي .. ومستخدمه إستخدام " حشمه " .. وماأستخدمه إلا سنه ونصف بس .. بنعطيكياه بكرتونه ومعاه بعد " شاحن " ودفتر تعليم بثلاث لُغات ! .. وافقت .. وطمرت به للبيت .. وجمعت إخواني .. وشغّلنا الجوّال .. من يوم شغّلته أرتعت .. طلعت يد رجّال كبير تسلّم على يد " بزر " صغيّر ! .. قلت في نفسي ( أدام هذي أوّلها .. ينعاف تاليها ! ... يعني بدينا بالخربطه والحركات الوِحشه ! ) ... ! فرفرت فيه شــــوي .. رحت يمين وشمال .. واخواني واقفــين على راسي .. تقولون " مجتمعين على ذبيحه " ! عاد آلحين أكتب لكم هالموضوع .. وانا سادحن الجوّال قدّامي .. مبسوط للآخر .. وأحسّ أني " أدّ الدُنيا " .. ! كل المواقع اللي تصفّحتها اليوم عن ( الجوّالات ) وكيف تحط جوّالك على الهزّاز .. وكيف تخلّي جوّالك " يشّر بدون صوت " ! قريت عن الجوّال أني أقدر مرّه أخليه يتصل وانا قاعد عنه بعيد .. وأقدر مرّات أخليه يصايح من دون ماجيه ! تطوّر عظيم في حياتي ... وبدايه موفّقه .. ومسيره عظيمه نحو " الدخول في التكلونوجيا عرض " مطلوب من كل من دخل في موضوعي أنه يسعفني باي شيء .. ! صوره .. مقطع .. رساله .. فيروس .. أي شي .. المهم خلوّني أحس أني صرت مثلكم .. أتكلّم .. أسمع .. أحتسي من ورا السماعه ! سلام ! = = = صورة جوّالي .. جعله يتربى في عزّي .. وعزّ الحكومه << لزوم نمدح في الحكومه هالأيام !