 |
|
|
|
|
24-11-2006, 07:17 PM
|
#1 |
|
عـضـو
تاريخ التسجيل: Nov 2006
البلد: الرياض
المشاركات: 1,885
|
الفرق بين البنت العربجية والبنت الناعمة...لاتفوتكم
السلام عليكم ورحمة الله وبركاته
درسنا اليوم أأأقصد موضوعنا اليوم<<متأثرة من الدراسة واضح من عنوانه اول شيء نبدا به البنت الناعمه نعطيه لون ناعم اللون الوردي الناعمه..طبعا وهي نايمه الدبدوبي والارنوبي كلهم بحجره ما شاء الله صارت الغرفه محل العاب واذا قامت من النوم ما تقوم الا الساعه1 الظهر لا بعد واللي يقومه الشغاله تقومها بالانجليزي ...بس انا راح اترجمه لكم .... {يالله مرام قوم ماما في قول قوم } عاد هي تقول اوكي وتجي امها وتصحيها مره ثانيه يا مرام حبيبتي اصحي .. ترد مرايم.. ماما والله بدري الساعه 1 الظهر بدرررررررررري(تدلع هي وخشتها.. ) (يقالها تو الناس بدري )..طيب ماما من عيوني قامت البنت من السرير وفتحت الستاره والشبابيك ... علشان الغرفه تتنفس ...يااااااااااااااي..وشغلت موسيقى رومنسيه<<<الله لا يبلانا!! علشان تروق بنت الحلال وراحت تاخذ حمام محترم وبعد ما تطلع من الحمام و على المرايه تحط من هالكريمات والدعافيس على وجهها .... تعرفون عاد لازم تحافظ على البشره خلصت من المرايه وتتجه الان الى الاستشوار وش..وش..وش.. وش لحووووووووووول ساعتين عز الله اللي اندمرت هالشوشه... خلصت منه دقت البنطلون الجينز والبلوزه ونزلت تحت تفطر على كاس عصير برتقال ..... مسويه رجيييييييييييييييييم ------------------------------------- نجي للعربجيه نعطيها لون {اسود} لايق عليه ..تقوم الساعه 8 الصبح وهي ما وده تقوم .. وجات امه تقومه .. يا سوير قومي يا مال الحمى لحووووووووووووووووووول زين زييييييييين ...تنفخ بعد.... بس لو تشوفون شكله وهي نايمه.. كراع هنا وكراع هناك .. لا وكل ثلاث ساعات وهي طايحه من السرير يجي اخوها حميد (اسمه محمد بس يدلعونه حميد ) ويقومها مره ثانيه ياااااا سوير تقول امي قومي جعلك الموت ترد سوير..اقول الحين اطلع ولا صكيتك على جبهتك( .تقول اصبخه مهب جبهه)هههههههههههههههههه ويجي مناحي اخوها الكبير ... سوير وجععععععععععع .. ويعطيه ذيك الرفسه اللي خلت عظامه تهلهل وبعد هالرفسه القويه ... فزت فزه ما يعلمها الا الله وقالها مناحي..قومي صلحي فطور عشر دقايق الا وهو جاهز زيييييين شوفي ابي قرص وخبز.. وقامت بعد جهد جهيد وعلى شتم ولعنت الحي والميت حتىىىىىىىى ولد عم جد ابوها ما سلم منه ................... اعزائي القراء نعود الى الاخت الناعمه.. هذي ما تتغدا الا الساعه 3 ولا 5 لا ولا تتغدى الا على رز ابيض مسلوق وسلطه ...تحافظ على الرشاقه ماشاء الله !!!!!!!!! العربجيه تتغدا الساعه 12 بالضبط ولا تتغدا الا على كبسه وإذا خلصت ؛ إلا كاس اللبن مراعي متولم عندها تشربه شربه وحده .. !!! الناعمه.. طلعتها تكون من بعد صلاة المغرب(ما تطلع في العصر يااااااااااي تحافظ على البشره ؟؟ ( وش هالبشره ) ------------------------------------------- العربجيه.. تطلع الساعه2 القايله وتدقها كعااااااااااابي لبيت خوالها .. الناعمه.. تروح العقاريه والمملكه والفيصلية وقبل ما تروح السوق تمر على المشغل علشان تحط ميك..اب سوق (مكياج سوق ما سمعتوا فيه هذا يبدأ من العيون وفوق ياربي لا تبلانا)..ههههههههه ---------------------------------------------------- العربجيه .. تروح البطحاء وحراج بن قاسم عشان تلقى العرابجه اللي مثلها خخخخخخخخخ ---------------------------------------------- الناعمه.. اذا تطلع تطلع مع يارا ولارا<< وخياره>> ورولاوفيفي وميمي ومايا وغيرهم ----------------------------------------------------- العربجيه .. تطلع مع بنات خالاتها وضحى وشقحى ومزنه ومنيره وصيته ونوير وعمشه --------------------------------------------------- الناعمه .. اذا مر عليها واحد قروي قالت وععععععععععععععع الله يقرفك ... نعم وش تبي يالله هناك بلا قراوىىىى العربجيه .. اذا مر عليها واحد لا بس بلوزه ضييييييييييييييييييقه وبنطلون ضيييييييييييييييق وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك قال..ليش العصبيه هذي قالت اقول والله لو ما تضف خشتك لا اتوطى في حوض بطنك ... علم جاك وتعداك ترى ما ابي اغلط عليك تراك مثل اخـــــــــــــــــــتي(يقالها ما غلطت الحين ) ههههههههههههههه {والله بصراحه شكله بنت } --------------------------------------------------------- الناعمه.. لا جات تضحك هههههههه يالله تسمعها من النعومه { يااااااااااي} ------------------------------------------------------ العربجيه.. اذا ضحكت اضحكت كذا ((هع هع هع هع هع ))...الحمد لله والشكر تقول بالعتن له بواري واذا جات تمزح مع حميد اخوها اعطته كف حلاقه .... ----------------------------------------------------------------- الناعمه.. لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه --------------------------------------------------------------- العربجيه.. لا جات تناظر التلفزيون { تتابع مسلسل } .. تجلس على الارض وتحط المركا وراه والكراعين على التلفزيون , وان زهقت من القناة الاولى دقت التلفزيون باصبع رجله وحطت القنا ة الثانيه<<<يحليله اثر موب بس انا الي اسويه ------------------------------------------------- الناعمه اذا تبي تحلم احلام اليقظه طلعت برىىىىى في الحديقه حقت بيتهم وجلست على الكرسي هزاز وقام الكرسي يروح ويعود وهي تاكل ايس كريم ------------------------------------------------- العربجيه .. اذا تحلم احلام اليقظه طلعت برى في حوشهم وفرشت البساط(ابو خمس طعش اللي مخطط باحمر وازرق عرفتوه ؟؟) وتكت على المركا وقعدت تفكر في المروخ (شي مختلط من فكس وابو فاس مع حثال قهوه وشوي تمر) وهي يحطونه على الورم انشالله تعجبكم . منقول انتظر ردودكم تحياتي اختكم,,, *الـ ـ ـ ـــمـ ـ ـ ـاسـ ـ ـ ــة$حـ ـ ـ ــسـ ـ ـ ـاسـ ـ ـ ـة*~
__________________
لا إله إلا انت سبحانك إني كُنت من الظالمين |
|
|
| الإشارات المرجعية |
|
|
النمط الأحادي