[..هوجــااس..]

[glint]السلام عليكم ورحمة الله وبركاته[/glint]

.. .. .. .. ..

وش أخباركم مع الأمطار؟؟..!!<<<<اللي ذاك اليـــــــــوم
..
الحمد لله والشكر على النعمه
اللهم زد وبارك...<<<<<وهدم المدارس:D >>>والكليـــــات :D
..
آآآآآآآآآآآآآآآآخ<<<بدت المعانات

يازيــــن طلعت البر بسسسس..
وطق الخيام وشب النار والتطعيس فوق هالنفدان<<<تراه أبو صعَفَق مب [glint]هوجـــاااس[/glint]
..
أقولكم بس وش سوينا بالبر يـــوم الخميس الموافق 9/11/1427هـجري 30/11/2006 ميلادي الساعه 9,5 صباحا<<<<
في هذا الوقت بالتحديد صحيت من النوم
مع العلم إني من دخل الشتاء وأنا أقول لأهلي نبي نطلع من بزوغ الشمس<<<<شعنداااااااااااه؟؟؟
ولا عطون وجه
..
إيـــــــــه وطلعنا وأنا قايله منب ممشيه هالطلعه خيـــــــر <<<<ناويه نيه بنت أبوه نيااااهه هااااااااااااااي

اليوم بصير بدل [glow1=FFFF00]هوجاااس[/glow1] >>>>[glow=99FF00]هاااااااجس[/glow]<<<<إيقاله غيرت
..
وأروح أحمل العفش من فرشه ومسحات والرواق والثايه :D ......الخ<<<<متحمسه أبي أسوي اللي ببالي علشان كذا متقيرمه..
..

ويــوم خلصنا ويصفر أبوي ونصف طابور على الكبر ونركب السياره على الدور دور :D

لما طلعنا ومسكنا طريق الملك فهد وأجي أطلع شريط أيام لسميـــــر البشيري <<<فرحتن به توي شاريته
وأنقز من بين المرتبتين القدّاميات وأمغط يدي للمسجل وأدعسه ثميــــــــــــــن عـــــــــاد رجعت لمتساني..
وأندمج معه.....صراحه إنه رهيب ماشاء الله عليه ..اللي ماسمعته تروح تشريه لااااااااايفوووووته
...
المهم..وإتفقت وزارة الداخليه إنهم يروحون لعسيلانه..
ومسكنا خطّه<<<<ياااسلااااااااااااام
طبعاً أنا منب معهم ..هذا من كثر إندماجي الشديديشن مع الشريط..
..
ووصلنــــا <<<حمد لله عالسلامه..
الله يسلمكم
ونزلنا عفشنا وخرابيطا والقدر الكاتم <<<أهم شي ذا <<<دبّه همه ببطنه..
ومن قوانين الطلعه إنه أمي ماتطبخ الغداء وذالك لأن أبوي هذاااا يوووومه<<<<إرحبوووووووو
أنا يوم نزلنا وإسترخيت بالفرشه
قررت إني أقوم وأشغل الدبل وأدوس للنفود ..
..

وصلت للقمه بعد جهدٍ جهيد وبعد طلعت الروح وبعد ماسبحت بالتراب من كثر الغراز ... وآخذ نفس واستنشق الهواء العليل وأطلع التراب من جيوبي وشرّابي وراسي وأثمي..
وأقعد أسبحن لأخواني ميــــــــــــــــــــــــــــــــــــر ما أمدان استانس إلاّ وهاللي يطعسون يشخطون من عندي عجزت آخذ راحتي كل شوي مدحدره ولا راح رقيت وميــــــــر أمل وأدحدر لأهلي وأحطز بالفرشه ..
ويو حسيت إن الوقت حـــان لتنفيذ اللي ببالي من القرن العاشر طعش ميلادي ..خطتي الفيسيوتوماتيكجلوجيه ..
واللي هي كالتالي........
يبااااااااااااااااااااااااااااااااه أبي أسوق ؟؟...!!!
طبعاً رد علي أبوي برد قطّع قلبي ومصّع أحشائي وصدمت بصدمة نفسيه عصييييييـــبه<<<<بس الحمد لله أشويت
حيث قاااااااال ... بنات اللي رهيّف قلبه لا تقرا وش قالي أبوي..

ـــ تشششششششششش إنهبلتي ؟؟!!
ـــ لا ما إنهبلت بعدين أنا أعرف أسوق نسيت يوم أسوق مع أخوي (...) ؟؟
ـــ لا مانسيت بس هذاتس قلتيه معنا أخوتس يعني سيارتين هالحين لارحتبتس من يقعد عند أهلتس؟؟
ـــ تكفى أولاااه مانبعد يبااااااااه أولاااااااااااااااااه أولاااااااااااااااه ؟؟؟
وتشتغل إسطوانة الحنِّه والرنِّه <<<مسلسل مطبات ..
أنـــــأ نفسي يوم خلّصت حانه رحت أكلت بندولـ..
ومع سحري النفّاذ وافق أبوي ..
هيييييييييييييييييييييي هه هيييييييييييييييييييي هه
وأنط وأركب السياره وأخم الطاره ..
ويبدأ أبوي بالتعليمات.. اللي ماتعرف لاتقرا وتوجع راسه .... ولاّ لاء لاء تعالن خل أعلمكن ...خبرررررررره..

ـــــــ شغلي السياره وأنتي دايسه على الكلتش وحطي القير على الأول ودوسي على البنزين بشويش وأنتي تتركين الكلتش شوي شوي ...
وأبدأ بتنفيذ التعليمات ----> وننننننننننننننننننننننننـنـــــتع تع <<<نتعت السياره لأني ماعرفت أترك الكلتش شوي شوي ..عجله الله يهدين..
المهم... ومع كم محاوله وأمشي وامشي وامشي وادوس وادووووس وادووووووووس <<<تحمست..
ماوعيت إلاّ وذيك الصفقه على دميجتي
أبوي :
أنتي مهبوله ؟؟
شوي شوي.. ويـــــــن دايسه؟؟
هذا وأنتي بنت وأول مرّه تسوقين الله يعين إذا ساقن الحريم عزّ الله راحن نص حريمنا مرقدات بالمستشفى من اشكالتس..
..
واللي في الخلف في أشد حالات الغَشَوات والفَطَسَات من الضحك ..
وأطلق ضحكتي الساحره نيـــااااااااااهه هاااااااااااااااااي إيقالي ماسويت شي..
ويوم إني ركدت ومشيت على السكه وأجي والله وأشغل شريط أيام <<<مصدقه روحه
إيقالي حركتات مابقى إلاّ أسدح المرتبه وأحط يــد على الطاره ويــد ورا راسي وأطلّع رجلي مع الدريشه <<<عربجيه قلتلكم هذي أبو صعَفَق ماصدقتون..
وبينما أنا أمشي وقدامي بعيــدشوي نفود..
نفود صغيّر..نفيّد..
وميــــــــــر تطق براسي فكره ....
قلت يبه ودي أطعس؟؟ أبرقى هالنفود..
ـــ لا لا مب لازم صعبه إعقلي بس..
ـــ تكفى أولاااااااااه
وينطون أخواني من ورا..
إلاّ إلاّ يــالله أتحداتس ..
تكفى يبه خل نشوف تطعيس البنات..كااااااااااك كاااااااااااااااي <<<<يستهزون هم وخششهم.. عااااااااد ماتحدو إلاّ أنا يحسبونن يااااي مااااامي
وأجي وأكشر عن انيابي وأقولهم يالله أنا قد التحدي..
شوووفوووو
وأدوس الكلتش وأحط على الثاني <<<طبعا بعد تعليمات أبوي..
وأدعس البنزين كلّه
وِرررررررررررررررررررررررررررررررررررررررررررررررر رررررررررر
وأثرنا فوق النفود ..
وأخواني تصفيق وتصفير إخسسسسسسسسس والله يانتي شيييييي إمهبوووووووووووووووووله ..
وأنا آخر حدود الإنشحاط بديت أستعرض بعضلاتي..
المهم وأنزل من النفود وأنا مشتغله على الهزاز من الخوف والله ياهي صعبه النزول ..
ونرجع لأهلي وأثر أمي مأتـشششششششششـه يطلع من مناخره وآذانه بخار
ــــ أنتم مهابيل مخلينه ترقى النفود؟ منتب صاحين .. تبون تقلبون وأنا أناظركم ؟ ميـــــــر الشرهه مب عليكم الشرهه على أبوكم اللي مسكتله ووواااا طوووووووووووووط :D إيييييييييييييييييييييييييييييييييه وناااااااااااااسه السواقه ياحظهم العيال .. إهـــــــــــــــــــــب .. أمزح..
..
وقعدنــا نتغداء من طبخ أبوي والله ياهو شي رهيــــــــــــــــب..
ويوم أذن المغرب قعدنا نتقهوى ونفصفص وإشتغل الزيران عندنا بدينا نطق ونستهبل وما خلينا شي ماسوينااااو ...
وهذي طلعتنا يوم الخميس.. أمس..
وحبيت أنقلّكم أحداثه بحذاافيره .. وش أسوي مبطي ماقرقت ولقيته فرصه..


تحيــــاتي وأمنيـــــاتي وقبلاتـــــي لكن حبيباتـــــي

سلاااااااااااااموووووووووو
..
هوجـــــاااس