[ح ـايلـــيـة]

السلام عليكم ورحمه الله وبركاته..
كيفكن صباااايااااا
ان شاء الله كل شيييييي تماااااااام ما هييييييييييك؟؟

طبعا انتم شفتوا تواقيعنا..
ولنا كم يوم حاطينها..
وحاطين (ترقبووواا طلعتنااااا)..
هذا الموضوع ..
هو طلعتنا..
طبعا راح اقولكم من اول شيء..

تم الاتفاق بين العضوات التاليات..
(بنت الشماسية , شهد العسل , محبة الإسلام ,حنايا القلب , صديقة الشمس , حايلية , هوجاس , أشقيرية وأفتخر,بيض نص سلق)
على اننا نلتقي..
المهم حددنا الموعد يوم الأربعاء 15 / 11 /1427 هـ في سوق (...) نسائي مغلق في الرياض
وقد تم لقط عدد من الصور ...
المهم..
لنا اسبوع وحنا نخطط لهالطلعه...
ياما قلنا المكان الفلاني..
همن نتفق كلنا..
وتنط اشيقريه تقول لا..
بعدين نرجع للاول همن تقول بنت الشماسيه لا وش رايكم بــ (...)
بعدين نهون..
اليييييييييين رسينا على بر..
وهو اول مكان اقترحناه<<طيب وشوله كل هالحوسه واللف والدوران والله انكن صدز حريم
طبعا من اسبوع برضه وحنا نجهز اللبس ..وش بناخذ ...ووش بنصور ..وش نكتب..
لدرجة اللي سوت عرض ازياء لاهلها
وسوت وحده من البنات حركه رهيييييييبه..
كل يوم لا راحت للكليه تغير تسريحة شعره ومكياجه ..
وتخيّر صديقاته وش احسن شيء ..عشان تزينه لنا هع
ونشوف من اللي ثبت انه بيجي..
المهم حووووووووووسه..
عاد على اخر يوم قبل الطلعه الي هو يوم الثلاثاء..
كل وحده من البنات ..اللي جتهم عزيمه..واللي بيطلعون.واللي بيسافرون..

انواع الخربطه<<وش هالطلعه طلعت بطاعونه ..<<اندري <<طيب اوووص وكملي <<تيب
88
هذا حور بيني وبين روحي

المهم نرجع لمحور حديثنا <<<ياهو يا حديثنا
المهم..

اخر شيء ثبتت الطلعه على خمس بنااات (بنت الشماسيه -حنايا القلب-حايليه-اشيقريه وافتخر-محبة الاسلام)
اما صديقة الشمس وهوجاس..هن بالقصيم وصعبه يجون فماحصلهن..
وشهد العسل راحت للقصيم ..
وبيض نص سلق ما حصله ياعمري..
وزعنا المهمات بيننا (تصوير..وهيك شغلات)..وان الطلعه الساعه 3 ونص عصرا تماما ...والرجعه الساعه حوالي 6 المغرب لان كل وحده مننا معزومه ..
والهدف من الطلعه اننا نتشاوف..وبدايه خير لجمعات كله خير ان شاء الله..

المهم..
تم الخروج بالترتيب..
اشيقريه الساعه 3 ونص..
حايليه الساعه 4الا..
حنايا القلب هي ومحبة الاسلام جو بوقت واحد..تقريبا الساعه 4وخمس
وبنت الشماسيه الله يهديه تأخرت مره..تعرفون مشرفه ..وشغلات ودنيا وتكشخ علينا هع..
تقريبا بعد اذان المغرب..
هذي اول صوره..
التصوير من داخل السياره..
مصورين الطريق..هع..


وهنا برضه الطريق للمكان المجتمعات به..



وهذي صورة ثانيه للمكان..



وهذي صورة مقربة مره منه..


طبعا تبون تشوفون وش شعورنا يوم شفنا بعض اول مره <اعرفكن شروفااااات
المهم..
اول من جاء انا واشيقريه تدرون اننا صديقات ونعرف بعض..كل يوم وانا مقابلة خشته
رحنا على طول فوق وجالسات بمكان على طول تصير عيوننا على البوابه..هع

دقت حنايا القلب ..ودار هالحوار بيننا..
قالت :وينكن ..
قلت :انتي وينتس..
لا ترقين حنا ننزل لتس..
قالت :انتي اللي لابسه (....و ....)
قلت: ايه
قالت: خلاص شفتس انزلي<<ياعمري يقالي بسوي مفااااجأه..
المهم نزلنا له ..
وسلمنا عليه هي ومحبة الاسلام..
ولقطنا ضحك وشوله مادري..
المهم رقينا وجلسنا على الطاولات.
وسواليف..
ماش البنات شوي مكتربات..<<مكتربات مب مرتكبات فيه فرق...
اذا سكتن قلت ايوه..وقلت اي شيء عشان يسولفن..
عاد مع الوقت انلفن ..
عاد حنا لا نخلوا من عرق النذاله..
دقينا على البنات..
شهد العسل..وصديقة الشمس..وهوجاس..
كل ذا عشان نقهرهن..
وكل من دقينا عليها..
قلنا حنا قاعدين ومستانسين .وقدامنا فلانه وفلانه..
همن تموووووووووووووت من القهر<<نذنذ<اختصار نذاله هع

طبعا كل ذا وبنت الشماسيه ما جت..
وسواليف ورا سواليف..
اليييين جت بنت الشماسيه..
ونزلنا له..
طبعا حنا قلنا انتي وينتس وحنا نجيتس.. هع
ندوره وتوصف مكانه لنا ..
ما دريت الا قالت انتي اللي لابسه اللي الوانه كذا وكذا<<وش قصة لبسي هع..
سلمنا عليه..
وهنا بعد لقطنا ضحك ..
رجعنا لمكاننا فوق..
جلسنا نسولف شوي..
ورحنا نصلي بالمصلى...
وبعد الصلاة..
نزلنا تحت..
نتمشى..
وحنا نتمشى..
لقينا محل اشرطة اسلاميه..
شهقت اشيقريه قالت:اشرطة اناشيد<<او زي كذا..
<<عاد انا واشيقريه ادمااااااان..

البنات يضحكن وحنا نركض له..:D
اول مادخلت قلت..فيه اطلال؟؟<<ودي به توه يحصلي اشريه ..
قالت ايه توه يجي من شهر وحنا طالبينه واليوم وصل..
قلت انا سبحااااااان الله كنهم دارين بي..
عاد سألته قلت اول من شرا انا ولا فيه احد قبلي..
قالت لا انتي اول وحده..
امر اتشقق..:D
قلت بيجيكم بركه ..ان ماخلص كل محلكم ما اكون حايليه <<ياختي عالوثوق

المهم..
بتسألون ليه ما تقهوينا و و و ..
المكان اللي رحنا له..
ممنوع تدخلين باي شيء..
ماغير انتي وشنيطتس وقريشاتس..
غيروه نهي
عاد حنا يقالنا بناكل من عندهم..
بس ما امدانا..
وحنا بمحل الاشرطه..
شوي ودق بابايا..
وطلعت..
وودعت البنااااااااات..
وطلعت وراي اشيقريه..
بعدين حنايا ومحبة الاسلام..
وبالاخير بنت الشماسيه <<تشيك على الرعيه ..هع..:D

بيض نص سلق..
كانت مفآجأه بتسويها لنا بنت الشماسيه..
بس يا عمري ما حصله...

.................
ننتقل للقصيم..
شهد العسل هي وصديقة الشمس وهوجاس مايتات قهر..
طبعا شهد العسل لازم تردها لنا..
فدقت على صديقة الشمس..
وجت لبيتهم..
وشافن بعض..
وطيحن اللي بروسهن هع ..


هذي طلعتنا..
وتمت بحمد الله..
صدز انه مافيه وقت..
ولا سوينا شيء مره..
بس اهم شيءتشاوفنا..
وان شاء الله انه فاتحة خير زي ما قلت..والجايات اكثر ان شاء الله..
الصراحه تمنينا كل البنات معنا..
وكان يوم تاريخي لا ينسى ..
حدثتا فيه حادثتين مهمتين على مستوى منتدى بريده ستي..
اللي هن (زواج اختنا ياسمينه الله يوفقها)..
و(طلعتنا الاولى لعضوات بريده ستي)..
ومن هالموضوع..
اقول وبكل صراحه..
انا من حيني احب البنات كلهن..
ويوم شفتهن حبيتهن اكثر واكثر..
ودخلن قلبي على طول..

والطيبين..سيماهم في وجوههم..

احبكــــــــــن كلـــــــــــــكن..


انتهى..
.<نقطه هع..




[foq]ابطال الطلعه..
حايليه
بنت الشماسيه
اشيقريه وافتخر
شهد العسل
حنايا القلب
محبة الاسلام
هوجااس
صديقة الشمس
بيض نص سلق
تصوير..

حنايا القلب..

سيناريو وحوار..

حايليه+حنايا القلب..

مكياج وتسريحات واختيار ملابس

كل وحده مسويه اللي تبي ..
وكل وحده مزينتن روحه <<سنعات:D

اخراج..

حايليه

[/foq]تحياتي..

حايليه وكرم طائيه