خــــــ العــيــد ــــرفان

اليمــــامه · 31-12-2006, 06:15 PM

بسم الله الرحمن الرحيم

اول شي اقول لكل عشاق منتديات بريده ستي كل عام وانتم بخير بمناسبة عيد الأضحى ( عيد اللحمه على قولة اخواننا المصريين )

والحين ابقص لكن سالفتنا يوم العيد ( والله ياهو وناااااااااسه ) :D

صدق ما اكذب عليكن هو تعب بالحيل والله ياهم كدونا كد بالشغل ومهنوا كترنا بس مع كل هذا وناااااسه

المهم في صباح يوم السبت الموافق 10/12/1427هـ مثل ماتدرون يوافق يوم العيد <<< غبيه انتي كلنا ندري انه يوم العيد
بسم الله علي انتي وش جابتس عندي

وبعدين ماتصدقين تمسكين علي الزله ؟؟ خلاص اكرمينا بسكوتس لين ما اخلص سالفتي

المهم أنا من فرحتي نبزت من فجر الله مادريت اني ابتحسف على النوم واقول ليتي قاعده بالبيت ابرك لي بس يالله حالي حال هالخرفان هن مستانسات مايدرن ان اليوم بيذبحن وانا مادريت انهم بيشغلونن شغل عن شغل سنة كامله

المهم قمت وقعدت احوس بالحجره اختي للحين نيمه وماقامت طبعا وكالعاده اسوي حركاتي الشريره :D واخليه تقوم اجل تبونن اقعد لحالي احوس وكلهم نيمين والغرفه ظلما وما اقدر افتح النور وهي نيمه هالبرنسس

المهم يوم اني قومته قعدنا نسولف انا وياه بعد ماصلينا الفجر اللي يشوفنا يقول ياحول هذولي لهن دهر ماشفن بعض ماتسننا انا وياه خششنا ببعض طول اليوم من التقيبل والله يا انا احيانا تحوم تسبدي من مقابل خشته <<< اقول تراى السالفه اللي تقصينه علينا عن العيد مهب عن اختس المصون

ايه صح ذكرتين ..

المهم جاء ابوي من صلاة الفجر وقامت امي وصلت ويوم شميت ريحة القهوه نبزت من متساني ونزلت وانا انابط بالدرج من الفرحه تقل بزر تصدقون اني نزلت ورقيت مع الدرج فوق العشر مرات وماحسيت <<< هين انتي مخفه الحمد لله ماعليتس شرهه
اقول بتسكتين والا تراي منب مكملة السالفه

<< لاخلاص كملي خلينا نشوف وش عندتس

ويوم قضت القهوه حطيناه وقعدنا نتقهوى ونسولف ويوم صارت الساعه ست ونص قال ابوي يالله ياعيال قوموا تلبسوا خلونا نروح نحظر صلاة العيد طبعا هذي الدعوه للذكور فقط

وحنا قعدنا بالبيت نولم العده طبعا ثياب ابوي واخوي للذبح والسكاكين والاغراض هذي ..

المهم يوم جوّ من الصلاة سلمت على ابوي وامي وحبيت روسهم وعايدتهم وقلنا يالله مشينا
طبعا حنا عادتنا ان خوالي يجتمعون باستراحة جدتي ويجيبون ضحاياهم ويذبحونهن هناك
حنا طلعنا من البيت واول شي رحنا لعمومتي سلمنا على جدي وجدتي وعموتي وعماتي وعايدناهم قعدنا عندهم حوالي ساعه ونص وبعده مسكنا الطريق لاستراحة خوالي ..
رحنا هناك والا فيه خالي وجدتي توهم داخلين وعيال خالي وكان عدد الخواريف على قول بنات خالاتي 5 خاروفات <<<< الحمدلله والشكر اسمهن خرفااان مهب خواريف اعرفي اهرجي مثل الناس
اقول انتي وراه ماتنطمين وتخلينن اكمل السالفه

<< خلاص هذاي سكرت اثمي هب

المهم جت خالتي وعياله وعيال خالي الكبير واجتمعوا القصابين (( اللي هم خالي وعيال خوالي وخالاتي)) وبدوا تجليغ بها الخرفان وسلخ على قولة اخوي:

" بدوا يقتلونهن هالسافاحين "

قمنا حنا يالبنات وشمرنا عن سواعدنا لبسنا الطراح والبراقع الجاكيتات المهم تسترنا وطلعنا حنا نحسبنا بنقعد متفرجات نناظر الذبح ونشرب شاهي

..<<< الحمدلله والشكر يحسبنهن قاعدات يناظر مسرحيه

يااااااربيه وانتي كل شوي ناقزتن لي وراه ماتنثبرين بمحلتس لين ما اخلص سالفتي؟؟

<<<خلاص خلاص وه ماحد يقدر يعلق على سالفته
اقول لاتقعدين تحلطمين انثبري
<<< خلاص هذاي اكلت تبن كملي السالفه

المهم يوم طلعنا وتجي كل وحده من خالاتي تستلم مجموعه من البنات وبقيت انا مار استانس وما امدان افرح الا وتنادين جدتي

عاد انا يوم سمعت جدتي تنادين قلت عزالله هذا يومي الله يرحمتس ياليمـــامه .. وتمسكن جدتي واقعد انا وياه للعصر وحنا نقطع بهااللحم لين ماتفككت ايديني صدق اننا ناخذ استراحه بين وقت والثاني اول شي صلينا الظهر وبعده حطينا هاك الحميس اللي طعمه بالراس وبيبسي وبصل انواع الفله بس مافيه مفر الشغل وراي وراي ويوم قضيت آكله وغسلت ايديني قالت جدتي يالله باقي لحم يبي تقطيع قلت الله يعين زاد انا وش جابن من الاصل وراه ماقعدت بالبيت وكبرت الوساده ازين لي

..

المهم كملنا شغلنا ويوم قال المؤذن الله اكبر نطيت من مكاني وقمت اسبح واتلبس واستشور شعري واتكشخ تدرون عاد الناس بتبدا تجي افواج تعايد جدتي طبعا انا اهتميت بموضوع التلبس والتزين
<<< ايه انا ادري وراه تبين عشان تخطبين كاشفتتس :D
اقول سكري خشتس ولاتهرجين بها الهرج تراي استحي من هالسالفه

<<< اقول يالكلاكه ذاك اليوم سمعتتس تقولين لاختس " وه بس متى أعرس " :D
اقول كولي تبين وبلا فضايح ترا والله لاعلمهم وش انتي قايله

<<< لاخلاص آسفه .. كملي السالفه ..

المهم جو الناس مع المغرب واستانسنا وفليناه لين الساعه 11 بالليل انا بصراحه بديت انود ومسكت عيوني بقضابات عشان افتحهن غصب بعذري من الفجر نابزه وماصدقت رجعت للبيت عشان اجدع روحي بالسرير واناااااااام ..

<<<تششششششششش الحين عندي سالفه عندي سالفه وهذي سالفتس اقول مالت عليتس بس
الحين انتي وش حارتس يعني مابه الا انتي يسمع؟؟ وبعدين انا ماغصبتس تسمعين السالفه
<<< اقول انا ابروووح طحتي من عيني عقب ذي احسب عندستس شي يستاهل
خلاص فارزينا ولاتكثرين هرج...

هذي سالفتنا يوم العيد صدق تعبنا بس والله ماقد استانست كثر هاك اليوم ...
وسلامتكم ..

31-12-2006, 06:15 PM	#1
اليمــــامه عـضـو تاريخ التسجيل: Dec 2006 المشاركات: 7	خــــــ العــيــد ــــرفان بسم الله الرحمن الرحيم اول شي اقول لكل عشاق منتديات بريده ستي كل عام وانتم بخير بمناسبة عيد الأضحى ( عيد اللحمه على قولة اخواننا المصريين ) والحين ابقص لكن سالفتنا يوم العيد ( والله ياهو وناااااااااسه ) :D صدق ما اكذب عليكن هو تعب بالحيل والله ياهم كدونا كد بالشغل ومهنوا كترنا بس مع كل هذا وناااااسه المهم في صباح يوم السبت الموافق 10/12/1427هـ مثل ماتدرون يوافق يوم العيد <<< غبيه انتي كلنا ندري انه يوم العيد بسم الله علي انتي وش جابتس عندي وبعدين ماتصدقين تمسكين علي الزله ؟؟ خلاص اكرمينا بسكوتس لين ما اخلص سالفتي المهم أنا من فرحتي نبزت من فجر الله مادريت اني ابتحسف على النوم واقول ليتي قاعده بالبيت ابرك لي بس يالله حالي حال هالخرفان هن مستانسات مايدرن ان اليوم بيذبحن وانا مادريت انهم بيشغلونن شغل عن شغل سنة كامله المهم قمت وقعدت احوس بالحجره اختي للحين نيمه وماقامت طبعا وكالعاده اسوي حركاتي الشريره :D واخليه تقوم اجل تبونن اقعد لحالي احوس وكلهم نيمين والغرفه ظلما وما اقدر افتح النور وهي نيمه هالبرنسس المهم يوم اني قومته قعدنا نسولف انا وياه بعد ماصلينا الفجر اللي يشوفنا يقول ياحول هذولي لهن دهر ماشفن بعض ماتسننا انا وياه خششنا ببعض طول اليوم من التقيبل والله يا انا احيانا تحوم تسبدي من مقابل خشته <<< اقول تراى السالفه اللي تقصينه علينا عن العيد مهب عن اختس المصون ايه صح ذكرتين .. المهم جاء ابوي من صلاة الفجر وقامت امي وصلت ويوم شميت ريحة القهوه نبزت من متساني ونزلت وانا انابط بالدرج من الفرحه تقل بزر تصدقون اني نزلت ورقيت مع الدرج فوق العشر مرات وماحسيت <<< هين انتي مخفه الحمد لله ماعليتس شرهه اقول بتسكتين والا تراي منب مكملة السالفه << لاخلاص كملي خلينا نشوف وش عندتس ويوم قضت القهوه حطيناه وقعدنا نتقهوى ونسولف ويوم صارت الساعه ست ونص قال ابوي يالله ياعيال قوموا تلبسوا خلونا نروح نحظر صلاة العيد طبعا هذي الدعوه للذكور فقط وحنا قعدنا بالبيت نولم العده طبعا ثياب ابوي واخوي للذبح والسكاكين والاغراض هذي .. المهم يوم جوّ من الصلاة سلمت على ابوي وامي وحبيت روسهم وعايدتهم وقلنا يالله مشينا طبعا حنا عادتنا ان خوالي يجتمعون باستراحة جدتي ويجيبون ضحاياهم ويذبحونهن هناك حنا طلعنا من البيت واول شي رحنا لعمومتي سلمنا على جدي وجدتي وعموتي وعماتي وعايدناهم قعدنا عندهم حوالي ساعه ونص وبعده مسكنا الطريق لاستراحة خوالي .. رحنا هناك والا فيه خالي وجدتي توهم داخلين وعيال خالي وكان عدد الخواريف على قول بنات خالاتي 5 خاروفات <<<< الحمدلله والشكر اسمهن خرفااان مهب خواريف اعرفي اهرجي مثل الناس اقول انتي وراه ماتنطمين وتخلينن اكمل السالفه << خلاص هذاي سكرت اثمي هب المهم جت خالتي وعياله وعيال خالي الكبير واجتمعوا القصابين (( اللي هم خالي وعيال خوالي وخالاتي)) وبدوا تجليغ بها الخرفان وسلخ على قولة اخوي: " بدوا يقتلونهن هالسافاحين " قمنا حنا يالبنات وشمرنا عن سواعدنا لبسنا الطراح والبراقع الجاكيتات المهم تسترنا وطلعنا حنا نحسبنا بنقعد متفرجات نناظر الذبح ونشرب شاهي ..<<< الحمدلله والشكر يحسبنهن قاعدات يناظر مسرحيه يااااااربيه وانتي كل شوي ناقزتن لي وراه ماتنثبرين بمحلتس لين ما اخلص سالفتي؟؟ <<<خلاص خلاص وه ماحد يقدر يعلق على سالفته اقول لاتقعدين تحلطمين انثبري <<< خلاص هذاي اكلت تبن كملي السالفه المهم يوم طلعنا وتجي كل وحده من خالاتي تستلم مجموعه من البنات وبقيت انا مار استانس وما امدان افرح الا وتنادين جدتي عاد انا يوم سمعت جدتي تنادين قلت عزالله هذا يومي الله يرحمتس ياليمـــامه .. وتمسكن جدتي واقعد انا وياه للعصر وحنا نقطع بهااللحم لين ماتفككت ايديني صدق اننا ناخذ استراحه بين وقت والثاني اول شي صلينا الظهر وبعده حطينا هاك الحميس اللي طعمه بالراس وبيبسي وبصل انواع الفله بس مافيه مفر الشغل وراي وراي ويوم قضيت آكله وغسلت ايديني قالت جدتي يالله باقي لحم يبي تقطيع قلت الله يعين زاد انا وش جابن من الاصل وراه ماقعدت بالبيت وكبرت الوساده ازين لي .. المهم كملنا شغلنا ويوم قال المؤذن الله اكبر نطيت من مكاني وقمت اسبح واتلبس واستشور شعري واتكشخ تدرون عاد الناس بتبدا تجي افواج تعايد جدتي طبعا انا اهتميت بموضوع التلبس والتزين <<< ايه انا ادري وراه تبين عشان تخطبين كاشفتتس :D اقول سكري خشتس ولاتهرجين بها الهرج تراي استحي من هالسالفه <<< اقول يالكلاكه ذاك اليوم سمعتتس تقولين لاختس " وه بس متى أعرس " :D اقول كولي تبين وبلا فضايح ترا والله لاعلمهم وش انتي قايله <<< لاخلاص آسفه .. كملي السالفه .. المهم جو الناس مع المغرب واستانسنا وفليناه لين الساعه 11 بالليل انا بصراحه بديت انود ومسكت عيوني بقضابات عشان افتحهن غصب بعذري من الفجر نابزه وماصدقت رجعت للبيت عشان اجدع روحي بالسرير واناااااااام .. <<<تششششششششش الحين عندي سالفه عندي سالفه وهذي سالفتس اقول مالت عليتس بس الحين انتي وش حارتس يعني مابه الا انتي يسمع؟؟ وبعدين انا ماغصبتس تسمعين السالفه <<< اقول انا ابروووح طحتي من عيني عقب ذي احسب عندستس شي يستاهل خلاص فارزينا ولاتكثرين هرج... هذي سالفتنا يوم العيد صدق تعبنا بس والله ماقد استانست كثر هاك اليوم ... وسلامتكم ..