[المعتز بدينه]

قصص لحملة بريدة الحق للحج ورحلة الأحزان والأمراض .. تمتع بالوناسة

جميلة تلك الرحلات ، وأجمل منها عندما يحصل بها بعض المواقف ، أجمل منها عندما تتخلد تلك المواقف في الذاكرة ، الأجمل من ذلك إذا كانت مواقف لأفراد قد يعرفهم البعض في هذا المنتدى .. لا أريد الإطالة عليكم والأخذ من وقتكم الغالي فأترككم مع أول المواقف متمنيا سعادتكم وتعليقكم مع أني سأتكلم بالعامية فأتمنى من الفصحاء العذر والسموحة :-

1- الموقف الأول مع (( أبو محمد ... )) وحنا بالطريق رايحين لمكة (( قبل الحج )) طبعا أنا نايم يوم قمت شفت الدعوى كَلك والنفسيات زفت (( طبعا بعدم وجودي )) شفت رِجل ((أبو محمد)) حمراء من الدم والجرح لأن ((أبو سلطان ......)) كب كبتشينو حار عليه (( كاس كامل )) وهو ما درى . من الروعة ((أبو محمد)) كب كاسه على رجله وصارت الرحلة كلها مستشفى (( بلشنابه )) كلشن شاريناه له بس ما نفع وبتلت رجله كذا إلين رجعنا لبريده .

س / وش رايكم حنا عيال (( الهااااااااي هاااااااااااي )) نشرب كبتشينو ؟

2- هذا الموقف حصل معي (( المعتز بدينه )) وهو : في أول الأيام جتني زكمة من قوته إني ما أحس بطعم اللي آكله ( والله قهر ) جاء وقت الفطور وكلي حماس مع التونة والجبن و ... سميت بالله وفجأة أكلت تونة ولا حسيت بالطعم . صراحة ضاق صدري قمت من الفطور وبديت آكل أي شيء قدامي لأني ودي أحس بالطعم . تذكرت أن الشوي والحميسة كلها أيام وهي جايه أمر ضيق صدري صح . وش صلحت أنا ؟ إيييههههه . توكلت على الله ويوم صار وقت العشاء جابوا العيال من البيك يبون ينغرونن . الكل يعرف علبة الثوم اللي تجي مع البروست حقهم أنا حطيته قدامي وجبت حزمة نعناع قلت أغديه تزين الأمور . دخلت إصبعي السبابة بالثوم ومليته ثوم وأكلته ولا نفع ( لا تسأل عن ارتفاع الضغط ) قطعت من النعناع ولا نفع قال المدير لي : ترى الفقس زين .قلت : وماله جبه ( طبعا مهب أكل ) حطيته في أماكن يخشى عليّ . أمر يبدأ يروح المرض شيئا فشيئا (( أول مرة ينفع بعض ناس ............ ))

3- الموقف هذا مع القائد للجمس التيكواندو (( النشيط )) القائد (( أبو رازان ..... )) وهو : من ثاني العيد جته زكمة وضيق تنفس إذا ضحك شانت الأمور أنا مستلم به وراه يعيي علينا نرمي عنه لأنه يتعب تعب مهب صاحي إذا مشى أو واجه برد بس الله يشفيه المرض بتل معه إلمين وصلنا بريدة (( الحمد لله على قضاءه وقدره )) .[/color]

4- هذا الموقف مع شخص الكل يعرفه وقد يحبه . بغينا نروح دهنه علشانه وهو (( قاهر الروس )) هذا به (( مرض فقر دم )) : في رمي الجمرات رحت أنا وأبو رازان ..... وعبد الإله الـ .... (( أخو المدير وأبو سلطان )) علشان أبو رازان ..... تعبان كما سبق . البقية راحوا بسلام وأمان . الكل رمى إلا حنا الثلاثة رجعنا متأخرين علشان رفيقنا . يوم رجعنا ونزلنا مع الجسر إلا والأمور مدوبره , لقينا العيال فاتحين باب صندوق هايلوكس و (( قاهر الروس )) منسدح والكل يدلكه ويقرون عليه أنا ضاق صدري لأنه ولد خالي ركبنا الجمس وبديت أنا أتفلسف يقالي طبيب إلين زهمنا على أطباء يوم زانت الأمور والحمد لله

5- يقول المثل (( مقابل الجيش ولا مقابل العيش )) يوم إني أشويت بدأ العشاء ما يجي إلا متأخر وأحيانا يكون حب وإلا مالح

6- في هذه الرحلة توفي خال أم ((قاهر الروس)) وقريبي أنا (( المعتز بدينه )) في يوم عرفة في ذلك اليوم الفضيل تلقينا الخبر بعد النفرة من عرفة إلى مزدلفة .. وفي اليوم 12 مرض خال قاهر الروس : حمد (( وقد توفي رحمه الله ))