متى يضبطون مطينات بريدة اللي تقل ضاربه نجم؟؟

الصقر المحلق · 24-01-2007, 11:44 AM

0
0
0
0
0
0
0
0
0

السلام عليكم يا اهلنا ببريدة الحبيبة وربي يزيدكم شرف وعز

انا بالشرقية يا جماعة الخير وربي كل يوم اشوفهم قاشعين طريق ومضبطينه مع الترصيف الجديد وبصراحة انقهر اذا شفت ديرتنا ديرة العز وهي بالشكل هذا ؟

حتى سيارتي اذا جيت لبريدة احيانا تحلف علي ما تمشي

تقول وين رايحن بي انت ناوي تمشي بدون سيارة لك اسبوعين

يعني الديار الثانية عندهم دراهم وحنا ما عطتنا الدولة شي ؟

والله يا جماعة سويت لي فره بالصيف اللي راح وشفت مناطق ما كنت اسمع عنها الا القليل لكن لما دخلتها بصراحة فتحت نفسي ..

مثال ذلك "محافظةالوجه" .. يا جماعة لو تشوفون وش مسوين بمدخل المحافظة ترفع قبعك احتراما لهم وتقول منهو رئيس البلدية هذا السنافي .. شوارع مرتبه وترصيف الاحمر ذاك الله ودك بس تنام به ولا فيها مثل ما عندنا تقل تمشي لك على مطينه الله يدفع البلا..

يعني حنا ببريدة الصراحة ما عندنا الا الحوسة وبس يحوسون لك الشارع ويروحون ويتركونه وما شارع الثمانين منا ببعيد ..

يا اخوان تكفون تحركو كل واحد منكم ينقز للبلدية وييكتب خطاب باصلاح جميع شوارع وارصفة بريدة ترى كثر الطق يلين الحديد .

يعني شف شوارع الصفراء اللي داخل الحارات او الرئيسية .. شارع الصناعة ... شارع الثمانين ... شارع الشاحنات ... الطريق اللي يقسم الفاخرية بالرفيعة ما ادري وش اسمه ... طريق الملك عبد العزيز من اشارة الزاهد الى البرج كله يبي قشع وتزيين ورصف جديد وتخطيط ... الفايزية كل شوارعة تقل ضاربه نجم ...

الهمة ياشباب والله ان الديرة قايمة على الله ثم على شبابه المخلصين وربي يحفظكم ويعينكم ولا تقول ملينا من الخطابات من القهر لو يجتمع مجموعة منكم ويدخلون على مدير البلدية كان الامور تضبط باذذن الله تعالى ..

24-01-2007, 11:44 AM	#1
الصقر المحلق عـضـو تاريخ التسجيل: Jan 2002 البلد: بريدة المشاركات: 81	متى يضبطون مطينات بريدة اللي تقل ضاربه نجم؟؟ 0 0 0 0 0 0 0 0 0 السلام عليكم يا اهلنا ببريدة الحبيبة وربي يزيدكم شرف وعز انا بالشرقية يا جماعة الخير وربي كل يوم اشوفهم قاشعين طريق ومضبطينه مع الترصيف الجديد وبصراحة انقهر اذا شفت ديرتنا ديرة العز وهي بالشكل هذا ؟ حتى سيارتي اذا جيت لبريدة احيانا تحلف علي ما تمشي تقول وين رايحن بي انت ناوي تمشي بدون سيارة لك اسبوعين يعني الديار الثانية عندهم دراهم وحنا ما عطتنا الدولة شي ؟ والله يا جماعة سويت لي فره بالصيف اللي راح وشفت مناطق ما كنت اسمع عنها الا القليل لكن لما دخلتها بصراحة فتحت نفسي .. مثال ذلك "محافظةالوجه" .. يا جماعة لو تشوفون وش مسوين بمدخل المحافظة ترفع قبعك احتراما لهم وتقول منهو رئيس البلدية هذا السنافي .. شوارع مرتبه وترصيف الاحمر ذاك الله ودك بس تنام به ولا فيها مثل ما عندنا تقل تمشي لك على مطينه الله يدفع البلا.. يعني حنا ببريدة الصراحة ما عندنا الا الحوسة وبس يحوسون لك الشارع ويروحون ويتركونه وما شارع الثمانين منا ببعيد .. يا اخوان تكفون تحركو كل واحد منكم ينقز للبلدية وييكتب خطاب باصلاح جميع شوارع وارصفة بريدة ترى كثر الطق يلين الحديد . يعني شف شوارع الصفراء اللي داخل الحارات او الرئيسية .. شارع الصناعة ... شارع الثمانين ... شارع الشاحنات ... الطريق اللي يقسم الفاخرية بالرفيعة ما ادري وش اسمه ... طريق الملك عبد العزيز من اشارة الزاهد الى البرج كله يبي قشع وتزيين ورصف جديد وتخطيط ... الفايزية كل شوارعة تقل ضاربه نجم ... الهمة ياشباب والله ان الديرة قايمة على الله ثم على شبابه المخلصين وربي يحفظكم ويعينكم ولا تقول ملينا من الخطابات من القهر لو يجتمع مجموعة منكم ويدخلون على مدير البلدية كان الامور تضبط باذذن الله تعالى .. __________________ آخر من قام بالتعديل الصقر المحلق; بتاريخ 24-01-2007 الساعة 12:36 PM.