 |
|
|
|
|
28-01-2007, 03:57 PM
|
#1 |
|
Registered User
تاريخ التسجيل: Jan 2007
البلد: القصيم اعيوني عليها
المشاركات: 400
|
ابعد عن الشر وغنيله....البعيد منك قريب والقريب منك بعيد
السلام عليكم ورحمة الله وبركاته
صباح الخير ... للناس الي تسهر للصبح مساء الخير ... للناس الي معدله نومتها اخواني الاعضاء حبيت اني اكتب قصة صارت مع واحد من الشباب وبصراحه احترت وين اكتب القصه قلت مافي غير السواليف اكتب القصه فيها بس عندي طلب بسيط قبل لا اكتب لكم القصه وحيات حبنا يامشرفين لاتقرشعون موضوعي  واعتبرو هذي اول واخر مره اكتب فيها بالقسم هذا وعد مني ماراح اكتب مره ثانيه واذا كتبت قصوا ايدي وقرشعوا موضوعي وصدقوني اخر مره ××××××××× ماراح اعيدها <<<< طيب خلاص ماراح يقرشعونه :D القصه ياحبايبي ان في واحد من الشباب كان طالع من بيتهم ورايح لكورنيش الخبر بالشرقيه المهم الولد وقف عند اشاره وكان فيه سياره لنكن طويله اللون اسود من داخل عنابي مسيومه بستين الف <<<< اعذروني شريطي سيارات  المهم الاشاره فتحت واللنكن واقف مكانه ولا تحرك ........الولد جلس يضرب بواااري على راعي اللنكن ولا تحرك... الاشاره سكرت واللنكن واقف ولا تحرك ارتفع ضغط الولد قال اليوم الظاهر ماراح يعدي على خير نزل من السياره وهو مايشوف الدرب من كثر ماهو حاقد على راعي اللنكن فتح الباب على راعي اللنكن وقبل اي كلمة وأي تفاهم مسك راعي اللنكن وعطاء كف يمشي مليون كيلو مربع بالساعه الولد يوم عطاه كف يقول العالم الي واقفه عند الاشاره قاموو يحيوني ويشجعوني الي يضرب بواري حماسيه والي يصفق بيده والي يصفر بلسانه تحمس الولد ولتفت لراعي اللنكن وعطا راعي اللنكن كف ثاني يقول مادريت الا سياره جمس فل بنات..كانو واقفين جنبي يقول مادريت الا وحده من البنات تشجعني وحذفت الشيله والنقاب يقول وانا اعطيه كف ثالث وانا اخربها معاه واقوم اسطره لين ماحسيت ان الضغط عندي نزل الا اخر مستوياته .....بعدها يقول حسيت اني احسن واحد بالسعوديه احس من كثر ماني قوي ودي اتهاوش كل يوم  يقول وانا ارجع للسياره ما دريت الا فيه سياره وقفت في الشارع الثاني ونزل منها ثنين عليهم اجسام زند الواحد فيهم يمشي عليه التيس<<< وانتو بكرامه يقول انا جلست بالسياره طبيعي وماعلي من احد يقول الا وذولي البديقارديه جايين صوبي يقول يوم عرفت ان الثنين ذولي ناويني وانا اسكر زرت السياره وانا اجلس فيها يقول يوم قرب من السياره ويفتح الباب الا الباب مسكره ويجي ويضرب القزاز بقوه يقول ياشكله شكل الفيل احس القزاز بينكسر من ثالث ضربه من كبر ايده يقول وانا اطمر للباب الثاني قلت ابي اهج ياهو ياهبو يقلع ام المضاربات <<< توه عرف قيمة التفاهم  مايمديني نزلت من الباب الثاني الا وخويه يضرب الباب بغى يكسر رجلي ويتلني من فوق الباب الا انا في حضنه مدريت الا وانا فوق كبوت السياره يقول يوم شالني مره ثانيه قلت الدعوه خربانه وانا اعطيه كف على خده احس ان ايدي انكسرت وخده ماجاه شي يقلع ام خده فيه عضلات اناضر في العالم ابي احد يفزع يقول الي قبل شوي يشجعوني الي قام يصرف يسوي نفسه مايشوف والي قام يفتح درج السياره يعني مضيعله شي وجالس يدروه البنات الي في الجمس صدو عني قاموو يسولفون عن الموضه والي تقول شعرك اليوم يهبل بأي صالون مسويته .... يعني العالم جحدوني كلن يبي فرقا المعضلين ذولي المهم يقول يوم صرت بينهم كني كوره جاء واحد منهم وقال اسمع يا........<<< كلام مو حلو  تمشي ورانا وانت ماتشوف الدرب واذا تعدت سرعتك اربعين او اذا فكرت تنحاش منا منا  نعرف شلون نجيبك واخليك تكره اليوم الي انولدت فيه يقول وانا اقوله ابشر يا بطل مالك الا واحدن يمشي وراك وماني مفكر بالنحشه دام البوكس مانفع معاك  يقول حرك راعي اللنكن وانا وراه والثنين البديقارديه يمشون وراي وانا محترم امشي اربعين يقول يوم تعدينا زحمة الكورنيش وحسيت انهم رايحين حواري وانا اعصب راسي واعطي عزم السياره مافي بطنها واتعدى راعي اللنكن واشوف البديقارديه واحدن منهم مطلع ايده من القزاز ويقول بيده كذا >>>>  قلت الحقني اذا فيك خير وانا ادز واخششهم حواري قلت ابي السلامه ويقول من حاره في حاره من حاره في حاره يقول الحين ابي الهاي وي علشان امسكهم خطوط لين يتعبون ويضيعوني يقول مايمديني نحشت منهم الا راعي اللنكن دعس وراي لين ماجابوني عيال الذينا المهم يقول يوم شفت ان الدعوه مافيها نحشه وانا اصفط السياره وانزل معاي عجره يوم جاني الاول وانا اعطيه على عينه يقول يقبح شكله ماحس في شي  يقول يوم جاء الثاني من وراي يبي يتخطاني وانا اديور له واعطيه على ايده الا يوم قال ( آآآآي ) وانا انبسط قلت بس قدرت عليه  يقول مايمديني صفقته الا والثاني شايلني فووووووووق وراضخني في الارض يقول من وين ماتونس الي يشيلني ويحذفني فوق السياره والي يجي يمطط خدودي ويعطيني كف قلت تكفون خلاص فكوني وش تبون مني قال واحد منهم انت الظاهر ماتسمع الكلام قلت شف يا القوي خلني بس ادق علي اخوياي بجيب بس اثنين وبنسوي حرب بينا وبينكم ونشوف من الاقوى  قال واحد منهم انت كنا مقدرينك وقلنا لك امش ورانا لكن الحين تركب معانا يالغبي وفكر تنحاش مره ثانيه يقول واركب معاهم وحركو السياره الا الورع راعي اللنكن مشغل خالد العويد في المسجل يقولي وش رايك فيها قلت له مو حلوه وانا معصب <<< يقول من زود الاستهزاء عطاني كف قال لا حلوه  يقول يوم وصلنا عند المكان الي هم يبونه مادريت الا وحنا داخلين قصر في احد احياء الخبر ويدخلوني في مجلس طوله كبر بيتنا وعرضه كبر بيت جيرانا <<<  قالو لي اجلس هنا لين نجيك جلست الا دخلو علي ثلاثه غير الي قبل شوي وجلسو يسئلون انت وش اسمك قلت اسمي فلان بن فلان الفلاني <<<< محد قال ونعم  قال وين تشتغل؟؟ ووين ساكن ؟؟؟ وكم رقم عداد بيتكم ؟؟ ووش لون سيارتك ؟؟ .... الخ يقول يوم جاوبت على الاسئله كلها قال انت ماتدري ان راعي اللنكن هو .... فلان الفلاني .... قلت في قلبي والله والخيبه  قلت انا مادري انه فلان الفلاني وانا يوم كلمته <<<< مبين اني حتى ولا قلت السلام عليكم بس عطيته كف كنت ابيه يحرك السياره لاني مستعجل وكان واقف ولا تحرك قال اليوم ماراح نسوي لك شي ونبي نصير عاقلين معاك لكن نبي نعطيك توجيهات رسميه لو شفت سيارته ماره قدامك توقف وتخليه يمشي وانت مثل الجنط لو شفته يطلب من المطعم <<< اقص ايدي اذا لقيته واقف عند كن تاكي هذا كن تاكي له فرع في قصره تخليه يطلب قبلك وتوصله الطلب لي سيارته قلت حاضر ...  قال واذا عن الاشاره لو تصير الاشاره خضراء وهو واقف ولا تحرك انشاء الله يكون نايم في السياره تحتريه لين يصحى وتحرك بعده ... قلت حاضر ....  بعدها قال الحين طس واخذ فلوس التكسي ورح للمكان الي موقف سيارتك فيه وخلك ماسك التعليمات الي عطيناك اياها لان ذي المره نعديها لك ثاني مره شفت السمك الي في الحوض <<< عندهم حوض كبير فيه انواع السمك حتى السمك يضحكون علي يوم هم يتكلمون معاي يقول نخلي السمك يقطع لحمك تقطيع ....قلت خلاص الله لايجيب اليوم الي القاه واقف قدامي  الولد الحين اذا طلع برا بيتهم يمشي اربعين اضافه الا ذلك يربط حزام الامان موب علشان المرور لا يمكن يجيه راعي اللنكن يقول ليه مو رابط احزام الامان  هذي هي قصة صديقي المنحوس.... واذا كان فيه فوائد مافيه غير نقطتين واحد... اذا شفت سياره مظلله كتم اعرف انه راعي اللنكن :D ثنين اذا وقفت عند اشاره وفتحت الاشاره ولا تحركت السياره الي قدامك خلق عاقل ولا يرتفع ضغطك الدعوه ماتستاهل :D حبايبي ...  اعذروني على الاطاله آخر من قام بالتعديل مدحت شوقي بريده; بتاريخ 30-01-2007 الساعة 03:20 PM. |
|
|
| الإشارات المرجعية |
|
|
النمط الأحادي