 |
|
|
|
|
08-02-2007, 11:02 PM
|
#1 |
|
عـضـو
تاريخ التسجيل: Dec 2006
البلد: بريده
المشاركات: 118
|
حادث غير متوقع (بالصور) لأحد الأعضاء ...
السلام عليكم ورحمة الله وبركاته ... أما بعد
حياكم الله إخواني في المنتدى ... فأحببت أن أطرح موضوع نهاية سيارة أحد الأعضاء ... ولكن من هو العضو ... طبعاً (أنا) أخوكم أبو سليمان ... هو أللي صار له الحادث يوم الإربعاء الصبح ... القصــــــة : طلعنا أنا وأخوياي للثمامة نبي نفطر هناك ... ووصلنا وأفطرنا وشفنا الدعوى عجاج ذاك اليوم ... فقلنا خلونا نمشي .. فقبل ما نمشي طعسنا شوي وطاحت الأستبنه وقعدنا ندوره والحمد لله لقيناه ... وبعد ما قضينا جيت أبطلع على الردمية ... وطبعاً تخبرون العبارت ألي على الردمية ... وأللي ما يعرفه بأحط له صورة ألحين .... طبعاً وأنا ماشي تقريباً 60 كيلو متر ... ولا أدري إلا هي قدامي ... ولا يمديك تظغط فرامل لأنك قريب وعلى ردميه أنواع الزحلقه ... فلذلك جيت وطحت بالعبارة  على سرعتي ... 60 كيلو ...فكانت هذه النتائج ... هذي السيارة بعد ما طحنا بالعبارة والحمد لله ما نشبنا طحنا به وطلعنا بسبب السرعة (60) كيلو   وهذي السيارة مع الجنب ....  وهذي صورة الجنط والكفر .. الكفارت أللي قدام متقطعة .. وعلى فكره ترى الطاره مستقيمة مهيب لافه يسار لكن شكل العكوس واحد مهن أنكسر ...  وهذي هي العبارة أللي طحنا به ...  طبعاً طوله تقريباً مترين إلى ثلاث أمتار ... وأنا الحمد لله كنت قاري وردي ولا جان شيء سليم 100% وأخوياي كذلك ... الأضرار : 1- واحد من العكوس أنكسر ... 2- الكفرات الأمامية متقطعه تماماً ... 3- الجنوط الأمامية منعفطة تماماً وجنط خلفي منعفط عفط بسيط ... 4- الكبوت طلع من محلّه ... 5- الدعاسات حقت السواق وأللي جنبه رقت فوق (الظاهر أن الشاصي تضرر) ... 6- الكنبات تقدمت قدام ... 7- الصندوق أنفصل شوي عن الغمارتين ... 8- الصدام واللحية أللي قدام أنعفطن ... مع اللوحة طبعاً 10- والرديتر أنشق ... تقريباً 11- والصطبات طاحن ومعهن مساميرهن ... لكن الحمد لله موجودات 12- الشبك طلع عن محله ... 13- البيبان أرتفعن عن محلهن ... يعني تبي تصكهن لازم تنزلهن تحت عشان ينصكن 14- الأنتل حق الرادو قلّه مع السلامه ... 15- وكثير من الأزرار الداخلية (أزرار الدرايش وأزرار القفل ...إلخ) ما يشتغلن زين يعني بين قوسين ما له إلا التشليح ... والحمد لله أنا ما رحت للمستشفى ... الحمد لله أنه بالسيارة مهيب بالدين ... الحمد لله أنه هالمصيبة ولا أعظم منه فالحمد لله اللذي لا يحمد على مكروه سواه .... وأخيراً جبنا سطحه قال ما أقدر أنقله ... فجبنا سطحه مع كريم ... الكريم : هو الونش الذي تستطيع أن ترفع به بعيررررررررررر :D درجة التعبير 100%  فنقلناه والحمد لله على السلامة ... والسلام عليكم ورحمة الله وبركاته ....
__________________
|
|
|
| الإشارات المرجعية |
|
|
النمط الأحادي