[مدحت شوقي بريده]

السلاااااااااااااااام عليكم ..

هلااااااا بأعضاااااء بريدة ستي .. ويامرحبا بالجميع ..

ياسلااااااام يازين الربيع .. الحمدلله يارب .. قدرنا ( إنتفلل ) من هاك البرد اللي خلى الواااحد حتى شعر إبااطه واقفاااات ..
سبحان الله إبن آدم ضعيف .. <<((== إيقالوه يحدث عليكم هو وخشته هاللحين ..


أكيد سمعتوا عن معرض الكتااااااااااااااااااااااااااااب ..
ويمكن بعضكم زار المعرض .. وبعضكم يتمنى إنه يزوره ..
وبعضكم المعرض لوه عشر سنين يقاااااام بجنبهم .. وهو مايدري وش الساااااااالفة ..
يشوف هالناس تطلع وتدخل ماغير محملين من هالكتب .. ويتذكر أول أيام الدراسة إذا سلموه الكتب ..
تشوف الواااحد مستانس وهو شايلن الكتب ..

عااد واأنا واقفن عند الباب .. اللي أشوفه مهوب شايلن كتب ..
اقول هذا أكيد قايلين لوه رح حلق أول ..

كتب الله لي .. إني اوقف عند معرض الكتاااااااااااب .. ومعي جدتي موضي ..
ونزلت أنا ويااااااااااه ..
نبي نشوف لنا كم كتااااااب .. تعرفون أبحطهن بالسيارة .. منه لي للقرأة .. ومنه لأمي موضي إذا بغت تشب الضو ..

وأنا قاعدن أتمشى بالمعرض .. وأشوف هالمطااااوعة ماشاء الله .. من حبهم للقراءة ..
واحدن مسمي ولده ( سطر ) وبنته فهرس ..
الله لايضرهم تشوفهم فاتحين هالكتب ويبحلقون بهن .. ومعهم هالأوراق ويسجلون بهن الملاحظااااااات .. وماغير قحش من هالكتب ..

وأنا أناادي أمي .. يمه تعالي خل نشوف دار القاااااااااااااااااسم ..
لا .. والله ماأطبه .. ياوليدي ماتلبست .. وش تخلين أدخل عندهم بخلاااااااقيني .. وش يقولون عن ..
ولا جيتهم يوم بنتهم هيلة ( مضنية ) لا ياوليدي خزية ..
ياميمتي مهوب بيت القااااااااسم .. هذي دار القااااااااااااسم يعني مكتبة ..
إيه مكتبة .. ياوليدي غاااااااالين هالمكاااااااااااتب .. تسان خليتنا نروح لأبو ريالين ..

اقول إدخلي يمه تعااااااااااااااالي بس ..

دخلت أشوف بعض الكتب .. وإسمع أمي موضي تقول ..
أنت هيه ياولد .. عندك مساااااااااااااااطر .. ودفاتر ابو أربعين ..

ويقوله هاك الواااحد .. ياأمي الفاضلة .. لايوجد هنا ماتريدين هنا فقط بيع كتب ..
قالت جدتي .. تعال ياوليدي شف هالجهاز رد علي ماأدري وش يقول ..

أخذت جدتي وطلعت ..


ومريت من عند هاك الداااااااااااااااار وأشوف هالعلمااااااااانين ماغير متركين على هالعمدااااااااااااان ..
ويتصيدون لهالبناااااااااااات علشاااااااااان يوقعون لهن ..
وتلقى بعضهم يلااااحق هالناس .. تبي توقيع .. أنا فلاااان ..
وخير ياطير .. لاتخلينا ياحمد القااااااضي على غفلة ..


وحنا نمشي .. وتسمع أمي وحدة تقول .. وين كتااااااااب ( بنت الرياض ) ..
حق الراااااوية رجاء الصانع ..
قالت أمي .. هو .. هنا بوه راااوية ..
لاتصير مودينا لحوش بعااااارين وينشدون عن راوية الماء حقتهم ..

قلت ياميمتي حنا بمعرض الكتااااااااااااااااب وش جاب البعاارين هنا والراوية ..


ورحنا لدور النشر اللبنانية .. وتشوفه من الزحمة تقول ( ... ) مجتمع عليه ذبابين ..
ماتشوف إلا سواد هالحريم عنده ..
تعالوا هون .. عنا كتب نزار أباااني .. وروايات كل الناس الحلوين ..
أنا ماأدري وراه حريمنا عندهن أي شي لبنااااااااني إنه خيااااااااااااااااااااااال ..
يمكن لو يلتزمون هاللبناااااانين .. كان صاروا المطاوعة احسن ناااااااس عند بناتنا ..
ويمكن يعلقن البنات على صدورهن صور جيوب الهيئة ..

وأمي موضي شافت هالحريم .. قالت ياوليدي وش عندهن متكوماااااااات هالحريم ..
خل نشوف يمكن عندهم كرااااااااااااااااااااااااث ..
ياميمتي إمشي بس ماعندهم إلا الدجة هذولا ..


ما أن تدخل هالمعرض إلا ويركبك إبليس .. وتجدك مشدود الآنتبااااااااااااه ..
كل شي فيه ملفت للنظر ..
فالصرااااحة إن معرض الكتاااااااااااااااااااااااب .. يسير الى الهااااااوية .. من عدة إتجاهات ..
من زواره ومن معروضااااااااااااااااته ..
مخالفااااااته عقائدية وشرعية .. في الحاضرين والحاضرات والعاراضين والمعروضااااااااااات ..

وتعااااالي ياميمتي .. أذكر على طبلون سيارتي كتاب الله .. هو أفضل ماقرأت ..
ولو سرت على نهجة وعملت بما جاء به .. سأكون من الفائزين ..

والسلااااام عليكم ..