 |
|
|
|
|
04-04-2007, 02:58 PM
|
#1 |
|
مشـرفة سـابقة ..
تاريخ التسجيل: Feb 2006
البلد: الريـاض ~
المشاركات: 3,056
|
كشتتنا ... تلحق ياماتلحق !!
السلام عليكم ورحمة الله وبركاته ياهلا ومرحبا بالبنات بعد طووووول إنتظار نزلت صور كشتتنا وتراهن عاديات أول مره أصور بس نغرت قلت وش حيث هالعيالين يصورون ويسدحون من هالمواضيع وحنا لاء <<<<<< ياشيخه أبو النغر الله يكفينا شر النغر  فقررت أنزل هالموضوع اللي على قدي <<< رحم الله امرءاً عرف قدر نفسه :D ماودي أطول عليكم <<< يقاااالة ماطولت هي وخشته <<< الخشه داخلة بكل رد وش السالفة  هذي هي الصورة الأولى بدون شرح شوفو الصورة ويكفي مانب قاعدة أشرح كل صورة <<< ز و ل ة وهذي كمان صورة للحوسه اللي حول الغدى أهم شيء بالصورة صحن الفطاير قعدت أصور علشان أضحك خششكن :D ويوم جيت أباكل مالقيت الا 3 حبات ويابسات  الصور الثلاث هذولي اللي حدر بعض أتحدى وحده شافت مثلهن هذولي حتى بتركيا وماليزيا مهب فيه <<<<<< الثقة تلعب دور  عااااد هذي صورة خيمتنا قبل السكن فيها <<< لاحظوا قبل السكن واضح انه ماتعرف من البر الا اسمه  وهذا الإبريق والله يوم شفته حسيت باحساس ثاني تحسين صدق انك بالبر <<<وأنت وين يالخكرية  وهذا القمر قصدي أنا <<< أقول ظفي عفشك من الضرب والنظرات اللي بتجيك :D المهم صورة قبل الغروب وصورة بالليل .... تصدقون وأنا أصور القمر بالليل تدرون وش جاء ببالي بس لاتخااافن ((توقعت بيطلع مع القمر صورت جني ولا شيء )) هع هع أكيد ذرقتن يالخوااااافااااات  عاد هالوردتين أو الزهرتين هذولي لهن معنى خااااص بقلبي .. تخيلوا دخلت بين الشوك علشان أصور هالزهرتين اللي يشوفن وأنا متحمسه وداخلة بالشوك يقول هذي تبي تصيد له غزال ولا تذبح له ذيب وبالأخير طلعت بالصورة بس هالصورة تسوى الغزال والذيب  ((بدون تعليق)) ألحين نجي للصورتين ماقبل الأخيرتين <<< تشرح درس  المهم ياحلوات هالصورة هذي واللي بعدها لهن قصه صورتها من بعيد بس ماكفى قلت بقرب وأصورها من قرب علشان أشرح لكم سبب التصوير بصراحه وأنا أصور كنت أتمنى من أعماااااق قلبي آخذ هالشجرة اللي كلها شووووك وأغرسها براااس بووووش  هذا يابعد حيي أنتم شعيب مابه ماء وبه شجرة مايله لاإله إلا الله سبحان الله الواحد يتفكر بخلق الله إذا نظر إلى ماخلق سبحانه في أرضه أشياء يقف الإنسان عن الكلام ولايملك الا قول ((أولم يتفكروا في خلق السماوات والأرض)) <<<< هذا الرد ولا بلاش نصل إلى محطتنا الأخيرة ااااووو قصدي صورتنا الأخيرة بصراحه فكرت بكن بالبر حتى بالبر أفكربكن <<< احلفي عاااد :D المهم ودي بهدية لكل وحده بالمنتدى تصير هدية من {بنت الشماسية} إلى كل عضوة في ((بنت بريدة)) وأخيراً اهتديت للفكره هذي وصورت لكم مجموعة القرقيص يكفي بنات المنتدى وزيادة كل وحده له قرقيصه <<<< تعرف تهدي عاد لاتردون هديتي <<< قايلتن لكم الدمعه مايبيله شيء ...وبالنهاية أتمنى ان هالصور أعجبتكم والموضوع أعجبكم والله ودي أسوي كل شيء يسعدكم ويدخل الفرحه والسرور إلى محياكم دوموا بخير TheEnd والسلام عليكم ورحمة الله وبركاته  |
|
|
| الإشارات المرجعية |
|
|
النمط الأحادي