[العرب]

كان ياماكان , كان يوم الخميس اللي بين الإربعاء والجمعه , كان جريدة الرياض
طلعت بالصفحه الأخيرة خبر طازج عن قصه حسب ماتقول جريدة الرياض
انه طبيب بأحد المستشفيات تحرش بمريضه , وإن المريضه سجلت تحرشات الطبيب
وقالت جريدة الرياض إنها تحتفظ بإسم الطبيب وإسم المستشفى .



ثمن كان ياماكان , كان يوم الجمعه اللي بعد الخميس اللي هو اليوم بالضبط , كان جريدة الرياض وبالصفحه الأخيرة خبر مهوب طازج , ولكن , مشوي , وهالمشوي طلع دخان فصار مهوب مشوي , لإنه إحترق وصار مدري وشلون , وليت نعرف وشلون هذي نجيبها أو نعرفها , فحسب ماتقول جريدة الرياض إنها تلقت إتصال من مسئولي الوزارة حقت الصحه , وماندري هل هي تلقت إتصال من مسئول واحد , ولا إنهالت الإتصالات من مسئولي الوزارة ! فتقول جريدة الرياض إن المستشفى لايتبع وزارة الصحه ؟



مدري وشلون هذي نفسرها ! لايكون المستشفى يتبع مصلحة الصرف الصحي ولا مدري وش السالفه .
بصرف النظر من صحة الخبر من عدمه ! خلونا نتخيل المستشفى عبارة عن الهيئة
يارب ياساتر سترك وستار من خلقك
أعوذ بالله , راح تطلع البلاوي
راح تفتح الجريدة تحقيقات
وراح تمتلي الجريدة مقالات
وراح محرر الصفحة الأدبيه ( هذا إن كان فيه أدب ) يحط كتابات
وراح تطلع كاريكاتيرات
ودركترات
وراح تطلع توليفات
وقصص مفبركات
وتتوالى الطعنات تلو الطعنات والهجومات والمكسرات
والمعجنات
وراح يقولون الهيئه بدون أخلاقيات
وراح يقولون أعضاء الهيئه لايحسنون التصرفات
ولايعرفون المثاليات
والمربعات
والمستطيلات
وإنهم راعين طقاقات
ومضاربات
ومهاوشات
وتفحيطات
وتخميسات
وإنهم يقطعون الإشارات
ويرقون الرصيفات
ويصدمون الشجيرات
والأزهار والوردات
والصادرات
والواردات
والمبيعات
والمطبات
شكلي خلصت حرف التاء
قضى الموضوع
وشكرا


حرف التاء أنا آسف