[ما أجمل الاخلاق]

السلام عليكم ورحمة الله وبركاته
في الحقيقة في السنتين الاخيرتين زادت طلبات المدارس والمدرسات من الطالبات بتـامين وشراء بعض الاغراض للمدرسة وتكليفهن فوق طاقتهن والبعض قد يخاف او يستحي ويكلف اهلها مع ان البعض من الاسر ( يا دوبك يغطون مصاريفهم وعيالهم ) مهب عاد مصاريف المدرسة والا طلبات المدرسات مع العلم انه ليس من المناهج ومن تلك الامور :
1- تجهيز الفصول / فكل مدرسة مشرفه على فصل اذا بغت تزورهم الموجهه او عندهم حفله بالمدرسة وتبي تجي الموجهات طلبت من كل طالبة انه تحضر شيء مثل قماش يحطنه فوق الطاولات او ستارة لدريشة الفصل او لوحات تلصق بالجدران او ربطات يحطنهن البنات فوق روسهن ويحلتنهن اذا طلعن ويا كثر ها الخرابيط ـ
2- الحلى وما ادراك مالحلى اذا صار يوم مفتوح والا نهاية الفصل قبل الشهادات كل بنت تجيب احسن واغلى حلا ويتجمعن بالفصل (وتـاخذ الابلى احسن حلا لبيته او لغرفة المعلمات /وهذا حصل مع طالبة قريبة شرت احسن حلا وراحت تبي تذوق خوياته لانهن ايتناغرن منهي احسن وحدة ولكن الابلى المحترمة اخذته يبي يجتمعن هي وخواته الليله قول المعلمة بلسانها /
3- بعض الطلبات مثل تلبس ربطه بيضاء ونعال بيض وشريطه خضراء ........
4- احد المدارس طلبت من البنات انهن ايتدافعن يبي يشرون بويه للمدرسة ـ
لا اريد ان اطول عليكم بس ما هي الاسباب التي تدفع المدرسات الطالبات انهن يشرن وربما خسرن اباءهن واهلهن وكما اسلفت فـان البعض لا يستطيع ذلك ولا يستطيع ان يكسر خاطر بنته ولا والبعض من المعلمات اتبجح اذا صارت البنت بالتحفيظ وتاخذ مكافأة تقولهن يجيكن مكافأت وهي وين راتبه الي يساوي اضعاف اضعاف مكافآت الطالبة مع العلم ان بعض الاسر مكافـآة الطالبة يفرج عنهم هم وغم وكربه ـ
ولكن السؤال الذي يطرح نفسه / وين ادارة التعليم من هذة والوازارة ولا ما عندهم علم ولكن مهب الظاهر
صرخة ونداء عاجل
نرجو من ادارة التعليم ارسال تعميم للمدارس بمنع اثقال كاهل الطالبات بالطلبات ومعالجة الوضع لانه نخاف ان الابلى مرة تجيب فاتورة بيتهم او المدرسة وتقول سددنه يا بنات
او المديره تبي تغير مكتب الادارة او غرفة المدرسات او يبي يشرن طقم زمزميات لغرفة المدرسات او يبن يجيبن كبدة حاشي يفطرن به بالفسحة او او او او وهذا اللي ندري عنه والخافي اعظم