[بريق الصحوة]

((قال تعالى...و بالوالدين احسانا))
اني انقل اليكم هذي القصيده ودموعي تتساقط الم واسى ..وحزن..
عجبا هل يستوعب بعض الناس معنى احساس مشاعر..حق..واجب..رحمه..
عطف ..شفقه..أم,,أم,,أم
والله ان الكلمات لتعجز ..ان تصف هؤلاء البشر..الوحوش..الحيوانات..

في الحقيقه لا اجد ماهو مناسب لاتحدث عنه طويلا وارتب كلماتي من اجله..
لكن القصيده ستتحدث...........

هي قصيده كتبتها ام عندما وضعها ولدها في دار العجزه ولا حول ولا قوة الا بالله.

استغفر الله العظيم من كل ذنب عظيم...

--------------------------------------------------------------------------------
تقول فيها الأم:
وين انت يا حمدان امـك تناديـك **** وراك ما تسمـع شكايـا وندايـا
يا مسندي قلبي على الدوم يطريـك*** ما غبت عن عيني وطيفك سمايـا
هذي ثلاث سنين والعيـن تبكيـك**** ما شفت زولك زاير يـا ضنايـا
تذكر حياتي يوم اشيلك واداريـك**** والاعبك دايـم وتمشـي ورايـا
ترقد على صوتي وحضني يدفيـك**** ما غيرك احدٍ ساكن فـي حشايـا
واليا مرضت اسهر بقربك واداريك ***ما ذوق طعم النوم صبح ومسايـا
ياما عطيتك من حنانـي وبعطيـك**** تكبر وتكبـر بالأمـل يـا منايـا
لكن خساره بعتني اليـوم وشفيـك ****واخلصت للزوجه وانا لي شقايـا
انا ادري انها قاسيـه مـا تخليـك**** قالت عجوزك مـا ابيهـا معايـا
خليتني وسط المصحه وانا ارجيك*** هذا جزا المعروف وهذا جزايـا
يـا ليتنـي خدامـة بيـن اياديـك ****من شان اشوفك كل يوم برضايـا
مشكور يا ولدي وتشكر مساعيـك*** وادعـي لـك الله دايـم بالهدايـا
حمدان يا حمـدان امـك توصيـك*** اخاف من تلحق تشوف الوصايـا
اوصيت دكتور المصحه بيعطيـك*** رسالتي واحروفهـا مـن بكايـا
وان مت لا تبخل علـي بدعاويـك*** واطلب لي الغفران وهذا رجايـا
وامطر تراب القبر بدموع عينيـك*** ما عـاد ينفعـك النـدم والنعايـا
........................................ ................................

وهذا رد احد الشعار على القصيده

أقول ياحمدان أمك تناديك @@@ وترفع بصوت عالي في نداها
وتقول ياحمدان عسى الرب يهديك @@@ وترجع أمك قبل تسكن ثراها
أمك عجوز طايحه تقبل أيديك @@@ ترجي عسى قلبك يلين برجاها
أمك تذكر مامضى لك وتفديك @@@ يوم أنك صغير وقلبك معاها
زوجتك ياحمدان تخلف هقاويك @@@ وتكره أمك في حشاك ألرضاها
دور رضى المولى عسى الرب يعطيك @@@ جنه عريضه تستريح بهناها
زوجتك ياحمدان ترضي عداويك @@@ واتعب أمك مع مرضها وعناها
زوجتك ياحمدان زادت بلاويك @@@ واول حبيبه لك أمك تراها
أمك لها حق وهي دوم تغليك @@@ ماترخصك لو القبر قد حواها
حمدان راجع ضامرك مع رجاويك @@@ لاتترك أمك ضايعه في غثاها
بكره تمنى صوت أمك أتناديك @@@ لكن هيهات المنى مع رجاها
وتقول ليت أمي تنادي وانا جيك @@@ أركض و لكن ماتنفع مناها
قبل يدين ألي تنادي و تغليك @@@ قبل يفوت الفوت و تطلب رضاها
وطرد عدو أمك وارفع هقاويك @@@ وفتح لها بيبان عينك و ماها
بكره يجي ولدك و بنتك و تعطيك @@@ مثل عطاك أمك و فعلك بداها
ويدخلونك في مواقف و تهليك @@@ الوالده حمدان ردو جزاها
زوجتك تبعد عنك وتقول مابيك @@@ أقعد مع الشياب واتبع هواها


منقول من الايميل