 |
|
|
|
|
01-07-2007, 06:40 PM
|
#1 |
|
عـضـو
تاريخ التسجيل: May 2005
البلد: الرياض
المشاركات: 977
|
▓ ▒ يوميات راعي الهلي ▓ ▒
السلام عليكم و رحمة الله و بركاته كيف الحال ؟ بعد ان مملنا من اصحاب المواضيع المكررهـ و المنقولة  هذا انا اولف لكم موضوع جديد  [ يوميات راعي هلي ] [ 1 ] الوالد : قم يا وليدي قم صلاة الفجر قاعد تسعسق طووول الليل يوم قرب وقت الصلاة رحت تناااام قم  راعي الهلي : هااااهـ  الوالد : قم  راعي الهلي فز و طاااح من السرير على الأرض سم هذي قمت  ،، راح لدورة المياهـ وهو الا الحين بووهـ نوم ابليس فووق راسه ،،  دخل الدورة قعد 5 دقايق و لا طلع  الا وهو يقعد على الكرسي و مير ينوووود همن جائه ذاك الصوت اللي اقوى من كل شيء ابوهـ يطق الباب  الوالد :قم يا وليدي قم وراك نمت  راعي الهلي : سم سم قاعد اتوضأ ،، طلع من الحمام وهو نشيط ،، ،، وراح للمسجد ،، بالطريق تشوفه تقل يفحط ما غير يروح يمين و يسار يمشي وهو نايم  بالصلاة كبر مع الامام همن ركع همن رفع من الركوع همن سجد رفع الامام من السجوود وهو الا الحين ما رفع قضى الامام مصلي و هو نايم قاموا الشيباااان  وش به هالوليد شكله مااات  ويقومون لم راعي الهلي يا حوول قاعد يحلم و يجيه ذاااك العصا اللي يمشي 5000 تلاف  يا حووول قام من الفزهـ وقعد يقرأ سورة الفاتحه قام ابوهـ وقال قضينا من الصلاة وانت نايم نزل راسه راعي الهلي واستحا وجائه شعووور غريب ، محبط ، فاشل  المهم رجع للبيت وهو نشيط ايه راح ابليس الصلاة اللي راكب فوق راسه ويتصل عليه ولد عمه  ولد العم : هلا راعي اللهي راعي الهلي : هلا بولد حصه ولد العم : هلا بيييك راعي الهلي : بماليزياا ولد العم : و الله متى رحت راعي الهلي : يا تنكه اليوم العشاء طالعين ندور انا وياك وشلون اروح ولد العم : ايه نسيت اقوول راعي الهلي : قل ولد العم : وش رايك نفطر ؟ راعي الهلي : مهب شينه ولد العم : خلاص وش رايك تمرّن ؟ راعي الهلي : اكيد ابمرّك اجل انت تمرّن اصلا ما معك موتر  ولد العم : طيب خلاص مع السلامه راعي الهلي : سلام راعي الهلي : ااخ متى ينام الشايب ،، وبعد ربع ساعه ،، نام الوالد راعي الهلي : اخيراً ،، طلع للشارع و صك الباب على خفيف علشان ما يدري بووهـ الوالد ،، شغل الهلي بسم الله توكلت على الله بعد دقايق اتصل على ولد عمه راعي الهلي : ان الهاتف المطلوب لا يمكن الاتصال . . . الخ  راعي الهلي : شف هالجحدهـ قفل جواله ونام راعي الهلي : خلن اتصل ثانيه راعي الهلي : طوووط طوووط طوووط ولد العم : هلا بولد منيرهـ راعي الهلي : هلا بالجحدهـ و راك مطفي جوالك سحبت علي ولد العم : تعرف جوالي يعلق و يطفى راعي الهلي :  ولد العم : ان شاء الله ، وينك راعي الهلي : هذي عند الدوار اطلع لي ولد العم : طيب سلام راعي الهلي : سلام ،، وبعد ما لف من عند الدوار و وصل بيتهم ،، راعي الهلي : وينه هالفاشل ؟ خلن ابتصل عليه راعي الهلي : طوووط طوووط ولد العم : هلا راعي الهلي : وينك ؟ ولد العم : يا اعمى شفن عند سيارة الوالد  راعي الهلي : طيب ،، وركب ولد العم بالهلي مع راعي اللهلي ،، ولد العم : السلام عليكم  راعي اللهي : و عليكم السلام ، هلا تسيف الحال ؟ ولد العم : بخير ، علومك انت ؟ راعي الهلي : الحمد لله ، وين تبي نفطر بووهـ ولد العم : وش رايك انت ، تسبدهـ ، فووول ، صبه راعي الهلي : الظاهر يمدحووون التسبدهـ ولد العم : توكلنا على الله ،، وهم رايحين يفطرون قعدوا يدورون شوي ،، وقفوا عند الاشارة ولد العم : شف هالجمس ! راعي الهلي : والله انه ما يستحي مشغل اغاني و رافع الصوت ولد العم : و الله ما يستحي على الفجريه اغاني راعي الهلي : اشوهـ يا ولد حصه شريط EFI2700 تلقاهـ بالدرج ولد العم : طيب راعي الهلي [ ويدخل الشريط ويشغل 2700 ويفقع الصوت على اخر شيء ] ،، راعي الجمس نزل الدريشه و قال راعي الهلي هاي ،، راعي الهلي : هاي بوجهك !! من متى سمحوا للحريم بقيادة السيارة ؟ راعي الجمس : هههه اقول احترم نفسك لـ أحوسك هنا  راعي الهلي : وش هالشجرة اللي فوق راسك  راعي الجمس : نتفاهم اذا فتحت الاشارة راعي الهلي : نشوف يا رجاال راعي الهلي : شف يا ولد عمي اذا فتحت الاشارة علمن ،، الاشارة خضراء ،، ولد العم : دووووس  تابع معي احداث الجزء الثاني [ 2 ]
ماذا سوف يحصل لراعي الهلي مع راعي الجمس بعد الاشارة
__________________
تويتر : Bu6i_
= ) |
|
|
| الإشارات المرجعية |
|
|
النمط الأحادي