[ابو شرين]

السلام عليكم عندي لكم هالسالفة صايرة ببريدة

واحد يشتغل بالتجارة يجيب بضاعة من مورد بالرياض ومتفق معه انه مايعطي البضاعة لأحد يعني مثل الوكيل واشتغلوا على هالطريقة كم سنة والرجال عبى مستودعه من هالبضايع اللي مامثله بالسوق مادرى المسكين الا والرجال راعي الرياض فاتح مستودع يبيع بالجملة لكل الدكاكين وزود عليها بعد يبيعهم بارخص من اللي عطاها للرجال يعني يتعمد الضرر ورافع قضية على الرجال اللي ببريدة يبي قروشه والزموا الرجال يدفع له وصادروا حلاله هذا وعنده شهود والمحكمة والقاضي رفضوا يسمعون للشهود او يستدعونهم والقضية الله واعلم الحين عند ابومتعب بالديوان اشوف وش آخرتها واعلمكم
الغريب ان الرجال احتج عند وزارة العدل وصدر امر انه من حق الرجال يرفع قضية على راعي الرياض ليزيل الضرر الموجود بالمستودع وللحين ماحولك احد
القاضي اللي بالقصيم اللي ورط الرجال رفض وقال مهوب شغلي رح اشتك بالرياض واللي بالرياض يقولون مهوب شغلنا هذي منظورة ومن اختصاص اللي حكم او رح لديوان المظالم وخذ تسحيب

والرجال راح فيها عنده كوم لحم ومسؤوليات وشهروا فيه ومن فوق جابوه لتحت بسبب عناد من القاضي وراح للامارة وقالوا له من اختصاص وزارة العدل المهم ما اطول عليكم خبصة ولخبطة وماتدري وش السالفة ولا من انت بيده