[الصقر المحلق]

[3mr=http://www.buraydh.com/images/pic/new/b1.jpg]

\


\

كنت اتمشى عصر هذا اليوم في مدينة بريدة وقلت لنفسي ابخيط بريدة من الجنوب للشمال ومن الشرق للغرب ..

لكن تفاجأت بامور كثيرة واستغربت منها وهي:

1- الاثل اللي مالين الدنيا كل ما شفت لي ارض فضاء لقيته مليانة من هالاثول اللي مدري وش يبون به اهله بس تشوه المناظر ولا تنفع صاحب الارض ومن المفترض ان الامانة تجبر اصحاب الاراضي الفضاء بازالة هذه الشجرة القبيحة المنظر . فان الله عذب قوم سبأ حين ابدلهم بجنتيهم جنتين ذواتي اكل خمط وأثل وشي من سدر قليل فهي عذاب ونقمة لقوم سبا حين عذبهم الله جل وعلا

2- الحفريات اللي كل ما امشي مع شارع اشوف حفريات أو اثر لحفريات واتحدى اي واحد يمر مع شارع ما يشوف هالزفلت المرقع ..

3- وانا امشي بالقرب من القصور الملكية بحي سلطانة شاهدت مات يدمي القلب الا وهو الشباب والكبار الذين يسيرون بضل الجدار الجنوبي يتضللون عن الشمس ويسيرون على الشارع هل ينقص الامانة ان تستعجل وتضع مضامير مشي تفتح النفس مثل المناطق الثانية

4- شي غريب ربما البعض منكم لم يلاحظة الا وهو ان الامانة تبدأ بالعمل والرصف ولا تكمل يعني بعض الشوارع اشوفه مزفلته ومرصوف بعضه وتاركين الباقي وهذا طبعا شفته باغلب الشوارع وهذا شي غريب جدا يعني وش يبي يضرهم لو انهم قاموا على الشارع باكمله وزفلتوه ورصفوه وشجروه بعدين يروحون لغيره ..

طبعا هذا شي بسيط من ملاحظاتي ونتمنى من الجميع ان يكتبوا ملا حظاتهم ومن له صلة بالامانه ان يوصلها مشكورا ماجورا
وفق الله الجميع[/3mr]