[مقزز]

لا أقصد في عنوان المقال العدد تحديدا
ولكني أقصد الكثرة والكثرة فقط حيث إني كل ما خرجت لمشوار في بريدة لابد من تصرف يرفع ضغطي من بعض سائقي السيارات ثم أنظر لمن صدرت منهم هذه التصرفات فإذا هم من أبو (17و 19 و 20) وأنت جاي.
واحد يصقط من اليمين وهو يمشي ألف
والثاني يوقف قدامك بالإشارة معنك أنت الأول (عيب والله)
والثالث مركب نور أزرق بس عشان يعمي الناس ( مع العلم بأن النور الأزرق ما ينور زين لصاحب السيارة ) يعني مركبه لعانة فقط لا غير
والرابع يقطع الإشارة على اللي هي عليه
وخذ من التصرفات الغير مسؤولة
والواجب على أولياء الأمور عدم ترك الحبل على الغارب
والإشراف على قيادتهم وتوعيتهم بخطورة التساهل بأرواح الناس ولتركيز على عدم السرعة داخل المدينة والأحياء
حتى قائد السيارة نفسه إذا كانت روحة رخيصة عليه فإن روحه غالية علينا ( وش رايكم أخلاق )

وإني أرى من نافلة القول أن أسطر بعض أدبيات القيادة وهي:
1ـ إذا وقفت عند الإشار لا تطابق دريشك بدريشة اللي بجنبك , يا قدم شوي يا اقصر دونه شوي (خلك ذوق)
2ـ لا تسكر المسار الأيمن عن الإشارة حتى ولو إيش ما يصير ( ولا ترا ابسمعك كلام ما يرضيك)
3ـ لا تفحط فإن التفحيط قد يودي بحياتك ( عاد هذي أنا ناقلة من جدار المدرسة اللي بجنبنا)
4ـ إذا مشيت وكان قير سيارك عادي فيفضل إنك تمشي بنمرة 1 ثم 2 ثم 3 الخ
5ـ إذا صرت ماشي بطريق وتبي تلف لطريق فرعي وبه واحد واقف يحتريك عشان تمر فدق إشارة عشان يمشي ولا يحتريك ( لا تكن خسيساً يا هذا )
6ـ أخي السائق لا تعمي إخوانك المواطنين والمقيمين بنور سيارتك الأزرق
7ـ لا تناظر بالمراية اللي خلفك وتحسبه ما يشوفك)
8ـ إذا صرت عند الصراف وراك ثمان سيارات لا تقعد تسدد فاتورك وفاتورة أمك وفاتورة الماء أسحب اللي تبي وخلك عجل.
9ـ نكمل في العدد القادمتحياتي