 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
09-08-2007, 05:33 PM
|
#1 |
|
عـضـو
تاريخ التسجيل: Aug 2007
البلد: ببريدة
المشاركات: 166
|
يوم أسود (( فيومئذ لا ينفع مال ولا بنون ) هع هع هع موقف يشيب الشعر
بسم الله
السلام عليكم ورحمة الله ... ادري ان موضوعي كاشت عن العنوان بس وشسوي مالقيت عنوان يجركم  مرة من المرات حصل علي موقف طبعا موقف مضحك على محزن الشاهد من الكلام اني دخلت محل مركز تموين( بقالة ) وكان معي واحد الله يعافينا يارب مما ابتلاه به :D راعي مقالب جهنميه  وكان معي المهم دخلنا وتقضينا هالحاجيات انا وياه وهو الله يرج مخه حاطن علبتين تتن بالكيس اللي معي وانا ما انتبهت  فالشاهد يوم خلصنا من المقاضي والأغراض اللي نبيها فهو يوم جاء وقت الحساب وكان الكاونتر عليه زحمه اشوي فهو قال ابروح للسيارة وبنتظرك إلين ما تخلص قلت طيب .. وأنا ماسك سرا وإلا وذاك اللي يحدق بعيوني ( يا الله فلان قلت ايييه فلان وإلا ويعطين ذيك البوسه الحاره ويسلم سلام يحبه قلبك امبح امبببح وطارت الطاقيه من هالخبه اللي يشوفه يقول وش هالرجال معطينه بنتهم هع هع هع  الشاهد انه حلف علي ان ما يحاسب إلا هو وأنا يا شيخ يا فلان اغديك تسممحلنا وإلا والرجال اقسم بالله انه ما يحاسب الا هووو قلت والله ان اخوياي اللي يبي يدفعون وهي قطيه وبحاول اطلع منه ماش عيا  قلت كثر الله خيرك وما تقصر وتراك والله أحرجتن قال لا لا ماعليك المهم ولما وصلني الدور وإلا ويبدا يطلع من الاغراض مربى فراوله 6 ريال طيب عسل 4 ريال طيب خبز واحد اثنين ثلاث نعم ويبدأ يطلع من هالمقاضي علك جالكسي والله ويطلع التتن ويجلس يتقلبه ويدور الرقم يا هوووو والله وانحرج واقول منين طلعت هذا قال من الكيس قلت لا مهب تبعي هذا تراك واهم .. عاد المحاسب يضحك بخبث وعلى باله اني ابي اطلع من الموقف يحسبن ذالن من خويي اللي يبي يحاسب وإلا وألتفت على خويي وإلا ويباشرني بكلامه ويقول والله ما توقعته منك يا فلان قلت والله اني ما حطيته وما ادري وشلون دخل علي .. وابدأ اجاوبه وانا خجل ومرتبك هو يحسبن اني ابي اجحد واستنكر لكن هو لما شافن مرتبك حس اني انا اللي حاطه هو كل هالكلام من تخيلاتي وإلا تجيك السالفه بس علطول بدون اي توازن قلتله بكيفك لا تصدق ابد  استغرب كيف تجرأت ورديت بهذا الرد هو جلس يناصحن ان التتن خطير وانصحك انك تتركه مادام انك في بدايته وتراك رايح تندم وشف فلان وشسوا فيه الدخان وعلان وكلان وبلان ويجلس يخربط المهم انا اهززز راسي وكأني معترف اني انا اللي حاطه فقلت بدون جرأه تبي تحاسب او احاسب  قال لا انا اللي احاسب ودفع وشكرته وقلتله قوووه معنا ولزمت عليه لكنه رفض وطلعت من المحل اللي كرهته كرررره وانا كلي ندم وقهرررر فيوم وصلت السيارة وإلا خويي مولعه معه يا ابو !!! كلام وسخ وراك تأخرت قلت اسكت لا أدبغك تراه !!! وإلا هو يتضحك واشوفه واقول شكلك عارف وشحصلي هو ضحك قوووه وقال لا ما ادري وشو بس والله واقوله السالفه عاد هو فطس من الضحك وقال والله يا فلان اعذرني انا اللي حاطن التتن بالكيسه وإلا وانا امسك ابريك , واجلس اتأكد منه فيوم عرفت انه فعلا هو إلا وطلع الجوال بسرررعه وادق على خويي هلا ... هلا ابوفلان ... ايه وشبغيت شفت يا اخوي طلع خويي افلان النتفه هو اللي حاطن علب التتن هو ضحك علي :D :D :D قوووه وقال داري داري انا متفق انا وياه عليييييييييييك لكن اعذرنا يا اخوي وإلا وانا انصدم واضحك على روحي ... وقلت زييييييييييين الوعد قدام يالداشر واسكر السماعه وإلى يومك ما ادري وشسويلهم  انتهى عفى الله عنه تحياتي -- مدعدع
__________________
 |
|
| الإشارات المرجعية |
|
|
النمط الأحادي