[سوآلف حرف]

حريم راجعين من عرس ومعهم اخوهم يسولفون :
اخوهم : اركبوا السياره وكل وحده تنتبه لا تصك باب السياره على عباتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء
بعد كل زواج0

الأولى : وش بتس تأخرتي؟

الثانيه : ساعه قاعده ادور على عباتي 00انتي ما شفتي الحريم يتضاربون عند العبايات 00
العبايات تلخبطت

الثالثه : يا ليتنا ما رحنا عرسهم

اخوهم : وراه؟
الثالثه : زحمه والبزران يتضاربون بقشر البردقان ويلعبون بالماء

الأولى : ما شفتي ذيك اللي كبت القهوه على الحرمه اللي كانت نايمه؟

الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على نعلت بنتي مها

الثانيه : وش رايكم في الفستان اللي لابسته هدى؟

الأولى : مهب حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس 00تضحك عليتس يا دبشه 00تلقينه من محلات ابو عشره

***************
الغريب والعجيب انهم واثناء حديثهم في السياره يقولون لبعضهم 00خلاص يا بنات
بس 000ترى ما يجوز نتكلم على الناس0

**************
تكمله
الثانيه : صح والله كلامتس يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايه شفتها 00هههههههه متوصيه بتس 00شكلها بتخطبتس لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل
وهي طايحه في اللحم الزين0
**العشاء**

اخوهم: وش رايكم في العشاء
الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تصيح

الثالثه : هههههههههه تصيح من الفرحه يا دبشه 00ما شفتي صدرها منتفخ من الفلوس

بس 00خلاص 00ما يجوز 00

صح والله 000ما يجوز 000بس شفتي 000وشفتي 00وشفتي

واخيرا وصلنا المنزل
اخوهم: 00شوفو لي حبتين باندول اكسترا
هههههههههههههههههههههههههههههههههههههههههههههههههه ههههههههههه

الله يكون في عونه

للا مانه منققققققول