[مدحت شوقي بريده]

السلااااااااام عليكم ..

أم جدايل وعريضات .. والله ياهوا حلم إبليس بالجنة ..
يالبي ماعندنا هاللحين إلا ( مقنزعااااااااات ) إذا شفت الوحده تقول ولد من قصر شعره ..
وبعضهن الله يخلف تشوف شوشته طايرة تقول باخن به ( بس ) وإلا ( قطو )
بس وش رأيكم بعريضات وطوال .. ماكأنه عجوز تشتري كرااااااااث ..


الموضوع يالبياااااتي علشان مااطول عليكم ..
إني دخلت البارح وانتم بكرامة دورة مياه بحي الفايزية ..

وتعرفون إن دوراة الميااااااااااااة دفتر كشكول لبعض الدبش ..
مايهناه يكتب ذكرياته وطلباته إلا على بيبااااااان دورة المياه ..

تحلف إنه راضعن من صارور على حب هالحمامات وحب التعبير على بيبانهن ..

ومن لقافتي كعادتي إني ماأخلي ولاحرف على الباب إلا وقريته ..
وعااادي اقعد اتبع السهم اللي يقول .. انظر هنا ..
وادربي دميجتي ورى هالسهم همن ياقف السهم بمحل مايقال ..
سي يو ..


ومن اغرب ماقريت ..

( زوجوني ام جدايل عريضات وطوال )
الصرااحة إستغربت من هالطلب .. بالعااادة تقراء كل الطلباات قبيحة وقلة أدب وقلة حياء ..
أما هالحبيب فالظاهر إنه يحسبه داخلن لمكتب التوفيق للزوجاااااااات ..
وإلا يمكن إنه كاتمن هالكلمة من سنتين وده يقوله وخايفن إن ابوه يردغه ويطير جلده ..


بعد ماطلعت وخلصت لي كم شغل ببريدة الحبيبة .. مسكت خط الريااااااااض ..
وبعد برهة من الزمن .. وقفت في محطة حفر العتش ..

ووقفت عند دوراة المياااااااااااااه .. ودخلت الى وحدة من هالدوراة وانتم بكراااامة ..
<<((== هاللحين عرفنا من اللي راضعن من صارور ياالهدر ..
وفي أثناء تمتعي بقرأة اللي مكتوب على البيباااااااااااان ..

لقيت اعلااااااااااان رفيقنا :
( زوجوني ام جدايل عريضات وطوال )
عرفت بعده إنه هاجتن بوه هالثور ..


السؤال ..
الى متى تبي تستمر هالظاااااااااهرة ..
يعني بعض المسئولين عن المساجد يضربون الدوراة بوية كل ستة أشهر او كل سنة بسبب هالتشويه ..
وهالبزااارين شادين حيولهم بهالكتااااااااااااااابة ..
الصرااحة إنه ظااااااااهرة غير حضارية ..
واتوقع إن التوعية فيها مطلوبة .. وخاصة من أئمة المساجد .. بحيث يكون هناااك كلمة بعد الصلااااة تبيين إنزعاج الناس من هالظاهرة وتكررها ..

حتى يعرف ( هالمبزرة ) أن الأمر مهوب سهل وأن اللي سووه شي خطير وعظيم ..


وسلاااام ائليكم ..

مدحت صرصور .. :D