[؛؛جروح الروح؛؛]

بسم الله الرحمن الرحيم
السلام عليكم ورحمه الله وبركاته.....

عرضت القناه الاخباريه السعوديه برنامج باسم (برسم الصحافه) وكان البرنامج يتحدث عن قضيه تخص طفله اسمها (سلطانه) عمرها لم يتعدا الثلاث سنوات..

وكان موضوع القضيه هو شغاله تحمل الجنسيه السيرلانكيه ادخلت الطفله سلطانه الحمام(الله يكرمكم) وفتحت المويه الحاره واغلقت باب الحمام بالمفتاح على الطفله..

وبهذا الوقت كانت ام الطفله مشغوله ببعض امور البيت وبعد فتره بسيطه افتقدت سلطانه داخل البيت وصارت تبحث عنها هي والشغاله الثانيه اما المجرمه جلست وكان شي مايهمها وبعد فتره من البحث وشافت الام بان باب الحمام مغلق وصوت الماء ولا يوجد صوت لسلطانه داخل الحمام وبهذا الوقت شكت الام بالمجرمه وسكوتها بعيدا

وبعد عده اسئله للشغاله وارتباكها اخذوا منها مفتاح باب الحمام بالقوه..

ووقت فتح الام لباب الحمام كانت ماتشوف شي قدامها من شده الدخان اللي صاعد من شده الماء الحار وفجاء شافت الام بنتها طايحه قدامها مغمى عليها بسبب شده الدخان..

ووقتها الام بتحمل بنتها من الحمام وبهالوقت صار قطع لحم وجلد البنت يطيح من تحت يد الام

وبعدها وضعت الام البنت على السرير واتصلت على والد البنت علشان يسعفها ويوديها للمستشفى..

وبعد ان اتجهوا لاقرب مستوصف اهلي للبيت اعتذروا بعدم استقبال البنت لان لا يوجد بالمستوصف وحده لعلاج الحروق!!

وبعدها اتجهوا لمستشفى اهلي وكان اول طلب من المستشفى دفع مبلغ ثمان الاف ريال قبل ادخال البنت غرفه العمليات ووقتها الاب ماكان بجيبه الا الفيين ريال ولكن استقبال المستشفى طلبوا دفع الثمان الاف كامله قبل اي شي وقالوا لابو البنت الصراف قريب روح جيب كامل المبلغ وتعال

وتمت اجراء عمليات للطفله لعلاج الحروق اللي شملت جميع اجزاء جسمها من بطنها لظهرها ليديها لجميع اجزاء رجلها من فخذها لاخر جزء من اصابيع رجلها والتي تم بتر جميع اصابع رجليها

وللمعلوميه الموضوع له اكثر من سنه ونص ولكن صحيفتي الجزيره والرياض اعادوا فتح الموضوع من جديد..

وكان ضيفي البرنامج هما..
الاستاد سعد الغامدي وهو الوكيل الشرعي للطفله سلطانه..
والاستاد سعد الدوسري صحفي بجريده الرياض..


وبعد رفع قضيه على الشغاله بالمحكمه للاسف صدر حكم القاضي وليته لم يصدر وهو..
سجن الشغاله 6 شهور وجلدها 120 جلده


ولكن الوكيل الشرعي للطفله الاستاد سعد الغامدي طلب الاستئناف وطالب القاضي ببتر اصابع الشغاله لان الله سبحانه وتعالى يقول بسوره المائده..

[ وَكَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ وَالْعَيْنَ بِالْعَيْنِ وَالأَنفَ بِالأَنفِ وَالأُذُنَ بِالأُذُنِ وَالسِّنَّ بِالسِّنِّ وَالْجُرُوحَ قِصَاصٌ فَمَن تَصَدَّقَ بِهِ فَهُوَ كَفَّارَةٌ لَّهُ وَمَن لَّمْ يَحْكُم بِمَا أنزَلَ اللّهُ فَأُوْلَئِكَ هُمُ الظَّالِمُونَ ]

فاين نص هذي الايه عن القاضي اللي امر بهذا الحكم!!


وايضا الصحفي الاستاد سعد الدوسري طعن بحكم القاضي لان الحكم للاسف بغيير محله..

وايضا طالبوا بوالد الطفله برواتب الشغاله وتذكره سفر لتسفيرها لبلدها :zael:


* ولكن سؤالي بعد مرور سنه ونص على القضيه هل الشغاله سافرت لبلدها بعد قضى فتره الحكم عليها بالسجن سته شهور او الا الحين مستمره بالسجن!!
طبعا بحكم اني ماشفت كامل البرنامج مادري وش اللي حصل على الشغاله بالضبط!!


وبصراحه اللي حاصل بالبلد هاليوميين شي غريب وشي ماكنا نشوفها بالسنيين السابقه ولكن صرنا نشوف احكام غريبه على كثير من القضايه!!!



وراح اضع لكم صور للطفله والحروق على رجولها واضحه وبالذات بتر اصابع الرجلين




وطبعا كان يوجد اتصال بام الطفله وقالت الكثير عن القصه وبانها هي وزوجها تركوا شغلهم من الحاله النفسيه اللي يعانون منها وبكل صراحه اتصال يقطع القلب وكلام الام عن طفلتها واللي حصل لها..

منقول