[مدحت شوقي بريده]

السلاااااامات عليكم ..

هلا بشباب بريدة ستي ..
الصراااااااااااااااحة قدر الله علي .. ورحت هاليومين لمصر ..
وجلست به ( 15 ) يوم .. وكان معي ( أمي ) وإثنين من أخواني ..
ياحبيله أمي رايحة معنا .. صايرة تقل صديقنا ..:D
امي .. يعني والدتي .. لاتحسبون امي يعني واحدن مايعرف يقراء ولايكتب .. :D


رحنا لمصر أرض الكناااااااااااااااانة .. وكنت متوقع مثل ماأسمع من الناااااااس ..
الجو الحلو .. والتصييف ..
وأنا ماخذن الهاااااااااااف الكاروهات ونظاراتي الشمسية وفانيلتي العلاااااااقي ..
على بالي ابتشمس على النيل .. وألا على البحر ..

وإخترنا احد ارياف مصر .. وأخذنا فلة بوسط مزرعة وسكنا فيها ..

لكن الصراااااااااااااحة إننا إنشوينا من قوة الحر والرطوبة ..
والله يالعرق إنه ماياقف .. تقول قاعدين بحمام بخاااااااااااااار ..

وبالليل اعوذ بالله موت من الباعوض .. والله ياهوا ذبحنا ذبح ..
لإن الباعوض يروح لهالصعايدة .. همن يبي يقرصهم .. همن يدوخ ويطيح ..

همن يأشر للي عقبه.. ( أن ابعدوا أبعدو ) .. همن يغز علينا .. ويقول ..
روحوا لهالهدور السعوديين .. تراهم ماعندك احد اشفطوا منهم الين تدوخون ..
الصرااحة لو تشوفون رجلينا .. قسم بالله الواحد تقول بوه إيدز من هالحبوب والجروح ..

اما عااااااااااااااااااااد لو تشوفون امي اول مادخلنا لهالقرية ..
وشافت الحريم وهن يلااااحقن الدجاج واللي تخبز .. واللي ماسكتن الجاموسة تحلبه ..

ولانسمع الا نشاقة .. ونحيبه .. ( تهي تهي تهي )
وش بتس يمه .. وراتس .. تبين نرجع للسعودية ..

قالت .. لا لا لا .. بس تذكرت اهلي من اول ..
عااااااااااشت ايامتس يمه وعاااااااااااشت ايام الذكريات ..

دخلنا الى القرية وإستقبلونا جيرن الفلة اللي حنا ساكنين به .. بكل حفاوة وتكريم ..

وابختم القصة .. علشان مايطول الموضوع ويملغ ..

وابختصر لكم الرحلة .. بهالابيات اللي قلته وسردته وأنا هناااااااااااااااك ..





سجيت وبخاطري مليون ســجــه
وفكري سرح والقلب كنه على نار


والــعــقـل صــابه إهتزاز ورجــه
وضاقت بي الدنيا والوقت بي جار


يابــــو عمر زج المعاميل زجــه
ماعـــــاد لي كيف لبنن ومسمار


انا هواي سموم نـــجــد وعـجـه
دار الأهل والربـــع يازينها دار


شوفة أهلها ترد الروح والبهجة
اهل الكرم والجود وافين الأشبار


ماهي ديار نهاره زحمات وصجه
وليله طرب وغناء ورقصات مزمار


احوال اهله مابين الفقر والدجـه
وراضين بالمقسوم لو صار ماصار ..


دار بها الباعوض فوق الإذن له لجه ..
ومن قرصته عنا لذيذ الكرى طار ..


بعده شلنا حقايبنا وقلنا يالله الهجة
وقمنا وتوجهنا صوب ارض المطار


وبصالته شفنا عرب وإفرنجه ..
عنوانهم باللبس الخزي والعار ..


تمشي بلا حياء ولاهيب منحرجة ..
والناس من حوله شدوا باللابصار ..


وختامها يالله إحفظ عبدك ونجه ..
من كيد اهل الفسق ومن كيد الاشرار ..



وسلاااااااااامتكم ..


سي يو ..