[اخو دريحم]

رجال سافر الى الرياض واثناء سيره على الطريق شاهد سياره مثل سيارته هايلكس مبنشره على جانب الطريق ووقف وساعدهم واعطهم استبنته وواعدوه يجي لمهم بعد يومين في الموقع الفلاني في البيت الفلاني ومشى الى الرياض وبعد يومين طرق عليهم الباب وفتحت له امرأة قالت والله ما فيه رجال الحين وانا ما اقدر اشيل الكفر لكن ادخل وشل الكفر شفه داخل الحوش قال مشكله اجي للقصيم ما معي استبنه ومشكله ادخل عند المرأه وهي ما عند أحد قالت ادخل يارجل وخذ الكفر وشبك ماأنتب رجال لواني اقوى الكفر ركبته في سيارتك ودخل الرجال في البيت وشال الكفر وقفلت المرأة الباب على الرجال وقالت القهوة يارجال لازم تشرب القهوه وافتحلك الباب
يابنت الحلال افتحي الباب انا عامل في رجالكم معروف وتقابلين بهذا الفعل قالت والله ما أفتح الباب حتى تشرب القهوه واثناء شربه القهوه سمع صوت السياره تقف عند الباب وضاعت مراجل الرجال وطقوا الباب وفتحت المرأة الباب للرجال قالوا بصوت واحد لعبت عليك السبيعية يارجال وين رجولك تسكر عليك الحرمه وهو ضاعت مراجله ولاتشيله رجليه وهو خايف يتصبب عرق وهوبموقف لايحسد عليه وارتفاع الضغط والسكر قالوا تقهويت قال ايه قالوا العشاء ما بيلكم عشاء قالو لازم عشاك الليله عندنا ولا تطبخه إلا ها السبيعيه قال مايخالف لكن ليس بهذه الطريقه قالوا ما نصيدك إلا بهذه الطريق وبهذه الحيله ودخلو الذبيحه واكلوا منها جميعا وقال انت عملت فينا معرووف ونحن نرد إليك معروفك .