بريدة






عـودة للخلف بريدة ستي » بريدة ستي » سـوالـيـف كـشكـولـيـة » حادثة حقيقية بالزلفي

سـوالـيـف كـشكـولـيـة الطرائف و الألغاز

 
 
أدوات الموضوع طريقة العرض
قديم(ـة) 13-09-2002, 06:45 PM   #1
أوتار
عـضـو
 
تاريخ التسجيل: Sep 2002
البلد: كوكب الحب...مملكه الغرام
المشاركات: 4
حادثة حقيقية بالزلفي

بسم الله الرحمن الرحيم
ابقول لكم هاالقصه صايره لولد خالتي
مره بالعطله اللي بين الفصلين طلع ولد خالتي وزملاه اثنين للبر في الزلفي وخيموا واستانسوا ووسعوا صدورهم ..بعد الاختبارات ..المهم يوم جو بينامون سمعوا صوت صياح...قالوا اكيد من بزارين المخيم اللي بجنبنا وناموا ومن اليوم الثاني يوم صارت الساعه 2ونصف بالليل اسمعوا اصياح قالوا المخيم اللي بجنبنا ازعاج هم وبزارينهم ...
يوم صار اليوم الثالث اسمعوا صياح اعلى من اول قال واحد اذا مااسكتوا بكره بنغير مكاننا ويوم صار اليوم الرابع اسمعوا صياح لكن اعلى بكثير يوم اطلعوا من الخيمه وإلا
المخيم اللي بجنبهم رايحين ..خافوا هم ..وقالوا نبي نتصل على الشرطه ونشوف وش يصير...والساعه كانت 3 الا ربع ..جت الشرطه 3 عسكريين ومعهم كشافاتهم وجهازات ارسال المهم مشوا السته لمصدر الصوت وكل ما قربوا زاد الصوت يعني ما ينتحمل مشوا والدنيا ظلام وهم مايعرفون المنطقه ..ومشوا يدورون مصدر الصوت بس ماحصلوا شئ يوم جو بيرجعون شاف حدى الشرطه شي مرتفع قربوا منه وجهوا الكشافات ..ولقوه بير ويقربون والصوت يزيد ...يقول ولد خالتي وهو خواف تدوروني ماتلقوني من الخوف
ظلام..وصوت عالى يفجر الاذان ..وبرد...يقول قربنا منه وحطينا النور عليه لاكن البير ظلام والصوت يطلع منه ..قال شرطي شهم ورجال...اربطون بحبلوا وابنزل واراسلكم من الجهاز..ولبس خوذته ومسك الكشاف ونزل وهو مايدري وش ينتظره....ونزل وهو يراسلنا وحنا ماسكين الحبل مره يقول فيه شجر ابعدون شوي ومره يقول فيه حصى ...
المهم قلناله وصلت القاع قال.......وانقطع الارسال نادوه قلنا يمكن الارسال مايوصل..
لانه نزل مسافه طويله بالمره ناديناه مايرد هزينا الحبل وماهزه .....ولد خالتي يقول الصوت العالي من جهه وهاالشرطي من جهه احترنا ماندري وش نسوي ..قلنا نرفعه ونشوف وش عنده قعدنا نسحب الحبل ويم وصل لقيناه مطعون طعنات كثيره والسكين مغروسه بيده...
يقول اشوفه وكأني بحلم أو مشغل فليم رعب...قال..جاء صديقي وكان عمره 21سنه وهو وحيد امه وابوه ومالهم غيره...وهذي المره الاولى اللي يطلع للبر ويمكن تكون الاخيره...
قال انا ابنزل ...!!عيوا عليه الشرطه وانا حول انجن وحاولنا به لاكن لا حياه لمن تنادي قال عطون الجهاز والكشاف وإلا نزلت بدونهن عيوا الشرطه عليه قلنا له وش يبي يسوي ابوك وامك قال اكتب وصيتي واني انا اللي طلبت عيينا عليه...يابن الحلال.........بس مافيها.....كتب وصيته ونزل ..ويراسلنا وحنا بس نحتري متى ينقطع الارسال لكن بعد مده قال ابشركم وصلت القاع قلنا له وش فيه قال مافيه شي......الا إلا ...فيه ممر لاكن ضيق ابدخله ودخله والصوت عالي بالمره وكل مايقرب يعلى الصوت ونراسله بالجهاز لاكن مايسمع من شده الصوت قال لنا لاتقولون لي شي مااسمعكم...وهو يزحف على بطنه والممر طويل ولا لقى شئ .....وبعد عشر دقايق لقى شي مغطى بقماش ابيض.وهو اللي يطلع منه الصوت ......قال لقيت قماش ابيض يطلع منه الصوت ..افتحه قال الشرطي بكيفك ,مانجبرك...........يوم افتحه........لقى شئ .......يقشعر منه الجسم ..........
يقول بيتكلم عجز..............صرخ.......وطلع من الممر بسرعه........قال ياله ارفعون بسرعه.......يوم رفعناه وإلا الولد يرتعش......قلناله وش فيه....قال.......وتلعثم بالكلام....
آ آ آ آ آ آ آ آ آ آ آ آ ..................قققعس يييقلع ضضرس نننمله...............................

ههههههههههههههههههههههههه اتمنى يعجبكم.......
:i128
__________________
aee-23@maktoob.com
أوتار غير متصل   الرد باقتباس


 

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 08:04 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)