[احمدالفايز]

من زمان وربعي واقاربي يلحون علي بالزواج(وصلت الثلاثين وش تحتري) الصراحه مافيه احد ماوده بالزواج لكن مصاريف الحياة ومن وين احصل على المهر وبلاوي ماقبل الزواج

وفي احد الايام تزوج احد المقربين مني وبعد الزواج بفتره سالته وش لون الاحوال
قالي لايفوتك بسرعه قل لاهلك يخطبون لك...
طبعا دخلت الفكره وتوكلت على الله ولقيت بنت الحلال وخطبت وتمت الموافقه

لكن اللي مكدر خاطري من وين ادبر المبلغ المهر وتاثيث البيت ووووووالخ
قالي احد الشباب اذا اخذت العقد (عقد النكاح) رح للمستودع الخيري ورح للجنة راغبي الزواج واهل الخير مايقصرون
طبعا اول ماستلمت العقد رحت لاهل الخير اللي يقولون الناس احد ينظر لي كاني من المتسولين
واحد يقول انت خارج نطاق الحي اللي نساعده طبعا هذا كلام الاخوان اللي في(الزاد الخيري)
وجمعية البر يقولون حنا مانساعد اللي بيتزوجون حنا نساعد الاسر الفقيره
حتى اني في احد المرات قلت ليتني مافكرة بالزواج ابد


واخيرا اظطرية للدين والحين صرت ماادري اجمع للاجار او اسدد الديون اللي ماخلتني اتهني بعيشتي



طبعا ماقلت كل الكلام هذا الا اني ماودي يصير للشباب المقدمين على الزواج مثل اللي صار علي

ولايقربون الدين ابد ابد ابد

اسف جدا اذا التعبير زفت او الاخطاء واجد لكن المهم عرفتوا وش اقول