[غارق]

بسم الله
حياكم الله يا عيالي وشلونكم طيبين

بصراحه اللي أنا شايف بعيوني هي القذاره يعني (الوساخه)بعينه وعلمه لبعض الشباب وإن شاء الله مهوب كلهم

ياناس ما تلاحظون المسطحات الخضراء وأنتم بالطريق للبيت ليلا تقريبا الساعه وحده أو ثنتين

فيه العجب العجاب والله إن المكان كأنه جايه إعصار مناديل مجدعه في كل مكان

وعلب المشروبات الغازيه ما تقدر تعدهن (يامل المر)وعلب الطلبيات من هالمطاعم

عيال الهمبرقر الله لايبلانا

عمال البلديه يدورون وراء هالكمخ وينظفون لكن ماعندك أحد .....ماهنا إحساس بالنظافه أصلا

تعال شف الخلاقين اللي عليهم تقل له عشر سنين ماغسل

وريحتهم مقرفه تشمه من بعد من هالدخان اللي يبي ينتج عنه جيل مصاب(بجنون الدخان)

سيارتهم نفس الشي مليانه قراطيس ومناديل من يوم أول يوم يسوقه لالالا وتعال شف علب المويه

اللي سوت هرم بالسياره وراء مع كراتين مناديل البانزين

والله إنه قهر إن اليابان وصلو لكل شي وعيالنا ماتشيل الوسخ عقبه

لا ويبون وظايف راقيه على كرسي دوار ومكتب مكيف وراتب مغري والا ترا المكيف
يحتريه علشان ينام تحته إلى العشاء جمع الصلوات جمع تأخير الله يهديهم

ودي أدري وين المشكله فيه بالتعليم ولا بالتربيه وإلا بالشخص نفسه

أبي الحل لوسمحتو لآنه طفح الكيل بهؤلاء اللي عنده حل يسعفنا بوه الله يجزاه بالخير

اخوكم غارق