[خالد بن عبدالعزيز]

بالبداية السلام عليكم
أمس كنا طالعين باستراحة وجايب واحد من العيال فطاير وحلا من أحد اكبر المحلات المرموقة في بريدة.
الحاصل يوم جينا نفتح الفطاير وجدنا داخل الفطاير(صرصار صغير)وتحوم كبدي على هيك أشكال:D المهم إني أتصلت على البلدية وقلت لهم السالفة وبصراحة كان استقبالهم لي بالمكالمة رهيب مرة.
قالوا شوي ونجي لمك.
جاء خويي واتصل على أخوة عاد أخوة يقول للشر وش أنت يالحبيب جاء وراح الى المحل اتصل على مدير المحل وقالة السالفة.
وبصراحة ماتشوف ذاك الا وهو خايف من المشكلة.
مدير المحل بداء يتعذر من الرجال ويستسمح منة وقال له خذ اللي تبي من المحل ولاتحاسب ولايهمك شيء وحنا آسفين واذا جيت مرة ثانية ولقيت طاقم المحل تعال وحاسبنا.
المهم شف العيال وش شالوا شالوا سلات حلاو بقيمة 780ريال.
انا اول الوقت ضاق صدري وسكتون بعده وقال اخوة لو اتصلنا على البلدية يبون يآخذون غرامة على المحل وحنا وش لنا بس كذا.
لا خلهم يتأدبون المحل من هالحركة هذي.
عاد انا جازت لي الحركة بديت ادور مطاعم مهب مضبوطة كل الليل أمس علشان نلقى لنا مكسب بس الحظ لك علية.