 |
|
|
|
|
18-12-2007, 10:35 PM
|
#1 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
== الطريقة الصحيحة لقتل الخروفات // تعال وتعلم لاتصير جاهل ==
هع الهعات
الســــــــــــــــلام عليكم كل عام وانتم بخير يابعد جبهتي خبركم هماوه لعبتي الذبح والسفح والتقطيع والدم أنا قلت لآبوك لآبو الي مايخدم اخوياه بالمنتدى ويعلمهم ،،، وشلوووون يتوكلون على الله ويذتسون ضحاياهم بس ياويلك وسواد ليلك لو ماتطبق شيء من هالي أقولك تراي منتالي صاير طبيب نفسي وأعالج مرض الضلال ودايم ماتجين حالات من النمل لأنهن كثير يطلعبهن دمل بابطهن أنا لو شفتون بس تراي خبرة خمس دقايق ونص بالاغتيال نبدأ بالطرق بس خلك شادن عيونك وغازن خشمك ولا تنسى تسجل بورقة علشان تروح لم الخروفات وتطبق الطريقة بالضبط وانا عاد مايمدين ولا ان تسان أحوف لك الطريقة بالصوت والصورة <<== هالكلاكـــ ## الطريقة الأولى ## ^^ التقبيص ^^  وهي أنك تجي مطلدزن الارض وتقبصه مع اليمين ثم تهج وترجع ثانية ارتداد وتقبصه مع اليسار ثم تهج وعلى هالحالة لمااا انه سلمك الله يدوخ الخروف وأنت مستمر على هالحالة والتقبيص حتى يتخدر جسمه وتكمل وانت مرتاح بالتقبيص حتىىىى يموت الخروف لأنه يبي يصير جايه نزيف داخلي من التقبيص ثم تتوكل على الله وتقشره ## الطريقة الثانية ## ^^ الرضح ببلكة ^^  طريقة سليمة ومابه تعب والمقادير سهلة بس اتختاله وانت تصير وايدزن عليه مع دريشة المطبخ أو غرفة البنات همن لامنه دودل دميجته يبي يقرمش علف تحلت عليه بلكة طبعاً البلكة أنت ضافه من العمارة الي بجنبكم ثم ترضح راسه بعده يبي يسقط صريع هالخروف ويطلعون كل اخوانك وأهلك علشان يقشرونه وتكملون الباقي بس مالكم حض بالراس لأنه مترضح من البلكة وأنا حروتي أبطبق هالطريقة ## الطريقة الثالثة ## ^^ الرجف ^^  وهي انك ترجف الخروف مع خشته ضربات متتالية لمى انه يبدا مايميز ثم ترجع ثلاث أمتار وتآخذ عزم وتشوته مع علباته وحده يمين ووحده يسار وترجع متر وانت رافعن رجلك اليمنى ثم تشوته مع الفك السفلي علشان يتكسرن سنونه ولايقدر يعضك ثم تشوته باليسرى بعد مع خده علشان ينشق خده وإذا طلع دم حاول تهج علشان مايحمق عليك ويجلدك ثم تنتظر ربع ساعة على مابال ينزف الدم ثم ترجع ثانية ولاوه دايخ ثم تخقله مع الرقبة علشان يغص ولا يقدر يتنفس وهو بهالحالة يبي يطنبس أنت فرصتك هالحين بين ايديك بس أرجفه بوز مع عينه علشان يموت ثم بعده يصير صريع أنتم عاد بهالحالة تقشرونه وتنتهون ،،،،، ## الطريقة الرابعة ## ^^ القهر والمأساة ^^  والطريقة هذي لازم تصيرون متمدنين شوي وتجيبون تلفزيون عند الخروف وتشغلون له شريط فديو ذبح وصلخ الشياهـ همن عاد الخروف يبي ينقهر ثم يموت من القهر عاد أنتم بهالحالة تتأكدون لايصير مغمي عليه تقعدون تقشرونه وهو مامات همن عاد يقوم عليكم وتصير كارثة لازم قبل كل شيء لاشفته منبطح ترشون عليه ماء من الدينمو وانتم بعيدين علشان لو قام ما يعضكم ثم تصيرون بهالحالة تشغلون هالشريط لمى يموت عاد هالطريقة مهيب سهلة ،،،،، حروتي اني أبجربه  ## الطريقة الخامسة ## ^^ الإغراق ^^  الطريقة هذي والله العالم أنه من أصعب الطرق لأنه تبي برتسه أو تحجره بحمام الحوش علشان به الطشت وتغرقه والطريقة أنك لو صرت بمزرعتكم أو بالاستراحة حقتكم تحاول تفكر زين وتخلي الخروف يلحقك ، ، ، هالحين وشلون يلحقك علشان توديه لم البرتسه ثم تدفه وتطببه علشان يغرق ،، ،، أول شيء خل معك سنكرس ولا باونتي وتغزهن على الخروف علشان يلحقك ثمـــ عاد الخروف لامنه شاف الباونتي يبي يبتل يشعثك أنت أنحر البرتسة وإذا رقى معك الدرج أحلت له القطعة الثانية من الباونتي ولامنه طنبس يبي يآكله ديور مع وراه وجره مع ذيله لم الماء همن عاد يموت ،،،، أكيد يبي يطفح وتحاولون تجرون الماء حتى يقرب لمكم ثم تطلعونه والحمد لله طريقة سهلة والطريقة الثانية لو ماصار عندكم برتسة عادي هذي صعبة وتحتاج انه أحد يساعدك لأنك تبي تغرقه بطشت تحاول تقلد صوت شات وانت متغبي بحمام الحوش وتقول مباااااء <<<== يعني أنا شات مبوووياء <<=== يعني حاجرينن بالحمام مبءءءأأأأ <<<== يعني أنقذني ثم تصير عاد مولمن الطشت وماليه ماء ثم تخلي خويك الي مساعدك أول مايدخل الخروف يدفه على الطشت همن عاد هو يبي يشرق الخروف أنتم بهالحالة صار بينكم ضعيف هو وسهههلة بس تكب من البزبوز ماء وتخليه يشرق عدة شرقات وينتهي ،، تجرونه وتودونه للحوش وتقشرونه ## الطريقة السادسة ## ^^ الغدر و الخيانة ^^  الطريقة ذي سهلة وتقدر أنت بمخك تحطه بأي طريقة بس انا أعلمك السهل منه والي تقدر انك تسوي غدر للخروف وهي انك تآخذه معك وتروح للبر وتنزله تقوله أنزل كل من هالعشب وإذا نزل تروح وتخليه وتجي لمه من بكرى تلقاه ميت لأنه مات من العطش وبهالحالة أنت تلفه بباغة بلدية وتجيبه للبيت علشان التقشير والحالة ذي أسهل شيء تقشيره لأنه ميت ومنتفخ بس تجيب حقت البطاطس وتقشره ويغدي لك أطعم شيء ،،، فطيس ، هلا بييييييييييك ## الطريقة السابعة ## ^^ الشنق ^^  الطريقة ذي تحتاج واحد جريء بالمرة مثل أبوجيراننا عاشت ايامه وهي انك تجيب حبل وتحاول تعقده ثم وانت بغرفتك بالدور الثاني تويدز الحبل وأنت مدودلن معه حزمة علف ،، هو بهالطريقة يبي يآآآكل أنت الحين فرصتك تجر الحبل علشان يغوله وتخليه خمس دقايق ثم بعده يبي يموت والطريقة سهلة وماتبي شيء شوري عليكم جربووهـ ## الطريقة الثامنة ## ^^ الانتحار الجبري ^^  الطريقة سهلة وسريعة المفعول ونصيحتي لكل العجازين يسوونه وطريقته انكم اتجمعون على الخروف وتحاولون تساحرونه أنه يرقااا بالسطح وتقولون له ياحبيلك حنا بيوم هالعيد نبي نلعب ضومنه والسلم والداب نبيك ترقى معنا تلعب ثم إذا رقى الخروف معكم حاولو تقولون له به شات عند جيراننا وراه ماتويدز عليه وتصفر له همن تجيبون السلم وتخلونه يويدز وأنتم هالحين فرصتكم دفوه علشان يمصط بالارض ويموت وهذي انتحار يحبه قلبك بس تنزلون تحت وتقشرووووونه ## الطريقة التاسعة ## ^^ الدعس بالسيارة ^^  أول شيء لازم يصير معكم جيب علشانه رفيع أو جمس لأن الي معهم سياااراات صغار مايقدرون يطبقون هالطريقة ،،، وهي انك تدخل الجيب مع باب البايكه ثم تحلت فتات علف بوسط الحوش وتوخر البزران ثم أول مايبدأ يآكل تنحره بالجيب وتدعسه وبشرط انك تآطآه مع الرقبة لو فرضا انك وطيته مع النص تراك مخطي وصعبة بهالحالة لو انك وطيته مع النص وش تسوي خل أعلمك لاتقد تبلش ،، تجي سلمك الله تفحط عليه وتشغل الدبل وحركة ريوس علشان يموت ،،،،، ## الطريقة العاشرة ## ^^ قتل الإرهاب ^^  هذي أشنع قتلة أعوذ بالله منكم يالارهابيين انتم والطريقة هذي المشكلة ان الناس كلهم يسوونه صدق سفاحين أعوذ بالله ،،، تجي وتمسكه وتسدحه على الارض وتذبحه بالسكينة علشان يطلع دم ياقوي قلوبكم تسيف تسذا تطيعكم قلوبكم تمسكون السكاكين ،، يوهـ منكم و╬╬╬ــــلامتكم وانتم ‼‼‼ـــــــــــالمين مـــعــ تـحـيـات الــ(((ــــفاح Sــــــــــــعـــفــــة  واعذرونا على القصور تراي كاتبن هالموضوع على وانا مختب يكافي باتسر عيد وقلت فرصة عقب صلاة هالاخير نكب مويضيع لهالحبايب استغرق كتابة الموضوع 70دقيقة لو أنا مودين أهلي للحسون ان تسان أزين لي من خرطي هالفاضي عاد يقالكم تبي اتطبقون أنا داري أصلاً انكم ارهابيين تستخدمون السكاكين 
__________________
 آخر من قام بالتعديل سعفة; بتاريخ 18-12-2007 الساعة 10:43 PM. |
|
|
| الإشارات المرجعية |
|
|
النمط الأحادي