[مدحت شوقي بريده]

لااله الا الله الحي الدايم ..
لا اله الا الله الرحيم الحليم ..
لااله الا الله رب العرش العظيم ..



( منهوا هاللي يمشي وراي )

أنا .. مدحت .. يمه

تعال ياهالتفخ ياهالدربية .. انا من يوم انقطع الهواء واظلمت الدنيا .. حسيت انك انت اللي تمشي وراي ..

ياولدي اعرف انك انت اللي تمشي وراي ياهالهر من نفسك هاللي يطير سجادة صلاااتي ..
يادافع البلى مناخرك تكوح كوح .. تقول شكمانات دينا راقيتن طلعة الغاط ..

هاللحين وشي سالفة ( بنت القطيف ) اللي يحتسون عنه هالنااااااااااااااااااااااااااااس ..



ياميمتي .. سالفته سالفة ..
هذي وحدة شيعية وصار له مشكلة كبيرة .. وحكموا عليه القضاة على حسب الشريعة ..
وصدق الحكم عليه من هيئة التمييز .. يعني من أكبر مرجع قضائي بالدولة ..
بس يوم صدر الحكم تدخلوا بعض هالملاااااااااقيف ومنهم الامريكية هيلاااااري كلينتون زوجة رئيس امريكا الأول
باسم هيئة حقوق الانسان .. علشان يعفون عنه ..
وكثر الحتسي والكلااااااااااااام الين صار اللي مايشتري يتفرج .. وقامت الدنيا ولا قعدت ..


وقام الملك وأصدر العفو عنه ..


طيب ياوليدي .. هالشباااااااصة وش يدخله بنا هاللي تلقفت وتدخلت هي وهيئة حقوق الانساااااااان ..
وراه ماتشوف ولدنا ( حميدان التركي ) هاللي ظالمينوه عندهم .. ياويلي مسجون ظلما وبهتااااااااااان ..
او هذا مايدخل من ضمن حقوق الانسان ..



و مادامه تدور الخير واتلمس حقوق الانساااااااااااااان ..

وراه ماتشوف هاللي بسجن قونتاناموا محبوسين لهم سنين بلا ذنب ولا خطيئة .. الا لأنهم مسلمين ..
والاتشوف رئيس دولته هالكنغر وهو يذبح هالمسلمين بالعرااااااااق وإفغانستااااااااااان ..


وإلا هذولي مايدخلن ضمن حقوق الانسان ..
انا اقول ياوليدي اغديك تشير على حقين حقوق الانساااااااان انهم يغيرون شعارهم :
من ( حقوق الانسان )
الى ( حقوق الانسان الغير مسلم )



الا مير ياوليدي مادام له واسطتن عندنا بهذا قوية ..
وراه ماتزهم عليه وتقوله .. اغديه اتوسط للشيخ العلوان والشيخ سعيد ال زعير وبقية المشايخ ..

دق عليه هاللحين حنا بهالعصر .. اكيد انه قاعدتن هي ورجله كلنتون يتقهوون بالحوش ولا عندهم شي ..


وأنا ابصف اصلي هالركعتين وابدعي الله انه يرفع عن المسلمين هالذل والهوان ..
وإنه ينصر امة محمد ويرفع عن بلدنا الغلا ويغيثنا ..
ويحفظ ولاة امرنا ملكنا ابو متعب واخوته من كل سوء ..

وسلااااام ائليكم ..


سي يو ..