 |
|
|
|
|
04-03-2008, 09:18 PM
|
#1 |
|
عـضـو
تاريخ التسجيل: Oct 2004
البلد: عَ ـــابرٌ إِلَى الجَنة
المشاركات: 6,346
|
حسبي الله على طبخاااااتكم
.
. هلا بالحبايب في إحدى المنتديات المشارك فيها تقام مسابقة لأفضل طبخة .. طبعاً هي للجميع .. وهي كل واحد يزين له طبخة .. حاولت إني أزين مثلهم .. طبعاً خويكم حتى الشاهي ما يعرف له .. يعني قولوا [ إني من جيل حليب النيدو ] الله يسامحكم .. نبدأ بالقصة في ليل هادئ .. غدى الأهل في سبوت عميق .. كنت أترقب الفرصة السانحة لأقوم بمغامرتي بعمل طبختي .. تسللت إلى المطبخ .. وعيوني من شدة المراقبة بدأت تتتفخ .. أغلقت الباب .. وبدأت الأسئلة الحائرة .. ياتُرى من اين أبدأ .. وأي طبخة سأغامر بصنعها .. بدأت أجول في مطبخي .. أفتح الدرج هذا .. ومرة ذاكـ .. حتى الآن لم أحدد هدفي .. وبينما أن في صراع داخل إحدى الدروج .. سقطت عيني على ذاكـ الإندومي .. فقلت له : أنت يا حبيبي مقصدي .. سأري الأعضاء حلو طبختي .. هيا تعال معي إنتهت الفلسفة المهم أخذت الإندومي وجهزت بعض الحركتات .. وشيء يسمى البهارات طبعاً من زمااان أشوف أمي تطبخ بالكاتم .. وأنا لا أخفيكم كنت أتمنى إني أعرف له .. فقلت هذي فرصتي .. أخذت الكاتم وعبيته ماء .. وحطيت الإندومي .. وتكيته وركبت اللي يصفر فوقه أنا أذكر إن أمي تحسب 10 دقايق له إذا صفّر .. أنا خليته ربع ساعة >>> من حسن نية قلت أبيه يصير تووووب الصراااحة بديت أشم ريحة شي محترق قبل تتم خمس دقايق قلت شكل هالكاتم يستهبل .. لكن والله ما أخليها تمشي علي  .. وأسوي نفسي إني ما شميت شي بعد ربع ساعة رفعت خويكم اللي يصفر .. ويوم طلع كل البخار رفعت الغطاء أدوّر إندومي ولا أشوف شي >>>>>>> ياساتر  أذكر إني حاط إندومي وين راح !!  ياحلالي صاير ماء من كثر الطبخ .. والريحة عمّت البيت .. حتى جيراننا يمكنهم عرفوا وش أنا أزين واشين اللي مشتهي شي ولا يعرف له -- -- -- -- الحين قلت ياولد ( ما دون الحلق إلا اليدين ) الحين بلشت بالأغراض والحوسه بالمطبخ .. يوم جيت أضفهن إلا أمي فوق راسي  وش تزين هالحزهـ ؟!!  قلت : هاهـ أمممممم مدري مهب أنا !! على طول الوليد جاب محصوله  بدت أمي تفتح لي محاضرة :  .. وأنت حوست علينا المطبخ .. ياويلكـ من أختكـ توهـ مسبعة .. وأصلاً وشوله اللقافة .. اللي تحكه إيدهـ يتحمل اللي يجيه وما زلتُ أنا مطأطأ الرأس  قالت يالله ضف لغرفكـ  يوم أقفيت قالت اصبر تعال .. وش أنت مزين ؟!! قلت إندومي  قالت طيب وينه .. هالسرع أكلته قلت لا راح مع البخار حق الكاتم يوم سمعت شي اسمه [ كاتم ] أعوذ بالله كأنه مأخوذ عقله  بعد بعد مصلح إندومي بكاتم .. وبدت بصب السب من كل حدب وصوب .. وبيني وبين نفسي أقول الله لا يعيدكم وطبخاتكم  ثم وليتُ هارباً إلى غرفتي  يوم جلست شوي إلا وأمي عندي .. كأنه مكتب التحقيق الفيدرالي قالت وشوله الكمرة بالمطبخ ؟!! وش أنت تسوي على طول شهقت  قالت وجع وش جاكـ ؟!!قلت عاد تصدقين كل هالخبة والصجة واللجة عشاني أبصور طبختي .. وأطلع بالأخير لا أنا اللي طبخت واكلت ولا أنا اللي صورت أبد والتوووبة ما أطب مطبخكم الموقر ..  ورجاءاً يمّه بدون سب خلاص الحين يقوم أبوي همن عاد والله ما يردن إلا المسجد ماله داعي خلي الدعوى سكاتي عاد تعرفون الأميمة على طول تسرح قالت أجل قوهـ أسويلكـ وحدة غير اللي أنت سويتها وأعلمكـ شلون !! قلت لا خلاص طاب خاطري ما أبي شي وتخربها آخر شي تقول : واقفة عاااد وأنا أقول حسبي الله على طبخاتكم . .
__________________
 إِنَّ دَمْعيْ يَحْتَضر ، وَ قَلبيْ يَنْتَظِرْ ، يَا شَاطِئَ العُمرِ اقْتَرِبْ ، فَمَا زِلْتَ بَعيدٌ بَعيدْ رُفِعتْ الأشْرِعَة ، وَبدتْ الوُجوهـُ شَاحِبَةْ ، وَدَاعَاً لِكُلِّ قَلبٍ أحببنيْ وَأحبَبْتُهُ ..!! يَقول الله سُبحَانَهُ [اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ ]!! |
|
|
| الإشارات المرجعية |
|
|
النمط الأحادي