 |
|
|
|
|
06-03-2008, 03:15 AM
|
#1 |
|
عـضـو
تاريخ التسجيل: Sep 2007
البلد: ما دآمك ( عنزي ) لا تهاب .. حدك أقوى الأنساب .. اقيم ببيت رجال كواسر حماهم الله من عين الحساد..! [ أقيم حـاآآليــا في بريــدة ] .. [ وأتمنى أن أقضي باقي عمري في الـشـرقـيـهـ ] "و الهوى شرقاآآوي" !
المشاركات: 737
|
彡 ما توقعتكم كذا يالمطاوعة彡
:: ][ ما توقعتكم كذا يالمطاوعة ][ نـعـم .. هذا ما قالته لي إحدى البنات في الكلية .! السالفة و ما فيها .... انا و مجموعة من البنات نروح للكلية بنقل خاص و كل بنات هالنقل عبايات مخصرة و نقابات ويتبادلون سي دي أفلام هندية و اغاني و << الله لا يبلانا و ما فيه بالنقل الا انا اللي عباية على الراس و اسكر النقاب و الحمد لله حجاب شرعي المهم ان هالبنات ذولي يقولن لي شلووووووووون انتي كذا؟؟؟ قلت ليه سلامات وش شايفين بي؟ قالن ماندري يعني عبايتك عباية ملتزمات بس اذا شفنا شكلك بالكلية مو ملتزمة!!!!! قلت ليه؟..شكلي مو ملتزمة شايفين بي شئ غلط؟؟ الحمد لله لبسي ساتر و مو شفاف و مو ضيق و لا نمصت لا و بعد ما شقرت و لا تشقير يعني وش شايفين علي شئ ؟ قالن حنا عندنا نظرة ان اللي ملتزمة او المطوعة -على قولتهن- ما تصير كذا المطوعات كلهن يحطن كحل داخلي و كعكة و تنورة كلوش و بلوزة قلابي و ازرار و نعال شحاطات و الحمدلله بس انتي لا ::: قص و صبغ و عدسات و كعب و حزامات و قراقيش شلوووووووون كذا؟ قلت القص موب حرام اذ كانت على القيود الاسلامية و الصبغ ما جانا حكم شرعي يقول انه حرام و العدسات انا سامعة فتوى انهن اذا كانت زي الوان المخلوقات فهي حلال و الحزامات من اللي قايل لكن انهن حرام و الكعب اذا صار موب طويل مرة مهب حرام يعني ابغى أعرف منين تجيبون قوانينكم انتم لازم الواحد يصير قراشيع عشان تقولون عنه ملتزم؟؟؟ يا ناس ان الله جميل يحب الجمال ::: تزيني على حدود الشرع ما حرم الله الزينة ! طبعا انا اقول كذا عشان أبغى أغير نظرتهن على الملتزمين انهم الحمد لله ما شين عدل :::::::::: مرت الايام و صار بنت جديدة تركب معنا يعني زادت وحدة و مثلي بالضبط عبايه على الراس و محتشمة هن قالن اكيد هذي قراشيع ما دامها بالعباة كذا أجل هي من داخل شينة جن قالن له ترى اذا نزلتي لازم نشوفك و نزلت و شافنه يوم جاء الظهر و حنا راجعين لبيوتنا بدينا نتناقش هن -بنات النقل- يقولن شلون تزينون و انتن ملتزمات و حنا -انا و البنت الجديدة- نقول ما سوينا شئ حرام طبعا بنات النقل بالعباية شئ خيال يجننن بس اذا فسخن عباياتهن الحمد لله و حنا على العكس بالعباية قبيحات بس من داخل غير فهن استغربن ما يجي كذا << يا انكن شينات بالعبايات و بالكلية و الا زينات بالعبايات و بالكلية ::::::::::::::::: مرت الايام و جاء امس و فاجأتني وحدة من هالبنات بقولته ياأوركيدا أبشرت إهتديت غيرت عبايتي و كسرت اشرطتي و نظفت جوالي!!! هاااااااااااااااااااااااااااه؟..شلون علمين؟ قالت مدري انا كنت مآخذة فكرة اني لو ابلتزم لازم أصير شينة و أقرف بس اللي لاحظته انك أنتي و فلانه أحسن مني و أدين مني فقلت أبلتزم أحسن لي و قالت اني يوم دخلت الكلية غيرت نظرتي عن المطاوعة 180درجة تقول كل ما شفت بنت بالكلية قبيحة و قراشيع قالوا لي ترى هذي عربجية و الله بالخير و إذا شفت بنت متكتكة و كاشخة قالوا لي تصدقين هذي ملتزمة فقررت اني التزم ما دامي اقدر اكشخ و انا ملتزمة لاني من أول أخاف ألتزم بعدين أترك الكشخة لا لا يا حلوة أبد إكشخي و إضربي بالكشخة و تقرقشي و خليك كنك عارضة أزياء بس ( العباية و الملابس و الأشرطة ) هن اللي انتبهي لهن أما باب الزينة مفتووووووووووووح بالحدود الشرعية و ما أخفيكم سر انه كانت قبل تآخذ جوالات البنات و تحمل لهن مقاطع فيديو مو نظيفة و موسيقى و إلخ عاد سألته قلت له وش الفرق بين هالحين و قبل ؟.. قالت قسم بالله قبل كل ما أمرض و إلا أتعب أقول يا ويلي شكلي بموت و أنا عاصية بس هالحين الحمد لله انام و اقوم و أنا في غـاآآية الراحة ... ::
__________________
::  آخر من قام بالتعديل أوركيدا عيون الجواء; بتاريخ 06-03-2008 الساعة 03:50 AM. |
|
| الإشارات المرجعية |
|
|
النمط الأحادي