 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
16-12-2002, 01:27 PM
|
#1 |
|
عـضـو
تاريخ التسجيل: May 2002
المشاركات: 33
|
قــــــلــــــــة أدب !!!
قـــــــــــلــــــــة أدب !!!
إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!! قــــــــــلـــــــــة أدب !!! إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك (هذا مثلي) قــــــــلــــــــــة أدب !!! تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد!!!) قـــــــــــلــــــة أدب !!! إن شيريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم مادروا !!! (على شان الله يرحمه يقربلي) قــــــــــلــــــــــة أدب !!! إن الواحد يضبط ساعته على الدوام بينما صلاة الفجر مايدري متى وقت أذانها !!! (هم إلا هالحين يعدون؟؟) قـــــــــــلــــــــــة أدب !!! إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!! قــــــــــــلــــــــة أدب !!! اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل (هذي اكيد زوجتي) قـــــــــلـــــــــة أدب !!! ان الوحده تقعد على التلفون ساعه وتقعد في صلاتها دقيقه (هذي اكيد زوجتي) قـــــــــلـــــــة أدب !!! اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني قـــــــــلــــــة أدب !!! قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه (بالعكس احترم الوالدين فوق الجميع) قــــــــــلـــــــة أدب !!! قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر قـــــــــلــــــة أدب !!! قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك قـــــــــــلــــــــــة أدب !!! لماتشوف واحد في الشارع وتستصغره ولا تسلم عليها قــــــــــلـــــــة أدب !!! اذا شفت صديقك في ورطه ولاتساعده قـــــــــلــــــــة أدب !!! اذا قدم لك صديقك خدمه وأنكرت فضله عليك قــــــــلـــــــــة أدب !!! انك تحط سيارتك عند باب جارك ..وعندك مكان ابعد شوي.. (عناد ماشفت موضوع الاميرة) قـــــــــــلـــــــــــة أدب !!! لما تجلس بمكان عام تتقهوى انت وعيالك..وتقومون وزبايلكم وراكم.. مع ان صندوق الزباله حولك... (حنا نشيل زبالة!!) قـــــــــــلــــــــة أدب !!! انك تكون مسئول عن عمل يتوقف اداؤه عليك..وتطنش وتتأخر ويتحمل الباقين مسئولية اهمالهم قـــــــــلــــــــة أدب !!! انك تطولي لسانك على الشغاله..وهي بسن امك..عشان شغله ممكن تسويها بنفسك((ليس منا من لم يوقر كبيرنا)) قـــــــــلــــــــة أدب !!! لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ و تفتشين للدكتور عاااادي...وكنه من بئية اهلك<-----قلبت مصري قـــــــــلــــــــة أدب !!! لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف (ياغزياه) قـــــــلـــــــة أدب !!! لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه (إوالله) قـــــــــلــــــــة أدب !!! انك متعلم وحاصل على شهاداة عالية..وماتفقه اقل شي في دينك قــــــــــلـــــــــة أدب !!! أنه مانشوف القرآن إلا من الجمعه للجمعة عشان الكهف .. قـــــــــلـــــــــــة أدب !!! .. ن نسهرساعه على النت ولانصلي لو ركعة لله (لو النت ببريدة وقفوها للصلاة ) قـــــــــــلــــــــــة أدب !!! إن الواحد يشوف ( قلة الأدب ) ولايقول عنها ( قلة أدب ) !!!
__________________
للقرق على المسنجر najdi2@hotmail.com |
|
| الإشارات المرجعية |
|
|
النمط الأحادي