يوميات القصيميات إذا طلعن هن وحمايلهن

^جبل عمر^ · 01-05-2008, 07:31 PM

هذه أول مشاركة لي في هذه الصرح الجميل
ياهلاوين ويا مسهلوين
شكل من أشكال يوميات القصيميات إذا طلعوا هم وحمايلهم

يوصولن الاستراحة على دفعتين الي عمرها من 30 وفوق والبزارين يطلعون أول العصر
والبنات الرد الثاني الجيده منهن تجي مع إذان المغرب والباقي بعد الصلاة
المغرب يتجمعن ويسولفن وكل وحده ترز الحلا الي جايبه وتطحه بالوسط وتاكل منه وتقول ياطعمه يابنات من الي جايبه
والي عيا أخوها الظهر يجيب أغراض الحلا

مالها إلا الأرياف أو جهينه هاذي ما ترز حلالها
يرمن ويهبدن من هالحلا لين يطلع مع إذانهن ودردبه من هالقهوة والشاهي
سواليف المغرب
وين راحت فلانه وين جت فلانه خطبت فلانه طلقت
ماشاء الله فلانه يقولن إنها حملت ويقولون إنها به توم وياقوي قلبه يقلها الدكتور أعلمك هم عيال ولا بنات وتقول لالا
ولا وراه فلانه ياكافي له سبعة أشهر معرسه ولا بان بطنه ياعمري يارجله أكيد فيها بلاء>> مستحيل الرجل عند الحريم يكون فيه بلا
وبعدين سؤال ليه يستعجلن الحريم إذا ودي ما أخليها تحمل إذا هي راضية إلا بعد سنتين فل أبو جدها
والثانية تقول الله يستر فلان أعرس على مرته هذاك يعرس تصدقون إني أحسبه ما ياصل ولا شارع الخبيب من ذراقته
لكن الرجاجيل ما لهم امان وكل وحده تخوف الثانية
أما سواليف البنات حش بالمدرسات وفلانه بالكلية لبست وفلانه فسخت واليوم تقولي فلانه إن برمودا عندهم بلا يز تجنن>>الخوف لايصير برمودا مايبع بلايز أسمع برمودا
والثانية تقول لا لا خبركم عتيق والله يا إيتام عنده أشياء تجنن>> وياحول يا أهلن أو رجالهن وسط الأسبوع تجي حاجات البلايز والله يافلان إني ماعندي ومحتاجة بلايز وقبل أربعة أيام ضافة الي بالسوق كله لأنه سمعت البنات بتروح تشري
ولا شفتوا فلانه المساخه يقالها مسويه ميك أب وعععع مخرب وجهها>>لأنه حلوه البنات يغارن منها
أذن العشاء الي له بزراان تروح تفقدهم وتصاليهم والبنات الي عليهن العشاء يروحن يشوفن شغلهن هذا إذا كان فيه طبخ ولا الله يعز المطاعم
إذا خلصن من الصلاة تجي جمعت البنات الخاصه
إذا كانوا بإستراحه ينزون بمكان ويصلحن لهم قهوة خاصة للجلسة ويله خذ البرنامج
كل وحده تاخذ جوال الثانية وتقرا الرسايل من طقطق ل السلام عليكم الوراد والمرسل والأرشف وكل شي وكل وحده تقول وع ياخوتس يافلانه يانتي متوهقه رازتن صورته بجوالتس

وخذ تبادل بلوتوثات وصرقعة الدينه بهن وده تروح لانه فيه بلوتوثات مو حلوه لكن الشرافه ماتخلي أحد ويله كل وحده تعطي الثانية الجديد
خلصن من الجوال يبدأ وقت تبادل الثياب بينهن طبعا فيه اتفاق قبل الطلعة كل وحده قايله للثانية جيبي البلوزه الفلانية والتنورة الفلانيه والثوب الفلاني ويله كل وحده تفسخ وتلبس حق الثانية وش رايك يافلانه حلو علي ولالا
قضينا من الخلاقين
إذا كانن جالسات بغرفه مو بمكان مفتوح إذا فيه مسجل يسلام يسلام

خذ رقص

وهز

ويسكرن أبو جد الباب لأن عمتهن أو خلاتهن أو حدى إمهاتهن مطوعة
بعد مارقصن وهاصن أثر العشاء جاي ويتجمعن بس على شان يكملن الدئرة ولا هن أصلا مليانه بطونهن من الحلا >>و كب هالنعم الله لايغيرها من نعمه
خلصوا من العشاء كل وحده تضف بزارينه وخلاقينهم والبنات يدورن نعالن إخوتهن الصغارين

وهذا مختصر لما يحث

[/QUOTE]

01-05-2008, 07:31 PM	#1
^جبل عمر^ عـضـو تاريخ التسجيل: Mar 2008 المشاركات: 107	يوميات القصيميات إذا طلعن هن وحمايلهن هذه أول مشاركة لي في هذه الصرح الجميل ياهلاوين ويا مسهلوين شكل من أشكال يوميات القصيميات إذا طلعوا هم وحمايلهم يوصولن الاستراحة على دفعتين الي عمرها من 30 وفوق والبزارين يطلعون أول العصر والبنات الرد الثاني الجيده منهن تجي مع إذان المغرب والباقي بعد الصلاة المغرب يتجمعن ويسولفن وكل وحده ترز الحلا الي جايبه وتطحه بالوسط وتاكل منه وتقول ياطعمه يابنات من الي جايبه والي عيا أخوها الظهر يجيب أغراض الحلا مالها إلا الأرياف أو جهينه هاذي ما ترز حلالها يرمن ويهبدن من هالحلا لين يطلع مع إذانهن ودردبه من هالقهوة والشاهي سواليف المغرب وين راحت فلانه وين جت فلانه خطبت فلانه طلقت ماشاء الله فلانه يقولن إنها حملت ويقولون إنها به توم وياقوي قلبه يقلها الدكتور أعلمك هم عيال ولا بنات وتقول لالا ولا وراه فلانه ياكافي له سبعة أشهر معرسه ولا بان بطنه ياعمري يارجله أكيد فيها بلاء>> مستحيل الرجل عند الحريم يكون فيه بلا وبعدين سؤال ليه يستعجلن الحريم إذا ودي ما أخليها تحمل إذا هي راضية إلا بعد سنتين فل أبو جدها والثانية تقول الله يستر فلان أعرس على مرته هذاك يعرس تصدقون إني أحسبه ما ياصل ولا شارع الخبيب من ذراقته لكن الرجاجيل ما لهم امان وكل وحده تخوف الثانية أما سواليف البنات حش بالمدرسات وفلانه بالكلية لبست وفلانه فسخت واليوم تقولي فلانه إن برمودا عندهم بلا يز تجنن>>الخوف لايصير برمودا مايبع بلايز أسمع برمودا والثانية تقول لا لا خبركم عتيق والله يا إيتام عنده أشياء تجنن>> وياحول يا أهلن أو رجالهن وسط الأسبوع تجي حاجات البلايز والله يافلان إني ماعندي ومحتاجة بلايز وقبل أربعة أيام ضافة الي بالسوق كله لأنه سمعت البنات بتروح تشري ولا شفتوا فلانه المساخه يقالها مسويه ميك أب وعععع مخرب وجهها>>لأنه حلوه البنات يغارن منها أذن العشاء الي له بزراان تروح تفقدهم وتصاليهم والبنات الي عليهن العشاء يروحن يشوفن شغلهن هذا إذا كان فيه طبخ ولا الله يعز المطاعم إذا خلصن من الصلاة تجي جمعت البنات الخاصه إذا كانوا بإستراحه ينزون بمكان ويصلحن لهم قهوة خاصة للجلسة ويله خذ البرنامج كل وحده تاخذ جوال الثانية وتقرا الرسايل من طقطق ل السلام عليكم الوراد والمرسل والأرشف وكل شي وكل وحده تقول وع ياخوتس يافلانه يانتي متوهقه رازتن صورته بجوالتس وخذ تبادل بلوتوثات وصرقعة الدينه بهن وده تروح لانه فيه بلوتوثات مو حلوه لكن الشرافه ماتخلي أحد ويله كل وحده تعطي الثانية الجديد خلصن من الجوال يبدأ وقت تبادل الثياب بينهن طبعا فيه اتفاق قبل الطلعة كل وحده قايله للثانية جيبي البلوزه الفلانية والتنورة الفلانيه والثوب الفلاني ويله كل وحده تفسخ وتلبس حق الثانية وش رايك يافلانه حلو علي ولالا قضينا من الخلاقين إذا كانن جالسات بغرفه مو بمكان مفتوح إذا فيه مسجل يسلام يسلام خذ رقص وهز ويسكرن أبو جد الباب لأن عمتهن أو خلاتهن أو حدى إمهاتهن مطوعة بعد مارقصن وهاصن أثر العشاء جاي ويتجمعن بس على شان يكملن الدئرة ولا هن أصلا مليانه بطونهن من الحلا >>و كب هالنعم الله لايغيرها من نعمه خلصوا من العشاء كل وحده تضف بزارينه وخلاقينهم والبنات يدورن نعالن إخوتهن الصغارين وهذا مختصر لما يحث [/QUOTE] __________________ أستغفر الله .... أستغفر الله .... أستغفر الله