 |
|
|
|
|
02-05-2008, 02:01 AM
|
#1 |
|
عـضـو
تاريخ التسجيل: Nov 2007
البلد: في بريدة
المشاركات: 891
|
قروش البليلة والذرة الي تفوق 20000 ريال تزوجة فيها
قصتنا لهذا اليوم هي قصة غريبة وانا اقول فيها بليلة بللوكي وبالخل خللوكي
هذي تعرفون الي يحول يوميته قاعد بالبيت لا يطلع ولا يدخل من البيت للمسجد للمدرسة فقط لا غير طبعا كان عندنا بالبيت بليلة كنت اسمعبه من رفقاي انه يباع بسيارة العسكريم الي تدور بهالشوارع كل يوم عاد انا وسألتهم بكم يباع قلولي بريالين قلت ياحلالي عاد تعرفون الي داج وش يسوي والله واجيك ذاك اليوم بالليل وازين بليله << طبعاً هذي اول مرة ازين بليلة بحياتي دايم الشغالة تطبخة لي عاد طلع مووت وطعم وفرحت يوم صار الصبح بالمدرسة واقول لرفقاي اليوم لا تشرون من السيارة ترا فيها تسمم ويحول وتمشي عليهم قالوا بس طعم محد يعرف يظبطه الا هالسيارة قلت هههه اليوم العصر تعالوا عند باب بيتنا وتشوف البليلة الزين قال منه الي يزينه قلت انا ازينه وابيعه عليكم بريال ارخص من السيارة قالوا خلاص واحط هاك الاعلانات بليلة ((بالشطة ياتيس))شف الاسم واحلب لبن عاد يوم صار العصر صليت بالمسجد بس التسليم بالبيت عشان على طول اجهزه للي بيشري بليلة عاد جوك الناس السعودي والبنقالي (مــحــم)سكاكين والي معه كريك وانا منهبل وشقصت قلت وش بيسون ذولاء ويجيك ذاك الي خشته ولا خشت بعير يقعد يهاوش منه التيس يحمار هاه اهرج وانا عاد سروالي طلع رطب من الخوف قال يالله اهرج قبل لأشيل راسك بالكريك قلتله اهرج ياشاطر بدون هواش قال انا اهاوش قلت لا ايه من الخوف ومادريت الا وذا الكف يمشي ترليوون قال يالله دخل قرااشيعك ولا عمري اشوفك تبيع هنا سامع وانا منزل راسي من قبل لايجين كف عاد يوم رفعته اصره ابوي الي قاعد يهاوش >>بس لا يقول احد وش زيلك بالبيت<< عاد انا قلت لازم اذوق ارفقاي من البليلة الي انا مسويه وطلعت عند الباب واصر فيه زحمة وقبل لأطلع على طول مسحت كلمت ياتيس حطيت ياعم وجوك البنقالية يشرون والفغانية عاد انا يقالي فاهم اقول بشطة ولا بدون وتبي معه خل ولا بس قرنفل مادري وش جاب القرنفل للبليلة عاد الزبدة مشا اليوم الاول وذوقت ارفقاي من البليلة وجازلهم عاد مرت الاشهر وبدا يقل السوووق مادري وراه وسألت ارفقاي قلت وراه ماتجون قالولي الحين السيارة تبع بليلة اصفر وصغير انا انهبلت وشو البليلة الاصفر والصغير ورحت سألت حدا الفهيمه من ارفقاي قلتله وشو البليلة الاصفر والصغير الي يبيعه راعي السيارة قالي هذا ذرة قلت ايه هذا عندنا بالبيت وسألته بكم يباعه قالي يباعه بخمسة عاد انا اقول طعم ولا مب طعم قالي تاكل اصابعك وراه قلت كفو يالذيب بس اسمع ترا فيه تسمم قالي وانت كل شيء يبيعه هذا تقول فيه تسمم قلت منت مصدق رح اشره وتشوف قالي خلاص مصدق بس تراه طعم قلت مخالف انا ازينة و ابيعه لكم بثلاثة ياحلالي رخيص وكانك تبي معه سفن بأربعه يا طعمم بس ... عاد يوم رحت للبيت ويوم صار بالليل والله انزل بالمطبخ واشوف الشغالة قاعدة تطبخ قلت يا ...اطلعي تعرفون كبير تتغطى عن عاد يوم طلعت والله وازين الذرة واحكره ذاك الحكر الي مب صاحي طلعت اطعم من البليلة وعاد واروح انام عشان الصبح اخبر ارفقاي عن الذرة الي يسمونه بليلة اصفر وصغير قلتلهم ترا اليوم بأبيع ذرة قالوا وشي الذرة قلت هذي الي تسمونه بليلة اصفر وصغير قالوا بكم قلت بثلاثة وكانك تبي معه سفن باربعه قالوا كفو يالذيب ابشر اليوم نبي نحشره عند باب بيتكم العصر كله نبي نقضيه وانا اقول بنفسي >>قضوه اهم شيء يجين قروووش<< قلت مخالف اهم شيء مايجيكم تسمم من السياره الي يلعب على الخلق عاد يوم رحت للبيت الظهر واروح اكتب لوحات >>ذرة بالكاتشب يا جدي<< ذرة بكاتشب وين خال امحق اعلان عاد نفس صلاة العصر صليت بالمسجد بس التسليم بالبيت عاد بعته ومرت ثلاث اشهر ودخل مكسب صراحة لايقارن بالي يدخل راعي السيارة .. عاد تعرفون حالنا كنا على قد حالنا واهلي مستغربين قضى البليلة والذرة خلال سته اشهر والشغالة راحت تقول لأمي ترا المشاغب هو الي يطبخ وياكل الذرة والبليلة كل ظهر..عاد امي جت لمي ومعه النعلة ولكم الكرامة وتهاوش وشوله تاكل الذرة والبليلة تدري انا على قد حالنا تروح تاكل حق سنة بنصف سنة قلت لأمي يايمه ابشري جاء الفرج بعد طول الفقر اليوم المشاغب يبي يرفع شعار ..انتهينا من الفقر <<صح الشعار قال اميمتي وشلون ترفع الشعار قلت تراي البليلة والذرة ما أكلت منه الا قروورة وحدة قالت وين وديته قلت وقفي خلين اكمل السالفة قالت كمل يالله قلت انا زينة محل ابسط عند باب البيت ازين البليلة والذرة من داخل البيت واذا صار العصر اطلعه وافرش عند الباب وابيع والحين دخلت فوق 20000ريال خلال ستة اشهر عاد امي تشهق ذيك الشهقة الي سمعه الي يسبح بالبحر الاحمر الي بأمريكا الشرقيه شف التوليف بس عاد وانهبلت وقلت صادز ولا تلعب علي قلت افا يميمتي بديت تشكين بالمشاغب لالالالا صادز خلاص الحين مانروح لم جارتنا ام صالح نشحذ منه طماط ولا جرجيل الحين هم يبون يجون لمنا ويقولن عندكم كراث اهم شيء يميمتي الحين نبي نسوي عزيمة ونعزم كل الجيران قال اميمتي لا لا لا قلت يعني مابه عزيمة قالت وراه قلت عشان يدرون الناس ان حالنا زان وانظبط قالت لا الحين انا لي كم سنة وانا افكر اني اخطبلك بنت جارنا ام صلاح قلت خ خ خلاص ابشري عاد يوم تزوجنا مرت شهرين من قضا العرس وبدينا نسولف عاد هماه هي بنت جيراننا وتدري وش الي يصير لي من مواقف عاد قالت تذكر يوم تبيع البليلة وانت كاتب بليلة بالشطة ياتيس قلت ايه قال وشلون حطيت هالشعار ذا فله قلت ايه انا حاطه عشان يهوشونن الناس ثم يرحمونن ويشرون من عاد قالت صح التفكير وبدينا نضحك ... والحمد لله الحين حالنا على مايرام وكل شيء مضبووط ... ههههههه هههههه ههههههه وانتهت القصة بسيلام لاحد يصدق ترا كلها تسذب × تسذب -------------------------------------------------------------------------------------- عــــاد تـــــراه مـــن تــــولــــيــــفــــي يـــعــــنــــي عـــطــــونـــنـــي رايـــكـــم فـــيـــهــــا -------------------------------------------------------------------------------------- آخر من قام بالتعديل الفتى الفيلسوف; بتاريخ 02-05-2008 الساعة 02:15 AM. السبب: ـــ |
|
|
| الإشارات المرجعية |
|
|
النمط الأحادي