[فتحة وكسرة]

كنت امس طالع مع اخوايي واصدقائي ودار بيننا حديث ونقاش لماذا الاعلام والناس والشباب يشبون ويسبون بالهيئة لاأخطئت وباقي الجهات عادي .
فكانت الأجوبة كثيرة وتعرفون أنتم موضوع الهيئة بالسعودية موضوع شائك وقضية صعبة ومعقده كلن له راي وتحليل ممكن تصنف من خلال موقفك من - الهيئة - يعني ممكن تكون علماني بمجرد تقول الهيئة اخطت وممكن تكون ارهابي بمجرد تقول الهيئة على الصواب المطلق .
قضيه معقد صح بس وش نسوي كذا الناس ولازم تتعامل معهم كذا .
المهم كان الجواب اللي قلته واعتقد انه هو احسن جواب واثق
أنه من المهم اننا نعرف ان الهيئة اخطائه وتعامله مع الناس يتعلق باأعراضهم والعرض اشد شئ على الواحد فممكن يخطئ علي شرطي ولادفاع مدني بس وش الحل لاأخطأ عليك عضو بالهيئة وحققوا معك وشهروا بك بمجالسهم وصرت سالفة وآخر شئ قالوا غلطانين وش الحل لامسكوك بالسوق وش جايبك قدام الناس وفتشوك واخر شئ قالوا آسفين , مشتبه به زي الربع اللي انتم خابرين خايف
أذكر بالنخيل طالعه أمي للسوق ومعه أخوي الصغير بالخامسه وكان معه جوال وامي بالسوق وهو عند الالعاب جو اثنين من الهيئة وقالوا له انت تغازل ؟
هي مايدري وش معنات المغازل عشان يغزل ووالله انه مابلغ بعد فقال خل اتصل على امي تجي اترجم جت امي وقالت وش السالفة قالوا آسفين نحسب ولدك من هالعيال الصيع .
وسكرنا الموضوع .
اخوي من هاك اليوم وهو وده يدري وش المغازل
يعني بالعربي وش حقه يسووون كل الأخطأ ونقول الأمور زينة خلو نعالج الأخطا عشان يكون درو الهيئة أكثر فاعلية واصلاح .

تنبيه
* فتحة وكسرة مواطن صالح يشهد أن لاإله إلا الله وأن محمد رسول الله وإذا هي على اللحية فأنا رجل ذو لحية كثة وطويلة وعريضة يعني مطوع وأحب المطاوعة واصدقاي مطاوعة واهلي مطاوعة وبريدة كله مطاوعة ............ عساي اسلم عاد منكم
وتناقشون بركادة