[الضــمــضــام]

السيلام عليكم ورحمة الرحمن وبركاته

حيا الله هالوجيه السفره

وشلونكم

أغدين ادخل بالموضوع دغــري <<<<< دغري معناته حليب الناقه

كان ياماكان في يوم من الأيام


في يوم من أيام الإجازه ( العطله الصيفيه ) جو أقاربنا من نواحي المعموره اللي جاء من الرياض واللي جاء من الدمام واللي جاء من حايل<< يابعد حيي وووو الخ

وطبعا وكالعاده اجتمعوا بها المزيرعه حقتنا اللي مهنا أزين منه ( به برتسه وبه نخل وبه كل ماهب ودب )

الموهم :
أنا يحوول مابه أحد كبري،كل عيال اخواني وخواتي مبزرة ( الجيل الثالث ) <<< وش عنده هالشايب

اهم شي يجتمعون ويستانسون وأنا أصيد بعارصا << تعرف ماودي ألعب مع بزارين عشن مايقولولي انت بزرر

الموهم:
مرة من المراات قالتلي أحد الأناثي (الله يكرمن والقارئين) رح ود العيال للبقاله خلهم يشرون وينبسطون

قلت وأنا مكره يالله خليهم يركبون وخبركم أقرب بقاله تبعد 20 كيلو جرام عن مزرعتنا قصدي 20 كيلو متر

لا وأزيدكم من الشعر بيت إن الوالد الله يحفظه جادعن علي ددسن المزرعه موديل 70 قبل الميلاد
غماره وحده ( تشغل بأي وسيله حاده واذا ضغطت الفرامل طاح صندوقه و و و الخ ) << طبعا مبالغه

اهم شي ماصدقوا البزارن يسمعون خبر واركبوا كلهم بالصندوق<< غريبه الصندوق ماانخسفبهم

شغلت السياره ( طبعا بملعقه ) وحركت

وفي الطريق

أشوف السياره بدت ترقص والتفت وراي والقى البزران يناقزون بالصندوق من الفرحه:082::082:
قلت خل أهوشهم أغدين أصيرهيبه وطلع الضمضام راسه مع الدريشه

الضمضام:
وووولد يالله اقعدوا
البزارن:
أقول شف طريقك وانت ساكت ( وبدوا يناقزون من جديد )

طبعاً الآن دخلنا القريه اللي به البقاله يعني لازم يهجدون عشن مايفشلونن

أهم شي عصبت عليهم ووقفت ونزلت من الموتر

واستلم الضمضام تلفيع وتخقيل البزران<< ابحاول استرد هيبتي اللي اختفت لكن مااااش

الموهم ركبت العراوي عقب ماخلطتهم خلط ومشيت والحمدلله وصلنا البقاله سالمين

شروا اللي يبونه من البسطه( اسف البقاله ) وتعرف باشروا علي عشن ماأخلطهم ثانيه

الموهم وحنا راجعين لقيت بطريقي شلة خرفان ( بدو ) يمشون مسالمين

أخوكم الضمضام بريء مر من عندهم وسلم عليهم وهو ماشي وبعد شوي ألتفت والقى الخرفان يهاوشون من بعيد اللي رافع ايده واللي رافع رجله ووو الخ ويغزون على العراوي

أنا مادري وش السالفه

بعد شوي يوم أبعدت عن (اهل الباديه) نزلت للبزارين ( ضحك وقهقهه وازعاااااااااج )

الضمضام:
اسكتوا وش الازعاج هذا تراي احولكم!!
البزران:
لالا خلاص آخر مره
الضمضام:
طيب وش سالفة البدو اللي تو يمشون
البزران:
والله ياهم نكته
الضمضام:
وش السالفه!!!
البزران:
وحنا قاعدين نشرب بيبسي طلعوا علينا ذولا قلنا مانفوتهم وكل واحد منا أرسل عليهم قوطي واللي أرسل عليهم نعله ووو الخ<<<< قرقه مايسكت
الضمضام:
اخسسسسسوا ياللي ماتستحون تسيف فشلتون قدام الله وخلقه

طبعاً استلم الضمضام جلد وركل وخقل وتمعيط شوش وتقليع شظاف ووو الخ

وركبت العراوي وشخفت

وأخـــيراً وصلنا للمزرعه سالمين غانمين والبزران مجلودين ومخلوطين

اللي راح يقول لأمه واللي راح يقول لاخته واللي راح يقول لجدته

وانتهى كل شيء

وكـــــــــانت رحــــلـــــة سعــيـــده .،،،

عاد وش رايكم بي تحسوون اني هيبه صح

يالله ابروح أطب بالبرتسه توصون شي

مـــــــــع الــسيلامـــه ،،،،