[المنخرش]

الحمد لله على كل حال


رجعت للمنزل الساعة 10 بالليل وأشوف الشباب توهم مخلصين .. تبارك الله
بعد أن نتج عن هذا عدة أخطاء ..



القصة الثانية وهي من نفس الشركة ..
لأني أشتريت منهم سقف مستعار و (ستاره بنفس الوقت)

الحين انتهينا من السقف بعد ان خرج له قرووون


قلت والستارة ..
قالوا لي: أنت همك السقف وانتهينا اصبر حتى يوم السبت الصباح نركب لك الستارة
طبعاً .. أنا قلت خير ميخالف
والستارة ليست كأهمية السقف .. لأن ليست مرتبطه بشيء

قلت تدري ابخليهم على راحتهم وابشوف وش يسوون

انتظرت السبت
الأحد
الأثنين
الثلاثاء

لاحس ولا خبر

صبرت الإربعاء ثم يوم الخميس اتصل علي .. وقال احنا راح نجي الآن ..
قلت لا ماني موجود (الدعوا تعجيز)
تعالوا بكرا

الشركة : والله بكرا جمعة مانستطيع .. خليها السبت
أنا : مافيه مشكلة .. السبت السبت .. نشوف



جاء يوم السبت ثم الأحد ثم الأثنين
اتصل علي وقالي بكرا راح نجي ..

أنا: طيب مافيه مشكلة بانتظاركم
الشركة :الساعة 10 صباحاً
أنا: ميخالف لو تبي الفجر


وكالعادة لم يأتي أحد ..

يوم الثلاثاء اتصل واعتذر كالعادة وقال

الشركة: أحنا آسفين ماجينا لكن راح نجيك بكرا ..
أنا : بعد أن قلبت كبدي وافرغ عبوتي داخل اذنيه
لا عادي مايحتاج الأعتذار .. أصلي متعود وتبلد احساسي من مواعيدكم الخرابيط طوط طوط طوط
انقطع الخط ..

اتصل علي بعد 5 دقائق

الشركة : السلام عليكم
أنا : وعليكم السلام:
الشركة : أسف خلص الرصيد وانقطع الخط .. خلاص موعدنا بكرا
أنا: خذ راحك .. بكرا بكرا مافيه مشكلة


وأخيراً وأول مرة اتصل علي الصباح .. تمعنت بالمتصل .. لم أصدق .. هل فعلاً هذا رقم الشركة
الله اكبر قد نجحوا في الموعد اخيراً ..
كنت في مجمع وكل الحضور التفتوا علي باستغراب

معقولة؟ هذا المتصل هي الشركة ؟

رديت ..

الصعيدي: ياعم انا عند الباب فينك
أنا : ماشاء الله تبارك الرحمن .. والله أنا مش موجود ياعمي الحق .. لأني ماتوقعتكم تجون .. حسبتكم زي العادة كأني مالي شغله غيركم كل يوم مرتز احتريكم
الصعيدي في غضب : انا مستنيك من زمان ليش تأخرت وليش ماخبرتنا علشان مانيجي احنا عندنا اشغال وارتبطات مع زباين تانين..

أنا في نفسي : (ذوق مثل ماذوقتون المر .. أقعد به واحمد ربك انه صفت على كذا) .. والله ماستطيع خلها بعد العصر افضل ..

صك السماعة في غضب .. وأنا مبسوط ..
ومن حسن الحض ان باقي العربون الباقي من المبلغ 50% تقريباً
ماراح أعطيكم اياها لين تجيبون الستارة
وأنا الآن انتظر اتصالاتهم ولست انا من يتصل عليهم
الحين انقلبت الآية .. وصارت لصالحي

وإلى هذا الحد لم يتصلوا وسوف أوافيكم بالجديد إن شاء الله بما يحصل..









الحلقة القادمة .. هي الأقوى وهي من بطولة احدى محلات(الأثاث المكتبي) والقصة لم تكتمل وحتى الآن واقف عليها .. يعني طازجة .. وسوف اوافيكم بجديدها أيضاً بعد سرد القصة بتفاصيها

انتظرونا..


محبكم/أبو فهد