[وايليهـ مخمليهـ]

اقتباس المشاركة الأساسية كتبها المهرة الأهم من ذلك كله هو أن تراعي مبدأ التكافئ ... فنسبة جمال زوجتك يجب أن تكون مماثله أو- على الأقل- قريبه من نسبة وسامتك حتى تكون الحياة متعادله ويعيش الطرفين برضا ...... فإن كنت بوسامة (توم كروز) فلا ترضى بأقل من جمال (باريس هيلتون) ... وإن كنت عكس ذلك فإحفظ ماء وجهك وابحث عن من تتناسب معك ... كان الله في عونك

[العقرب 11]

انت بتخلينا نفطر كل الي يقرون موضوعك اعزوبيه الله يهديك
انا ارأيي اخذ جميله لو تكون متغطرسه على قولك العمر وشو ساعات معدوده الواحد حرم يقضي وقته مع قبيحه

لاكن الزينه تملى عينك ماتدور ثانيه تبتل معك طول العمر عكس الثانيه هاذي ميزه والثانيه الانتاج يطلع مضبوط واتحفض فرجك وابي ميزه للي تكون مهي جميله ماتلقى ميزه لاتقولي اخلاق يمكن تاخذ مهب جميله وتكون اخلاقه شينه تصير نفس شينه وجلد مروح

[الصباخ]

بعض الناس يبينا نتزوج شينات ويقول الجمال جمال الروح .
ياحبيلكم بس.

يابن الحلال أنت شفه وعلى ماقال إذا جازت لك البنت اخطبه وتزوجه حتى لو ماجازت لأهلك لا تناظر رأيهم، لأنه وبكل بساطة رأي المرأة يختلف عن رأي الرجل والذوق كذلك.
وبالتوفيق لك ولي ولجميع العزوبيين.

[صالح القصيم]

لا والله الجمال مطلوب بس أهم شي (الدين )

وإلا وش فايدة الجمال بدون الدين .

اللهم أني صائم

[الهموم]

صراحه غريبه أول مره أشوف ناس يدورون لولدهم شينه
أتوقع أنك قاهرهم هااليومين وبينتقمون منك لكن ونا أخوك أرضهم وبتغير وجهة النظر وقول ماقاله الهموم

[ماهنا ذرابة :(]

دائما أكرر الجمال شي نسبي
أنا وأختي نختلف في جمال واحدة ؛ فما بالكم بالرجل !
ولا أعتقد بوجود من يتزوج واحدة يراها قبيحة .
عموما الجميلات مظلومات اجتماعيًا ؛ فلا تلتفت لكل مايقال ؛ هي امرأة مثلها مثل غيرها .
قد تتكبر إحداهن وهي قبيحة شوهاء لا مال ولا دلال !

[2 طش]

اخذ قصيره وجميله

ازين من اني اخذ شينه وطويله

اهم شي الوجه الحسن

وترى الجمال نسبي وكل واحد له ذوق

وبعدين من قال الجميله موضع ريبه هذي اول مره اسمع به!!!


من كلامك فهمت انهم يبون لك اهلك وحده عاديه شكلهم شايفين به اخلاق تغطي على جماله

واذا صارت عاديه واخلاقه فوق

ازين من انك تاخذ جميله واخلاقه زفت

والله يوفقك

[غريبة الديار]

يا أخي وش دخل لون البشرة بالأخلاق

وبعدين أنا خابرة الرجال أذواق أحدن يبي البيضاء وأحدن يبي السمراء

وانت ناظر وشو ذوقك وتوكل على ربك واعرس

وترا انت اللي تبي تعيش معها ماهوب اهلك

وتراي انصح بالسمراء تدروون ليش ؟؟؟

سي يو < أوكيشن

[صافي النية]

نظرية غير صحيحة أبداً ,,
ربما صحيحة فقط في المجمتع الذي قال عنها والذي دار الحوار فيها,,
نعم لو كانت الجميلة متساهلة في امر دينها هنا نقول ربما ستتغطرس عليك ولن تفلح معها وأقول ربما ,,
لكن ما دامها انسانة محافظه أو على الأقل معروفة بحسن أخلاقها فلا تكون كما ذكر,,
صحيح الانسان يبحث عن الشيء الذي يدوم وهو جمال الاخلاق ولكن ما المانع ان بحث عنهما جميعا فهذا نور على نور ,,

شكراً لك,,

[هب النسيم]

من يقول الزين مايكمل حلاه
ليش لا ممكن يجتمع الجمال والدين

[بنت بريدة]

شوفو الاذواق تختلف يعني هالجميله الي يقولونه اهلك يمكن بنضرك عاديه
والعاديه تكون حوريه بعيونك يعني الي بيتزوج اكيد راح يشوف البنت قبل يعني ليش معقدين المسأله وهي سهله

النقطه الثانيه الدين ماتبي دينه لاتزوج متدينه انت حر بس افضل انك تاخذ ع الاقل ملتزمه بس لاتتزوج وحده على قولتهم فرررري لانه ماراح تعينك على دينك ويصير كل همه مسلسلات و و وبس خلاص لا نسيت واذا جاء وقت العرس اعزمون تراي مبطي ماحضرت زواج

[جيرٍارٍد]

خرابيط.............................

الجمال زين ترى ومهم ولكن المتدينه أفضل

[محب الفضيلة]

المحافظة غير مرتبطة بزين وجه أو غيره
المحافظة تربية ونشأة في بيت محافظ
ولا نزودها ونقول المحافظات قليلات لا بل هن كثيرات ولله الحمد والمنة بل إن إن العكس نادر

[ẦβǾŨĐỸ]

بكرا لاتزوجت دينة ومابه جمال


وتناظر من الممثلات ولا شغالة


ولا شيء هه وتتحسف وتشين صورته عندك


وتتمنى ووو