[بدر بن عبدالله]

السلام عليكم:

والله يا أنت حركت ساكن يا أبو جهاد، لكن نبي نكتب لعل الناس تفهم:

1- أنا اللي يغثن ويفقع مرارتي اللي واقف عند الإشارة ويفتح باب السيارة ويطلع ذيك النخامة - أعزكم الله-
قدام خلق الله ولا كأن فيه أحد وراه أو يفتح باب السيارة ويكد خشمه قدام الناس كن ما فيه شيء اسمه مناديل،وإلا اللي يفتح دريشة السيارة ويرمي الزبالة - أعزكم الله - ولا كأن وراه أحد.

2- اللي يغثن اللي واقف عند الإشارة ومعه عياله ويدخن ودي أنزل وأصمخه علشان يعرف إن هذا التصرف خطأ.

3- وإلا اللي يفقع سبدي=كبدي هالبنات بالأسواق لابسات عبي مخصرة تشوف جسم الوحدة من أوله لأخرهودك تشوف أبوه علشان ترفع به وتصطره تارك بناته كذا ماينتبه لهن.

4- وإلا اللي يجيك يهوش ولده قدام الناس علشان ولده زين غلط ، طيب لا تهوشه قدام الناس خذه على جنب وعلمه بغلطه اللي زينه.

5- وإلا اللي وراك بسيارته ويبتل يكبس يعني افتح لي، هذا أنا أرصه وراي ولا في أمل أفتح له لو يناقز،لا وتلقى بعضهم يكبس لك والطريق زحمة كنه عمى ما يشوف الزحمة.

أبو جهاد في جعبتي أشياء كثيرة ترفع الضغط ولكن لا أريد الإطالة، ولعل الأعضاء الباقين يأتون بها.

مع تحيات: كربة النخلة.
والسلام خير ختام.