[هـــدوء الكـــون]

اقتباس المشاركة الأساسية كتبها نـــnaــونا الموضوع بيطول نقاشه لأن عقلية البنات تختلف منهم اللي تحب الماركه وتشتري بأي سعر ومنهم العكس الأهم جميل ومناسب ذوقها وسعره معقول والنصب عيني عينك وإحنا عارفين بس ما باليد حيله أنا كرهت الشيء الغالي وعن تجربه إذا شريت حاجه غاليه تطيح بكبدي وأكرهها ولا عاد ألبسها وبعد عيد الأضحى اللي فات قررت ما أشتري الغالي أفكر باللي يناسبني ومقتنعه فيه وفي بداية رمضان رحت أشتري أغراض العيد درت بهالأسواق لين كرهت نفسي من الأسواق اللي تحوم الكبد قال أيش ماركه من زينها والله أغلب محلات النخيل دخلتها ولا عجبتني ولا حاجه والأسعار ناااار والقطعه قطنيه وشريت من محل بالعثيم بـــ 80 ريال بس وصندل بــ 35 ريال وصلى الله وبارك نلبسها يوم العيد ونجدعها بالدولاب وأدري بتجي وحده ترد تقول مو معقوله وإلا مو ماركه بلا ماركه بلا هم الأهم الوحده يصير عندها ذووووق أولا وكمان لما تصير الفلوس لي ومن عرق جبيني على قولتهم أشتري على كيفي أما بلعب على حساب غيري لا وأنا شفت بمحلات كثيره بالسوق ( شارع الصناعه ) وأولهم تباريح تلاعب بالأسعار يرفعون على سعر السلعه فوق 35 ريال وأنا لاقيتهم بالمدينه بأرخص بكثير ونفس القطع أما من ناحية الرجال أقول السعر يمكن مو غالي كثير عشان إحنا إعتدنا على ثوب لون أبيض أو أصفر وشماغ لبس تقليدي مو مثل الحريم ألف لون ولون وموديل وموديل وأرجع وأقول لكم أغلب البنات متأكدين إن البضاعه ما تسوى أسعارها بس التلقيد اللي طايحين فيه عاميهم والله يعيننا وإياكم

اللحين انتي بنت وشريتي من العثيم وشلون صرتي اخر شي ولد ولبتسي ثوب ابيض

وبعدين ذا تباريح تعدينه محل الله يسلم عمرتس

وش فيها اذا شريتي من اهلك ولا لازم يصير من فلوسك عشان تقدرين تشترين اللي تبين .. الله يخليلي اهلي ولايحيجني لغيرهم

[نـــNAــونا]

اقتباس المشاركة الأساسية كتبها هـــدوء الكـــون اللحين انتي بنت وشريتي من العثيم وشلون صرتي اخر شي ولد ولبتسي ثوب ابيض الله يسلم لي عيونك وراك ما قريتي الرد زين من قال إني صرت ولد الله يصلحك ضحكتيني أنا قلت ( أما من ناحية الرجال أقول السعر يمكن مو غالي كثير عشان إحنا ( أقصد البنات ) إعتدنا نشوف إخواننا وآباءنا على ثوب لون أبيض أو أصفر وشماغ لبس تقليدي مو مثل الحريم ما جبت سيرة إني شاريه ثوب أبيض وبعدين ذا تباريح تعدينه محل الله يسلم عمرتس ينعد محل مثله مثل غيره وش فيها اذا شريتي من اهلك ولا لازم يصير من فلوسك عشان تقدرين تشترين اللي تبين .. الله يخليلي اهلي ولايحيجني لغيرهم

الله يديم أهلي وأهلكم تاج على روؤسنا ولا يحيجنا لأحد بس كل شخص له مبادءه الخاصه

وأنا لما رديت ما حبيت أحد يعقب على ردي وجهة نظري وقلتها مو مطلوب إنها توافقكم أو تخالفكم

[**بنت منيره**]

لا تقليد ولادبش
على حسب المجتمع ياقلبي هذا اول شي
يعني ماراح اصير اقل منهم وانا اقدر الحمد لله
وبعدين كلن على حسب استطاعته
والماركه مايخفض بلا كلك لو تعسكر عند باب المحل
والعمده على الذوق
وبصراحه انا احس 500 بالعيد عاااااااااااااااااااااااااااادي قوه
الحين الجزمه وهي الجزمه بكم؟

وابو يمن ما اشوفهم الا بالعثيم او بشارع الصناعه

[Tasting me life]

اخوي الحين المشكله الماركات العالميه غلبت اسواقنا
عشان كذا نشوف غلا الاسعار حتى لو تكلم صاحب الكاشير بقولك
هذي اسعار دوليه مالنا صلاحيه فيها واستغرب ليه العالم اذا جاء رمضان
طارت للأسواق بحجة العيد قدامها طيب الله موسعها عليك اشتر قبل
اريح لك واحسن لك واوفر لك من ناحية الماده لانو معروف موسم
والاسعار اكيد بتكون ضاربه وهذا رايي


تقبلوا مرووووري

[المنخرش]

عدنا إليكم..

بصراحة أحززني ما رأيت من ردود وأعجبني ما رأيت من وجهات النظر..

خواتي أخواني .. نحن نريد حل بغض النظر إن كان كاتب الموضوع ذكر أم أنثى..

وأما قضية السيارات والجنوط .. وبلاوي الشباب .. فهذا له موضوع أخر غير هذا
فنحن نتكلم عن مشكلة .. وليسنا نتكلم عن
(كل من لديه مشكلة)

وضعنا المشكلة وضعنا الخطوات ثم الحلوال المناسبة

ولا نريد الخروج عن الموضوع ,, او السواليف

فبي صراحة (انعميت عيوني يوم قريت ردود نسائية)
قريت رد واحد طويل جداً ولكني لم أخرج بفائدة ولم تصل للب الموضوع أصلاً

فأعتذر عن الرد ..

إذا من هم في صلب الموضوع فقط

وقد اعجبني شخص واحد هو من عرف أصل الموضوع فأجاب عنه من وجهة نظره وهو



(غارق)

اقتباس فيه طريقة حلوة جداً بلا مقاطعة بلا هك وهي : هذا إذا كنت تريد العلاج والتضحية والحل تعمل كالآتي: أن الأم أو الاخت او اي احد من أقاربك بعد تفحص المحلات ومن ثم تجد الثوب المناسب لا تستعجل في شرائه تحدد مكانه ومن ثم تذهب لتختار باقي متطلباتها وفي النهاية يأتي زوجها أو أحد إخوانها أبو أبوها ويشتري جميع ما تم إختياره وبهذا تستطيع التغلب على البائع وقد سلكت هذا الإسلوب بنفسي ..

رد في الصميم وهو أحد خيارات حل المشكلة
وقد أجاد في طرحه واسلوبه

فأنا أريد مثل هذا الطرح



الموضوع يتشعب

مانبي توصيف محلات
او الماركات سعرها ثابت او متغير
او فيه محلات رخيصة
او الفلوس على زوجها وليس عليها
او تلبسه مرة واحده وبعدين تحلته


كل هالأمور لها مواضيع خاصة بها

أرجوكم أرجعوا لنفس الموضوع ,,
أرجوا لمن يرد
----------------
أولاً
يطور فكرتي ,,
بحيث تختار الفتاة والفتيات محل مناسب
ومن ثم يتم مداولته بينهن ويتم مقاطعته ,,
فهذا يجدي لو قاطعته فتيات المنتدى فقط لكفى
وبدأ كل محل يخاف ان تكون عليه العين المرة القادمة
,,


ثانياً
تطوير فكرة غارق .. وهي في وجهة نري أنك إذا ماشتريت البضاعة انت ستأتي فاة أخرى وتشتريها
بألى من السعر نفيه
ولا تنفع في بعض المناسبات,, أو بعضا لمحلات المسعر عليها


ثالثاً ,,
أقتراح أخر ليتم إراخاص البضاعة

غيره لا نريد من كلام فاضي وقصص وبلاوي
خل قصصكم لكن يابنات ورقكم الامنقطع لكم
فنحن في مشكلة نريد الحل
فهي من صالحكم أولاً وأخر



شكراً لكم
ولي عودة أخرة جزاكم الله خير

[المنخرش]

لاحول ولا قوة
أتمنى أن يغلق الموضوع صار هواش مو مناقش
أنا غلطان أقول مناقاشت نسائية..
أتمنى من المشرفين إغلاق الموضوع...



وبعدين ياللي يقول جاوب على السؤال
حط موضوع خاص بالشباب وراح أرد .. اما أضع موضوع وتجي تسألني هذا أكبر غلط
لابد أن نتعلم آداب الحوار بارك الله فيك.,,

وشغل الشباب ماقلت عنه صح
أنا أقول أكبر غلط
لكن له تطرقات أخرى

أتمنى أن الكل يفهم

هنا مضووع وليس نقاشات ومحادات وسواليف حريم

[شبل الغابة]

^
انت مهبول تعطي هالحريم وجه ؟

خلهن بمنتداهن أبرك لنا
إن جن بذا حاقن أم الدعوى

حرمه وتفلسف واااااااااااااوك

[عآشقة قسمهآ ..]

اقتباس المشاركة الأساسية كتبها شبل الغابة ^ انت مهبول تعطي هالحريم وجه ؟ خلهن بمنتداهن أبرك لنا إن جن بذا حاقن أم الدعوى حرمه وتفلسف واااااااااااااوك

رفقآ بالقوارير

ودي أشوف موضوع منزلينه ولا فيه سب للعنصر النسائي

عمومآ تعودنا عليكم وعلى اسلوبكم .. لو سمحت رح لبنت بريدة واذا لقيت سب واحد لعنصركم الموقر علمني

[الملاك الوردي]

اقتباس المشاركة الأساسية كتبها عااااااشقة قسمها!! رفقآ بالقوارير ودي أشوف موضوع منزلينه ولا فيه سب للعنصر النسائي عمومآ تعودنا عليكم وعلى اسلوبكم .. لو سمحت رح لبنت بريدة واذا لقيت سب واحد لعنصركم الموقر علمني

تصدقين عاد إني ماقريت الموضوع وماأدري شاالسالفه,,,,

فتحت الصفحه الأخيره على طول,,,,

شوفي ياماما تعودي على هالكلمات وأردى بعد,,,

أنتي عندك ناس جلووف همهم السب بالحريم بس الله لنا,,,,,

لاتجيبين خبر لهم ولايضيق صدرك وأنا أختك طننننننننننننننننننننننشي,,,,

طنش تعش تنتعش,,,,,

[@رسيل@]

اقتباس المشاركة الأساسية كتبها شبل الغابة ^ انت مهبول تعطي هالحريم وجه ؟ خلهن بمنتداهن أبرك لنا إن جن بذا حاقن أم الدعوى حرمه وتفلسف واااااااااااااوك

[الصباخ]

^ ^ ^


بلش أبوفهد .
ياحبيلك يا أبوفهد، دائماً بعض الحريم كذا.
لذلك لا تشره عليهم.
.

[الصويلح]

صدقت في كلمة قلتها

واتمنى ان تجد اذان صاغية

[@رسيل@]

مساكين الشباب


مدري شلون يفرقون بين ثيابهم



اتذكر وانا صغيرة افرح بالعيد

واقول لاخوي مسكين ثوبك زي اللي قبل


يقول

احسن منكم يالبنات


مسكين يحاول يرفع من معنوياته








مشكور اخوي عالموضوع

[@رسيل@]

استغفر الله


لهذي الدرجة مقهورين منا


اذا غلا اللبس مايتعدى الف ريال


اشوا منكم اللي تشتروون سيارات غالية مرة
\

حنا همنا لبسنا