[رمال نجد]

وبعدين ياليت احد يقولنا عن تجربته الحقيقيه سواء رجل او امراءه. الحسنات والسيئات..

[abu.malk]

والشباب اللي تتسقع بالشوارع من يزوجهم







الظاهر ان ها المؤسسه الخيريه تبي تخرب شيبانا

[مدحت شوقي عنيزة]

الله كلن يخلي له زوجته
واللي يقدر على الثانيه ويعدل عساه على القوة
هذا رايي

[سفير الشمال]

ارى ان اول خطأ يرتكبه من يريد التعدد هو إخبار زوجته او الاستئذان بطريقة غير مباشرة بأنه

سيتزوج

شيء مضحك فعلا كيف تستأذن على شيء هو حق لك اصلا,

هل تستئذن من زوجتك اذا اردت ان تتعشى ام تستأن منها اذا اردت ان تنام, فهذه الاشياء حق من

حقوقك والزواج مثلها

فأقدم وتوكل على الله ولا تكن من الخائفين

[اابو معاذ المكي]

جزاك الله خير اخي الحبيب سامي بريده
وبارك الله فيك
لي مع هذا الموضوع وفقات
1) اولا لابد من شكر صاحب الموضوع انا استغرب من شخص يقرأ موضوع يزبد من ثقافته او جمعه العلمي ولا يشكر صاحبه فقد روى الهيثمي المكي في كتاب الزواجر عن النبي صاى الله عليه وسلم انه قال ( لا يشكر الله من لايشكر الناس )
2)البعض ليس لديه لغه حواريه ولاشك انه اذا ارتقى الحوار كانت هناك اثار ايجابيه له فتجده يسب او يشتم ورحم الله القائل ( قول غير خطأ يحتمل الصواب وقولي صواب يحتمل الخطأ )
3) التعدد سنه من سنن النبي صلى الله عليه وسلم ونجد البعض من يلمز ويهمز وقد يقول الانسان كلمه لا يلقي لها بال تهوي به في جهنم سبعين خريفا فلننتبه
4)ارى البعض يقيد التعدد بالحاجه وهذا ليس صحيح فباب التعدد مفتوح لمن كان له حاجه او ليس له حاجه
5)اخوتاه ارى نتائج الاعلام الفاسد قد اثر فينا فلمسلسلات التي تحارب الدين والاسلام واهله قد فرخت في عقولنا فاصبح الذي يتزوج بثانيه مجرم وخارج عن المجتمع بل وفعل شي لايغفر له
اعتذر وبشده لاطالة تعقيبي ولكن احببت ان اشارك في هذا الموضوع الاكثر من رائع والشكر لصاحب الموضوع المتميز دوما اخينا سامي حفظه الله
اللهم اغفر لنا وارحمنا وتوفنا وانت راض عنا غير غضبان

[&&&حنين الروح&&&]

اقتباس المشاركة الأساسية كتبها شفت القمر ما أدري وراه البنات دائم هذا كلامهن 0 ما أدري وش بهن فرق عن الشهبان تراه اخوك وبوك تقصدين على هونك0000000000000000000 والوحده من البنات لو تعنس عرفت قيمة هذا الموضوع00 (قولي خير او اصمتي) إذا ما أعجبك الموضوع السكوت احسن حتى ربي ما يعاقبك ؟؟؟ والله من البنات الي لو يجي واحد معه ثلاث حريم ماتت من الفرح 00 وترا انعم اذا شكرت قرت وإذا كفرت فرت0 شعارنا ( اللهم اقضي حاجات المسلمين)

وانا صادقه بعض الشباب شهبان لو تلبس العنز عباة كان يلاحقونه والحمد لله مالي اخوان وابوي الله يرحمه..
ومثل ماقال اخوي موادع علق على الموضوع وانثبر مالك دخل بالردود يالاااااااااااااشهب..
وبعدين مو انت اللي تسكتني وتقول السكوت افضل؟ اهلي عمرهم ماقالوا لي اسكتي وتجي انت يالبزر وتسكتني تخسى ورجاء لاعمرك ترد علي لانك من اليوم انت والجدار واحد او يكرم الجدار

[سامي بريدة]

اقتباس المشاركة الأساسية كتبها خلــ ابو ــيفة أقول بلا ثانية بلا خرابيط أقول : وحدة تيزيكم وتخب عليكم بعد أنا عزوبي ولا لقيت وانتم ماتشبعون ( عنز طاحت بعبس ) والله يخليلنا بنات ديرتنا بس سنع وجمال وقسم انكم ماتشبعون

أخي الكريم هداك الله
نحن نتكلم عن تشريع من تشريعات الله سبحانه وإن شئت أن تقرأ قوله تعالى

[وَإِنْ خِفْتُمْ أَلَّا تُقْسِطُوا فِي اليَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا] {النساء:3}
لتعلم اننا لم نتكلم عن مباراة أوغيرها وفقك الله
ثم إن الواحدة والاثنتين كلهن نعم من نعم الله عز وجل فزود الخير خيرين أو أنت ممن يعتبر المرأة مصيبة ومشكلة حلت في بيت زوجها ...؟؟؟
أنت عزوبي وما مانعك أن تبحث عن بنت الحلال فما أكثرهن في البيوت وبانتظار المناسب من دين وخلق وأزيد بشارة أن الرجال يبحثون عن الرجل المناسب ولا يبحثون عن غلاء مهور ولله الحمد وهذا توجه قوي وقادم بإذن الله
ولقد أخطأت بمثلك الذي أوردته لمافيه تشبيه لأخوانك بالحيوانات وأخواتك بالجمادات ...!!!
ونحن لم نسب بناتنا وأخواتنا بنات بلدنا والخير في الجميع إن شاء الله
اللهم اغننا بحلالك عن حرامك وبفضلك عن من سواك .
وجزاك الله خيرا على قبول توجيهي القاسي.

اقتباس المشاركة الأساسية كتبها بـــ sunـــــريدة الله يبشرك بالخير ، خل المقتدر واللي يفكر بالثانيه والثالثه و الرابعه يتوكل على الله و يتزوج بس يعدل و يضبط أمورهـ أحسن من أنه يجدع زوجته كل عطله عند أهلها ويسافر علشان يتمتع أو يتزوج زواجآت غريبه ( عرفي - مسفار- ...الخ ، اذا ما كان بالحرآم ) والزوجه تتصدد عنه كأنها ما تدري وش يزين أذا سافر برى كله علشآن ما يفكر يتزوج ثانيه . اللي أعمارهم كبيرهـ بيرزقهم الله والحين البنت الضاهر ما تفكر بالعمر بقدر أنها تفكر بواحد رجل يقدرها ويجلس جنبها ويهتم لها ويعرف الحياة الزوجيه أكثر من أنه يهتم لشباب الأستراحه . الله يرزقنا بالأولى الشقرديه ونلحقها الثانيه والثالثه والرابعه و يرزقنا الله من وآسع فضله يكفي الواحد أنه بيفك أزمة عند العوانس و الأرامل والمطلقات وعلى أجر أن شاء الله . يا شباب اللي يبي يعدد لا ينسى العدل و سعة الصدر وأهم شي الأخلاق وأن حصل يشتري له حبوب ضغظ وأسبيرين وأي علآج يخليه ريلآكس علشان يتحمل ضغوط الحياة والتنافس بين زوجاته . واللي أسمعه من الشباب حديثي الزوآج أن الواحد ودهـ يتزوج أربع علشان يحس أن فيه أهتمام له لأن البنات التاليات يقولون عنهن أنهن بليدات مثلا الزوج يدخل بيته ويمر من عندها بالصاله ويغير ملآبسه بالغرفه و يرجع لها وهي فاتحه فمها عند مسلسل كويتي أو سوري ولا كأنه دخل زوجها البيت أو يجي وقت العشاء ويسألها عن العشاء و يصير آخر شي نواشف لأنها مشغوله بمتابعة التلفزيون أو تتعذر بأعذار تفشل ! كثر من البشارات علشان المعوج يتعدل

جزاك الله خيرا
كلام منطقي ومعقول ولم أستطع أن أجد له تعليقاً إلا وفقك الله

[سامي بريدة]

اقتباس المشاركة الأساسية كتبها MM 500 MM انا ودي كل وحده من النساء اللي ما تبي التعدد ................ تتصور نفسها في مكان احد العوانس ((((( يعني عمرك 35-40 ما تزوجتي , او اقل من ذلك ))))) ما تتمنين الزواج لو زوجه ثانيه اهم شي لي زوج - اولاد - بيت - يا جماعه فكروا كويس !!!!! ............. هذي جمعيه خيريه ..... ويقولون المستفيد الاول هم النساء .

جزاك الله خيرا كلام معقول جدا ونصيحة طيبة
بارك الله فيك

اقتباس المشاركة الأساسية كتبها @تميمي@ بسم الله علي الله يخليلي ام عيااالي

يقولون الذي يرد مثل هالرد تراه متزوج بدون ماتدري زوجته
وعلشان ما تشك فيه مدامه الله يخليها له
بارك الله فيك

اقتباس المشاركة الأساسية كتبها ابن بريده البار فعلا الخبر موجود بسبق وهو مشروع ممتاز وملح لان العنوسه كثيره وبعدين الشباب ماعندهم استعداد لتحمل المسؤليه الا القليل وش ذنب البنات والا نروح نستورد رجال من برا وبعدين التعدد هو الاصل عارف بيزعلون لكن هذي هي الحقيقه واللي يبي مسيار تراي خابر له بس يحتسب الاجر

جزاك الله خيرا ياولدنا البار
كلام في الصميم وماقصرت على هالمشاركة

اقتباس المشاركة الأساسية كتبها كلي الم وجروح الحمدلله والشكر على نعمة العقل يدورون شي ماااااااااااضااااعلهم اقول عض على جلكسي اهاااااه

شكرا لمرورك الكريم
وشفى الله ألمك وجروحك
اللهم آمين ...

[الأصبع الإيجابي]

سامي ..

ياويلك من أمي .. بس تدعي عليك وتقول لي لا يشوف أبوك الموضوووع ..!

أقول تراجع وانف الخبر أزين لك .

[مجموعة مشاعر]

ليتهم يكتفون بالاصلاح بين الزوجين فقط لا بالهدم ... وتشتيت الازواج وابنائهم بستحداث فرصه زواج ثانيه


صارت المسأله الاهتمام بالكم لابالكيف اشباع الشهوات


كم من حالات الطلاق التي ستزيد سببكم ياجمعية ينبع ؟

كم من الاولاد ستتشتت بسببكم ؟؟

اكتفو بالاصلاح ... ومن اراد ان يتزوج بثانيه وله اسبابه ودوافعه يدل الطريق مايحتاج تشجعون ....... الي يبي والي مايبي
سبحان الله سنة محمد صلى الله عليه وسلم مااعجبهم فيها الا التعداد؟؟

يااخوان اقتدو بكل مافي سنة الرسول الكريم بالاخلاق والتصرفات ووو الي تصلح من حالكم وحياتكم ..

وتنفعكم في دنياكم واخراكم وليس دنياكم فقط بعدين اين مجاهدة النفس الم يعد الله المؤمنين بالحور العين في الجنه

[المتألقة]

اقتباس المشاركة الأساسية كتبها مجموعة مشاعر ليتهم يكتفون بالاصلاح بين الزوجين فقط لا بالهدم ... وتشتيت الازواج وابنائهم بستحداث فرصه زواج ثانيه صارت المسأله الاهتمام بالكم لابالكيف اشباع الشهوات كم من حالات الطلاق التي ستزيد سببكم ياجمعية ينبع ؟ كم من الاولاد ستتشتت بسببكم ؟؟ اكتفو بالاصلاح ... ومن اراد ان يتزوج بثانيه وله اسبابه ودوافعه يدل الطريق مايحتاج تشجعون ....... الي يبي والي مايبي سبحان الله سنة محمد صلى الله عليه وسلم مااعجبهم فيها الا التعداد؟؟ يااخوان اقتدو بكل مافي سنة الرسول الكريم بالاخلاق والتصرفات ووو الي تصلح من حالكم وحياتكم .. وتنفعكم في دنياكم واخراكم وليس دنياكم فقط بعدين اين مجاهدة النفس الم يعد الله المؤمنين بالحور العين في الجنه

صدقتي يامجموعة مشاعر

الله يصلح الجميع


"خودهافز"

[صلوحي$]

اخوي سامي بريده 0


ماهوب صحيح الزواج الاول اسهل من الزواج الثاني 00

لان الزواج الاول اصعب بمليييييييييييييييون مره من الثاني 00

وبيني وبينك خلنا نلقى الاولى 000 والتوبه اذا افكرت بالثانيه

[هتــــــــــوفي]

لماذا تهتم بلبنات العوانس ولا تهتم بشاب العزب

[هايين]

اذا استطاع العدل وفك الجيب...

فاهلا وسهلا ...

ولا زوجو العزاب من ذكر وانثى ...