|[ رحلتي لتقفي آثار السيل شمال المملكة .. تقرير مصور ]| - صفحة 3

الخفاش · 01-11-2008, 04:34 PM

’,

بسم الله أبدأ

السلام عليكم ورحمة الله وبركاته

كا تعلمون أن الأمطار اللتي هطلت علينا يوم الجمعة 24/10/1429 هـ تهيض الواحد خاصةً لمنه صار عطيل لا وظيفة ولا إدراسة ولا شي وإذا صار عزوبي ماعندهـ لابيت ومرهـ ..
يعني تبطح بالبيت وفراغ قاتل
كذلكـ إتفق الحال وإنطبق على إبن عمي فقررنا أننا نروح ونتمشى بالشمال ونشوف السيل وين واصل والفياض والخيرات

سرينا بالليل من يوم الأحد لم قبه معنا الباترول بتاعي وهلي غمارة ديزل علشان نشيل به الحطب
وحنا أثنين يعني تقل جن كل واحد بسيارة
دخلنا النفود قبل قبه بــ 20 كم تقريباً علشان ننام وجلسنا بمكان ممتاز ونمنا
قمنا الفجر وصلينا ثم جلسنا نتقهوى لين تطلع الشمس

أول صورة للشبه وحوله الدلة والبريدز

تقهوينا وإستانسنا ثم ضفينا قشنا ورحنا نتمشى ونحطب
والحمد لله النفود رويان مرهـ وهو أفضل نفود مرينا عليه والسيارات تمشي كنه بسفلت من قوة أنه رويان
والجو كان غائم وبراد شوي يعني أنواع الفلات

تفرقنا نحطب وأنا أقط جذع الأرطا إلى هالماخوذهـ تطلع علي قلت والله ما تفلتين وأمسكه بالملقاط وأقوله تبسمي على شان الشباب

والله يانا منحوس بالرحلة ذي هالمرهـ ذي طلع على عقرب والمرهـ الثانية طلع علي .... خلوهـ مفاجأة

طلعنا من النفود وتوجهنا يم دزبه وبعد ما تعدينا دزبه جانا شعيبن صغير ماله أسم
وجلسنا به وأفطرنا هناكـ

بعدهـ دخلنا نفود الدهناء وتمشينا به وكانت المطرهـ اللي جايته أقل من نفود الثويرات وحفرت حفره علشان أقيس الثرى يعله خير
طلع لنا بعمق 37 سم كما في الصورة

بعدين طلعنا على سكة القطار الجديدة

ثم طلعنا على سامودهـ ومن سامودهـ توجهنا إلى لينه
طبعاً كل المحاجر مليانه يالله لكـ الحمد

وقبل لينه بـ 18 كم

لقينا الفيظه ذي مليانه ماء

والطرق منقع على يمين ويسار

وصلنا لينه وفرقنا من عندهـ

أخذنا جوله على لينه وهذا قصر الإمارهـ القديم

طبعاً حنا هالحين العصر أخذنا ما نحتاج ودخلنا النفود بعد لينه بـ 15 كم وكالعادة دورنا مكان زين وجلسنا به والنفود أقل بكثير من نفود الثويرات حيث عمق الثرى قليل جداً

وهذي حصيلة ما حطبنا من اليوم

قمنا الفجر وبعد الصلاة والقهوة وقراءة للورد خرجنا على الطريق وتوجهنا يم تربه
وحنا بالطريق وقفنا عند الفيضة ذي ولقيناهـ المليانه من الماء

والغرانيق مستأمنات ما تمنينا باللحظة ذي إلا أم خمس

حول الفيضة

أفطرنا به ومشينا وصلنا لم آبار و فياض إم العصافير تقريباُ 100 كم غرب لينة
والباذر طالع والفيضة مليانه

بئرين على جنبات الفيضة

والآبار الباقية كله مليانه

وصلنا تربه وتفاجأنا أنه لم ينزل عليه ولا قطرة وكانت الأرض قحط مرهـ
ومن تربه حتى حائل ماهنا ولا قطرهـ حتى حايل يقولون أهله ما جانا سيل أبد

دخلنا حائل وحنا بوسط حائل لقيت بيت قديم قلت خلن آخذ له كمن صورة

هنا ينتهي الجزء الأول
وفي الجزء الثاني مررنا بالنفود الكبير و بقرية جبه وقرية العليم
ترقبوهـ فهناكـ المزيد من الأحداث والمفاجأت

شكراً لمتابعتكم

||

تحياتي / أنس بن فهد ©

||

’,

01-11-2008, 04:34 PM	#1
الخفاش ربّي لا تحرِمنِي لُقيَاهم تاريخ التسجيل: May 2007 البلد: تحت ظلال السيوف المشاركات: 5,113	\|[ رحلتي لتقفي آثار السيل شمال المملكة .. تقرير مصور ]\| ’, بسم الله أبدأ السلام عليكم ورحمة الله وبركاته كا تعلمون أن الأمطار اللتي هطلت علينا يوم الجمعة 24/10/1429 هـ تهيض الواحد خاصةً لمنه صار عطيل لا وظيفة ولا إدراسة ولا شي وإذا صار عزوبي ماعندهـ لابيت ومرهـ .. يعني تبطح بالبيت وفراغ قاتل كذلكـ إتفق الحال وإنطبق على إبن عمي فقررنا أننا نروح ونتمشى بالشمال ونشوف السيل وين واصل والفياض والخيرات سرينا بالليل من يوم الأحد لم قبه معنا الباترول بتاعي وهلي غمارة ديزل علشان نشيل به الحطب وحنا أثنين يعني تقل جن كل واحد بسيارة دخلنا النفود قبل قبه بــ 20 كم تقريباً علشان ننام وجلسنا بمكان ممتاز ونمنا قمنا الفجر وصلينا ثم جلسنا نتقهوى لين تطلع الشمس أول صورة للشبه وحوله الدلة والبريدز تقهوينا وإستانسنا ثم ضفينا قشنا ورحنا نتمشى ونحطب والحمد لله النفود رويان مرهـ وهو أفضل نفود مرينا عليه والسيارات تمشي كنه بسفلت من قوة أنه رويان والجو كان غائم وبراد شوي يعني أنواع الفلات تفرقنا نحطب وأنا أقط جذع الأرطا إلى هالماخوذهـ تطلع علي قلت والله ما تفلتين وأمسكه بالملقاط وأقوله تبسمي على شان الشباب والله يانا منحوس بالرحلة ذي هالمرهـ ذي طلع على عقرب والمرهـ الثانية طلع علي .... خلوهـ مفاجأة طلعنا من النفود وتوجهنا يم دزبه وبعد ما تعدينا دزبه جانا شعيبن صغير ماله أسم وجلسنا به وأفطرنا هناكـ بعدهـ دخلنا نفود الدهناء وتمشينا به وكانت المطرهـ اللي جايته أقل من نفود الثويرات وحفرت حفره علشان أقيس الثرى يعله خير طلع لنا بعمق 37 سم كما في الصورة بعدين طلعنا على سكة القطار الجديدة ثم طلعنا على سامودهـ ومن سامودهـ توجهنا إلى لينه طبعاً كل المحاجر مليانه يالله لكـ الحمد وقبل لينه بـ 18 كم لقينا الفيظه ذي مليانه ماء والطرق منقع على يمين ويسار وصلنا لينه وفرقنا من عندهـ أخذنا جوله على لينه وهذا قصر الإمارهـ القديم طبعاً حنا هالحين العصر أخذنا ما نحتاج ودخلنا النفود بعد لينه بـ 15 كم وكالعادة دورنا مكان زين وجلسنا به والنفود أقل بكثير من نفود الثويرات حيث عمق الثرى قليل جداً وهذي حصيلة ما حطبنا من اليوم قمنا الفجر وبعد الصلاة والقهوة وقراءة للورد خرجنا على الطريق وتوجهنا يم تربه وحنا بالطريق وقفنا عند الفيضة ذي ولقيناهـ المليانه من الماء والغرانيق مستأمنات ما تمنينا باللحظة ذي إلا أم خمس حول الفيضة أفطرنا به ومشينا وصلنا لم آبار و فياض إم العصافير تقريباُ 100 كم غرب لينة والباذر طالع والفيضة مليانه بئرين على جنبات الفيضة والآبار الباقية كله مليانه وصلنا تربه وتفاجأنا أنه لم ينزل عليه ولا قطرة وكانت الأرض قحط مرهـ ومن تربه حتى حائل ماهنا ولا قطرهـ حتى حايل يقولون أهله ما جانا سيل أبد دخلنا حائل وحنا بوسط حائل لقيت بيت قديم قلت خلن آخذ له كمن صورة هنا ينتهي الجزء الأول وفي الجزء الثاني مررنا بالنفود الكبير و بقرية جبه وقرية العليم ترقبوهـ فهناكـ المزيد من الأحداث والمفاجأت شكراً لمتابعتكم \|\| تحياتي / أنس بن فهد © \|\| ’, __________________

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
التحول إلى النمط المتتابع التحول إلى النمط المتشعب النمط الأحادي